vb1salvareznunez.html
(LUGO,
1954).
PROFESORA AGREGADA DE Lingua e
Literatura Galegas no IES Virxe do Mar de Noia.
Actualmente vivo en SANTIAGO DE
COMPOSTELA.
Escritora de contos
infantís-xuvenís e autora do primeiro conto feminista
da nosa literatura infantil. Autora tamén de libros
didácticos relacionados co estudio da lingua e da
literatura galega.
Crítica literaria no
campo da Literatura Infantil e Xuvenil con
artigos en diferentes xornais e revistas culturais, ademais de
participar como ponente en diferentes cursos e xornadas.
Impartición tamén de diferentes cursos de Animación á
lectura.
Estudiosa do tema do sexismo
na historia da Literatura Infantil e Xuvenil,
coa publicación de diferentes artigos sobre o tema e
participación en diferentes cursos e xornadas de
Literatura Infantil e Xuvenil.
Estudiosa do tema de coeducación,
coa publicación de diferentes artigos sobre o tema, ademais de
participar como ponente en diferentes cursos e xornadas.
Participou e promoveu a
publicación da Revista Galega de Mulleres Festa
da Palabra Silenciada, nacida no ano 83, como
aportación das mulleres á cultura galega para promove-la
creación feminina e para potencia-lo pensamento feminista. Entre
as promotoras están Mª Xosé Queizán, Carmen Blanco, Ana
Romaní, Sabela Álvarez, Amanda Álvarez, Isabel Mouriz e Carme
Rábade. Colaboradora, por tanto, habitual desta revista.
Membra do colectivo
F.I.G.A. (FEMINISTAS INDEPENDENTES GALEGAS)
ata 1994. Hoxe segue a definirse como Feminista
Independente aínda que non milite no devandito
colectivo.
Colaboradora da
sección "Lilith" de La Voz
de Galicia sección hoxe desaparecida na que
mulleres pertencentes a F.I.G.A., (Feministas Independentes
Galegas) ou próximas a este colectivo, desenvolvían comentarios
e críticas desde unha óptica feminista.
Traductora (en
colaboración con Xosé Xove) de varias traduccións do
catalán ó galego de varios contos infantís populares, na
colección infantil "A Galera" da Editorial Galaxia: O coelliño, (1978), O tesouro do rei Mouro (1979),
O cesto das
cereixas (1979), O dragón (1979), Os tres desexos (1980), Os
chícharos maravillosos (1980), O frade pequeno (1988).
Recibiu o 1º
Premio no Concurso de Contos Infantís "O
Facho" 1979 co conto O rei de nada
e o 2º Premio no Concurso de Contos
Infantís "O Facho" 1980 co conto A
cova da serpe. Finalista para o Premio
Nacional de Literatura Xuvenil (1989), coa
obra O rei de nada e outros contos.
|