Ollo do mar

Manoliño da Corredoira

n3manolinhodacorredoiraollodomar
Onde a escuma bica a terra
e esculpe estatuas pagás
que ollan cara o horizonte,

onde as facianas de pedra
ven voltar aos escravos
de lle rouba-la vida á auga,

onde a area
se deita coas ondas,

unha creba no espacio
e no tempo,

un ir e vir de imaxes
que baten nas rochas.

Aquel lugar,
clítore da terra,
é o Ollo do mar.


logoDeputación logoBVG © 2006 Biblioteca Virtual Galega