Aires d'a miña terra

Páxina Anterior

"As cartas"

Páxina Seguinte

m5currosenriquezairesdaminhaterra018.html


[p. 105]


          AS CARTAS


                    I

—Fénde, nena, esa foupa, e bota leña
Pra q' arda ben o lar:
Teu pay vén esta noite, e cando veña
Vaise querer quentar.

—Diol-o saque con ben d' esta xornada!
—Amen, filliña, amen!
Xunta, xunta esa cinza esparramada
Pra que se quente ben.

—Cántas bestas levóu?—Todal-as suas
Y-os potros de Pardal.
—Pois d'esta somos ricos... Sete e duas
¡Nove cargas de sal!


[p. 106]


—Ricos?... Ay, ogallá! nadia ch' é rico 
Co' esta contribución. 
—Nove cargas de sal á tres e pico,
Cántos pesos compón?...

                  II


Así, ó calor d' amortecida lume
Falaban filla e nay, 
Mentras, c'o vento reloitando, o fume
Pol-a troneira say.

E d'un candíl, com' o candíl d'a morte,
O fusco resprandor, 
Buscóu a nay n' unha baraxa a sorte
De seu ausente amor.

                  III 

. . . . . . . . . . . . . . . . . . . . . . . . . . . . . 
Alegre, por camiños, n'a de copas
Pensando... Esta son eu—
Por entr' homes d' espadas... ¿Serán tropas?—
Con fortuna rompéu...

Rompéu?... Pois asosega, non t' espantes, 
Nin tremas, corazón.
No... ben mirado, as cartas pr'os amantes
Qué gasalleiras son!

Peligros con vitoria, cavilando
En prendas de valer...
Logo salvárons' él y-o contrabando?...
¡Quén ch' o verá correr!


[p. 107]


Pero, cala! Tras d' él, con picardía,
Catr' homes d' armas van:
Disgracia n'unha vreda.—¡Ave María!
¡Qué cousas m' oxe sán!

Bah! Por forza anda mal esta baraxa.
Mália quén' enventou!
Sempre prenosticándom' a mortaxa,
E sempre m' enganóu.

Non-o digo?... Petando están á porta.
Vay abrir, nena, vay,
Entramentres q' atizo a lume morta
Pra se quentar teu pay.
. . . . . . . . . . . . . . . . . . . . . . . . . . . . . . . .

                         IV


¡Non mintían as cartas, non mintían!
Cand' a miniña abríu,
Dar créto, afé, seus ollos non podían
O q' alí estonces viu.

PoI-os gardas fronteiros atrapado
Vindo de Portogal,
Entróu, sobr' unha besta esmiolado,
O traficante en sal. 


Páxina Anterior

Ir ao índice de Páxinas

Páxina Seguinte


logoDeputación logoBVG © 2006 Biblioteca Virtual Galega