Día da Galiza Mártir
Oleiros
O Concello de Oleiros
celebra o 17 de Agosto o Día da Galiza Mártir en homenaxe ao galeguista
Alexandre Bóveda e a todos aqueles que teñen morto en defensa do país. Así,
a entidade municipal decidiu desenvolver un ciclo de curtametraxes galegas, con
filmes como "As muxicas", de C.A Alonso; "Os difuntos falaban
Castelao", de Tomás Conde e Virxinia Curá; "O matachín", de
Jorge Coira, e "Amor serrano", de Luis Liste. As proxeccións
comezarán ás 23:00 horas na Praza da Liberdade, e o pase é gratuito.
Neste ciclo de filmes cóntase coa colaboración da
Agrupación Alexandre Bóveda.
A Pobra do Caramiñal
Entre os actos organizados polo Bloque de A
Pobra para celebrar o Día da Galiza Mártir terá lugar unha ofrenda floral,
unha proxección e unha charla, que se celebrarán na Rúa Alexandre Bóveda a
partir das 20:30 horas.
Poio e Pontevedra
Á efemérides sumaronse os Concellos de
Poio e Pontevedra, onde se levarán a cabo os diversos actos programados. A
homenaxe dará comezo ás 13:00 horas, en A Caeira, cunha ofrenda floral e coa
intervención do Alcalde de Poio, Luciano Sobral, de Anxo Quintana e do
presidente da Fundación Alexandre Bóveda, Fernando Quintela. Unha hora antes,
ás 12:00 horas, no Casal de Ferreirós, terá lugar a apresentación de
'Alexandre Bóveda, unha crónica de Galiza Mártir', un proxecto de Xan Leira,
que abrangue un filme, un libro e unha mostra sobre o ilustre galeguista.
Pola tarde, os actos continúan no Municipio de
Pontevedra, no cemiterio de San Mauro. Ás 19 horas, terá lugar unha ofrenda
floral coa presenza de David Otero, da Fundación Alexandre, e máis tarde, ás
20:30 horas, na Praza de Curros Enríquez intervirá Uxío Breogán e Bieito
Lobeira.
|
|
© 2006 Biblioteca Virtual Galega
|
BVG
Voltar atrás