Epicentro

 

[Escolma]

 

v9alvareztorneiroepicentro

ORA PRO NOBIS

                                                                                          Todos los ríos eran una sangre
                                                                                           Jorge Guillén

Dura memoria do camiño andado.
A palmatoria cando marchaba a luz.
Todas as nais na súplica.
Todas as nais varadas no horror.
Toda a noite cavorco,
encofrado do medo, olmo de eclipse,
seco taller de asfixia.

"Todos los ríos eran una sangre".

Quen peta á porta, mata.
Quen fala, ceiba a onda do perdido.
Delata quen respira,
asina os papeis da esgazadura,
pon números anónimos nos mártires,
pecha os ollos que seguen a mirar.

Quen alenta na felpa fusilada
aínda escolta moi lonxe:
"Ora pro nobis, virgo clementísima.
Ora pro nobis".


 

 

 


logoDeputación logoBVG © 2006 Biblioteca Virtual Galega