Mórdea
devorada de ti
inexorábel
xirando ao agopallar cirunciso
da perla vermella
Ela
que se ergue sobor do cume
das iras de Nietzsche
(na follaxe mesta do pecado)
adorémola
porque nela
despuntan sobre a terra dous abismos
coa luz
abrasiva
do inferno séptimo
onde morren as impúberes crebadas no silenzo.
Mórdea para ser
sacrílega madona ou estampa
de esquelete e celestina
Doenza per saecula
Pro ti,
fulminante megalómana,
excesiva.
Non me tires das verbas
promesas de acción
es a muller de Atlas
e soporta-la bóveda
do mundo sobre o peito
fai de ti o ti,
sé,
escoita o salaio
que ferve por dentro
e morde.
|