15

Quen manda na hora de hoxe?

Quen manda?

Quen manda que non a atende?

Vou buscando,

busco mañá e no atopo, busco día

e non o vexo.

Todo cala afeito.

Non atopo a pousa tarde nin sei do seu

barullo.

Quen me fala non o entende.

Señor,

dime quen me levou?

Quen me levou que me volva,

que me volva enteira de

Ti.

Herbiñas de prados frescos,

terras,

mares, mareas e cumes,

riachos de entre canellos, buscade de vós

o meu, meu soio.

Xa vexo!

Vou vendo.

Vexo día ca súa salve.

Atopei mañá -miña hora-.

Vai medindo o tempo as prantas.

Xa me din en verba aberta!

Xa me escoitan!

Xa en rendixa da noite se atui!

Xa son!