BVG     Atrás

falemos do exilio dos malentendidos da mirada incrédula fronte ao mar equivocado dos grandes conceptos e palabras ocas           triste baballar sen fondo           minifundismo mental falemos da necesidade esgotadora de definirse cada mañá de novo de non poder dar nada por suposto de ser sempre oposición fronte aos grandes afogadores de sempre no poder           e o seu exército           de vasalos da mesquindade falemos do que che hai e da falta de idea do que podería haber se é que me entendedes pois non falamos o mesmo idioma hai algo que non está: xaxún na restra das mañás que colga de estacións sen sol a noite non é a miña casa é negra e branca non me deixa durmir a noite non é ningún amigo é indiferente e vólveme as costas a noite non é a miña casa tellado non ten non impide á chuvia pasar agora interprétame e decátate schau nicht weg denn calor heißt hitze wärme bochorno é schwüle in meinem bauch moi dentro da barriga quente heiß o ardor do sensentido sen sen sehen sie? detrás da sen estrelas como faíscas muxicas sind funken des feuers wie no meu estómago arde o lume scheiterhaufen dun amor que tal palabra nicht verdient perverte e converte verliert den sinn espanto sen fin wird das gegenteil: non para de doer und brennt und brennt ácido e quente zweisprachig como linguas cortadas blutend antes xemelgas siamesas non hai no teu ventre                     acougo hai nel           recordos           citas           soños           dores vénche á mente aparece na mente que o lume arde ás veces sen chama non pensas máis                     flotas quente e viva en ti mesma es lagoa e geyser geisha e raíña furna e revelación                     voas voas adiante e voas para atrás abrazada ao teu remeiro non hai no teu ventre                     acougo

© 2006 Biblioteca Virtual Galega