BVG     Atrás

PSALMO FLORAL

Bendital-as tristes froliñas humildes e pequerrechiñas: Froliñas d'o céio que Nóso Señor sementou nas liñeiras, Nas gándras esquivas, nos ermos penedos, éntrel-as sylveiras...                          ¡Humildes froliñas...!                     Enlévo d'os cardos e d'as carrasqueiras... Froliñas sangrantes qu'expiran entrel-as espiñas:                ¡Froles desfolladas! ¡Froles mimosiñas, Ó mancer nascidas na i-herba d'os prados i-o trigo d'as leiras...                Froliñas saudosas -¡lontanas hirmáns d'as estrelas!- Por montes e vales âs lindas pastoras eu vin recollel-as, E pôl-as nas trenzas loiriñas que brilan co'as xóias d'a Aurora...                Froliñas humildes nascidas por entrel-as pédras...! ¡Diós queira que os anxos, nas verdes garlandas de mirtos e i-hédas,      Vos leven postiñas âs festas xoi antes de Nósa Señora...!

© 2006 Biblioteca Virtual Galega