BVG     Atrás

I

Palacio real. NENO EVORICO, e berrar, no colo de SISEGUNDA.

SISEGUNDA
        Cala dunha vez!

REI ANDECA
        Este neno non é ben.

SISEGUNDA
        Merda coa criatura.

REI ANDECA
        Ai, que feíño é...!

SISEGUNDA
        Eu son a madrasta, ben o sabes

                        Ao neno
        Cala ou esnaquízote!

BUFÓN 2
        É parvo; ben se ve, mirade como babexa!

                        SISEGUNDA rechaza a NENO EVORICO.
                        A AMA de leite cólleo e abana nel.

AMA
        Fóra de aquí, corvos!...Ven a min, filliño...Mama, meu rei, mama, mama da ama, da ama que te ama. Ea, ea, e...

II

Palacio real. Xardíns.

SISEGUNDA
        Dareiche fillos. Con este de rei, eu sería simplemente a nai; peor dito, a madrasta. Contigo, serei a raíña; e algún día raíña-nai. A elección non ofrece dúbidas, je, je, je. Temos que nos desfacer dese anano.

REI ANDECA
        Abandonámolo no monte e prendémoslle lume aos carballos. Botaranlle os cans aos incendiarios.

CARBALLO 1
        Comezamos ben.

VOZ EN OFF
        Para que non haxa incendios, o mellor é tronzar nas árbores.

CARBALLO 2
        Outra vaca no millo.

REI ANDECA
        Ou afogámolo no Mandeo.

SISEGUNDA
        Cala, animal. Ti non rexes. É así como queres gobernar? Levarémolo a unha casa de...vaia, a un mosteiro; que o eduquen para bispo, que para outra cousa non vai dar.

REI ANDECA
        E mais tes razón. Froila, prepara as bestas!

                    REI ANDECA, SISEGUNDA, NENO EVERICO, a AMA e FROILA saen en comitiva camiño do Mosteiro da Fraga.

© 2006 Biblioteca Virtual Galega