Aires d'a miña terra

Páxina Anterior

"Ós mozos"

Páxina Seguinte

m5currosenriquezairesdaminhaterra012.html


[p. 80]


     ÓS MOZOS


¡Qué triste está a aldea,
Que triste é que sola!
A terra sin frutos, a feira sin xente,
Sin brazos o campo,
Sin nenos á escola,
Sin sol o hourizonte, sin fror a semente!
            —
A pedra y-as nubes
A sembra arrasando,
Agoiran un ano de fame sombría;
Sin pan os labregos,
Nin herba pr'o gando,
¿Qué vay á ser d'éles n'a crua invernía?
            —
Manadas famentas
De lobos montesos
Baixaron d 'as chouzas n'a noite calada.


[p. 81]


E, postos en ringla,
C'os ollos acesos
Acenan d'os probes pr'a porta pechada...
            —
Moziños honrados
De sangue bravía,
Si ó mal d' os petrucios non fordes alleos,
Librádeos d'a morte,
¡Facéy montería
N'os lobos d'a terra, n'os lobos d'os ceos!


Páxina Anterior

Ir ao índice de Páxinas

Páxina Seguinte


logoDeputación logoBVG © 2006 Biblioteca Virtual Galega