BVG     Atrás

I (palermo) Não desejais, minha irmã, que nos entretenhamos contando o que fomos? É belo e é sempre falso... (...) Falar no passado -isso deve ser belo, porque é inútil e faz tanta pena...           Fernando Pessoa donde hubo patio quedan escombros           Jaime Roos - Pirucho o noso patio tiña fentos pardais tamén canarios tiña moitas portas que escondían dentro o meu medo de neno as do fondo se cadra nunca cheguei a velas alí onde as paredes caían xa de tanto balor tanto verde o noso patio tiña unha escaleira para ir á terraza con gatos tiña tamén un can e unha avoa ata que os anos fórona gastando e ela mudouse á cociña máis tarde ás habitacións un día perdinlle os pasos seguramente foi a algún sitio lonxe de máis para os meus pés pero aínda moitas portas quedaban sen abrir tantas celosías pechos con ferruxe          —— mira dicíalle eu na miña lingua políglota de ano e medio mira a lúa e pasaba un tren          —— II (coghlan) eras como el paisaje de la melancolía que llovía, llovía           Cátulo Castillo o bater minucioso do río no farallón é un reloxo da cidade gris perla na mesma imaxe hai un pescador quieto ritual          —— o teu corpo hábito sagrado          —— III (distancias) ¿Regresará el látigo de la calma?           Harry Almela se tiveses na man margaridas e non papeis e palabras e cansazos se da túa lingua esquecida medrasen nogueiras con noces cheas de mel se nacesen no ferro da cociña outonos rousinois no beirado se acubillasemos entre nós entre os nosos corpos azuis non dous senón seis ou trece gatos               —— o meu corpo é pequeno títere sen dono durmido baixo a chuvia lila do xacarandá ben visto nin con bendicións nin con cariño ou maledicencias resucitará a miña alma fáltame un ollo de vidro e varios fíos se é que non os levou a maré esmorecen cubertos de lique               —— IV (soidade) fala-me de amor songes et mensonges           Chico Buarque camiño de noite bordeando o xardín botánico e conto gatos un que a nai era persa pero o pai non un gato negro que dá mala sorte pero non se decata un do antigo reino de siam ou de calquer outro un gato tipo gato con raias de tigre pero gato e un gris que me mira gris como esta lúa          —— empresa difícil dar coas indias atopar a túa boca no mar océano

© 2006 Biblioteca Virtual Galega