Hai un mar

 

(Texto íntegro)

 

v2franciscocastroohomegrandedegranchaqueta.html


Hai un mar

agardando por nós
por ti e por min
por todos os navegantes e por todos
os náufragos.
Un mar grande, pirata
libertario e esnaquizador de derrotas.
Inmenso coma a liberdade
turra do corazón dos nenos
esas almas de peixe.
Hai un mar quentando as nubes
dando de comer aos poetas
salferindo de horizontes probables
aos namorados e aos esquecidos.
Un mar grande
de saliva e sal azul
de cavernas e luces abisais só intuídas.
É o mar da liberdade
meu amigo
¿aínda non o escoitas?



                                                             Xuño 2007

 

 

 


logoDeputación logoBVG © 2006 Biblioteca Virtual Galega