Anaina dos soños

 

 

Anaina dos soños



I

¿Como será esa nena
que vive nos nosos soños?
Ela está xa aquí connosco
cos seus risos e os seus xogos.



II

Viña
Mariña
coa súa cestiña
de Carapuchiña
cargada de mel
¡Ven por el!



III

¿Como será a nosa rula?
¿Como será o seu cantar?
¿Onde fará o seu niño?
¿Onde buscará o xantar?



IV

Gardei unha moeda de prata
no fondo do mar
ao mencer atopeina
entre a escuma
e levaba o teu nome



V

É unha fermosa serea
chea de dozura e sol
que apareceu coa marea
e cun aire morno e mol.





A parte II é de Helena Villar Janeiro, 26 de xaneiro de 2005.
A parte IV de María do Cebreiro, 19 de febreiro de 2005.
As partes I, III e V de Lourdes Maceiras, 2 de abril de 2005.


Esta anaina, feita para Mariña, ten música composta por Rosa Mª Parajó Liñares.

 

 

 


logoDeputación logoBVG © 2006 Biblioteca Virtual Galega