BVG Atrás Índice de Páxinas |
Cantos contos nun tris-tras |
||
|
"Sinforoso" |
Sinforoso
Sinforoso
¡Que cousa tan rara!,
¡que ruído oía!
Non sei de onde viña
nin quen o facía.
UH AAÁ UH AAÁ UH AAÁ
Mirei por aquí,
mirei por alá,
no cabo da fonte
¿sería unha ra?
UH AAÁ UH AAÁ UH AAÁ
Volvín ir ó río,
axixei no pombal,
subín a unha árbore
e volta a escoitar
UH AAÁ UH AAÁ UH AAÁ
Enriba do hórreo,
detrás da figueira,
debaixo do alpendre,
diante da palleira.
UH AAÁ UH AAÁ UH AAÁ
Este bicho raro
¿por onde andará?
e fai un ruido,
non sei qué será.
UH AAÁ UH AAÁ UH AAÁ
Vin un burro negro
no prado parado
con orellas longas
e cun grande rabo.
UH AAÁ UH AAÁ UH AAÁ
Cos seus ollos meigos
mirou para min
e moi garuleiro
saudábame así:
UH AAÁ UH AAÁ UH AAÁ.
|
© 2006 Biblioteca Virtual Galega |