Aires d'a miña terra

Páxina Anterior

"¡Crebar as liras!"

Páxina Seguinte

m5currosenriquezairesdaminhaterra024.html



[p. 125]


¡CREBAR AS LIRAS!


   Por sobr' a barafunda
D' escarnios e pauliñas
Que as cántigas d' os servos
Por onde quer suscitan,
Espaventada, atóneta,
A virxe Poesia
Clamóu desalentada:
«¡Vates, crebade as liras!»

   ¡Crebar as liras, cando
Se fay temer ainda
A maza de Xan Dente
Por vara de xusticia!
¡Cando n' os nosos Códigos
Non val d' un home a vida
Os sete vis escudos
En que a tasou Molina!


[p. 126]


   ¡Calar!... ¡Que non se escoite
O patuxar d' as vítimas
N' o mar d' inxofre e sangue
D' a escravitú caidas!
¡Calar!... y-as maus cravadas,
Y-a túnica cinguida,
Y a intolerancia abaixo
Y-a intolerancia arriba! 

   Non. Feita está a pormesa
Y-é menester cumprila.
A pátria morre. ¡Mália
O fillo que a non mira!
¡E mália quen lle negue
Por tédio ou cobardía,
Os himnos que a amortaxen,
O sangue que a redima!

   Crebar as liras diante
D' a libertá qu' espira
Baix' a gadoupa férrea
D' o dogma que a asesina!...
¡Inda goberna Claudio!
¡Inda Seyano priva!
¡Inda os proscritos choran
E trunfa Mesalina!

   Non-a crebés, poetas!
Templáina en ódeo, en ira,
Hastra que d' ela sayan
As esplosiós d' as minas:
Hastra que cada nota
Com' onha espada fira,


[p. 127]


Com' on andacio barra
As vellas theogonías. 

   Gustoso esnaquizara
E resinado a miña, 
Si n' eso d' o meu povo
A sorte consistira;
Mais, mentras horfo e triste
Os meus consolos pida, 
Crebala... ¡n' a tua testa 
Tan sólo?tiranía! 
 
 
 

Páxina Anterior

Ir ao índice de Páxinas

Páxina Seguinte


logoDeputación logoBVG © 2006 Biblioteca Virtual Galega