BVG     Voltar atrás

Adoro escribir ao acodiren as primeiras sombras da tardiña, entretecendo as cores, enmeigada nese solpor que tanto se asemella á miña anguria. O ritmo do silencio achégame a aqueles pensamentos que non se afastan nunca, e me aventuran na frialdade doutra noite soa á espera da visita dalgún trasno. Mentres o tapiz estrelado aconchega docemente o piñeiral, miro a páxina branca e xogo outra noitada mais a petelar os nomes da envoltura rancia da rutina.

© 2006 Biblioteca Virtual Galega