BVG Atrás |
Sen sombra e sen amor |
||
|
[Escolma] |
|
v9granhasensombraesenamor
Que non o saiba o vento namorado
(Nos días do desastre do petroleiro Prestige)
QUE NON 0 SAIBA 0 VENTO namorado
que vai agarimando, unha a unha, as praias.Non é siroco, ningún vento seco
o que nos ceifa a vida dos pequenos,
o que arrasa as casoupas, o que rouba
as forzas das mulleres entregadas
ao diario labor, o que desgarra
as carnes das nacións sacrificadas
en aras do progreso da falacia.Non é o vento cruel, nin a arrogancia
de tiranos gordechos e ignorantes
sobre tribos humildes e selváticas
cubertos de ouro e peles de animalias.Nin son nenos famentos, nin obreiros
os que andan a estragar, a desangrarnos,
a machucar as rosas e os ensoños,
a macular a gloria da alborada.Non son horríbeis bocas de lamprea
os que nos van mirrando aldeas, saiba.
Nin son os mariñeiros os que manchan,
os que chuchan o sangue e toda a alma.Sabemos de dragóns con moitas linguas,
con moitos barcos cheos de cobiza,
serpes con máis de sete testas malas,
parlantes monifates con gravata,que ignoran sacrificios, que non saben
o doce ollar calado e solidario,
que venden todo o mundo ao negro inferno,
que esquilman cada día, sempre en ansia,
sen sombra e sen amor, pois nunca aman.
(sen sombra e sen amor, pois nunca aman)Non é siroco, ningún vento negro
que xoga a ser a morte con gadaña.Que non o saiba o vento namorado
que vai agarimando unha a unha as praias.
|
|
|
© 2006 Biblioteca Virtual Galega |