Espiñas, follas e frores. Colección de versiños gallegos (Ramiño primeiro)

Páxina Anterior

"O meu fillo" (pp. 82-84)

Páxina Seguinte

m5lamascarvajalraminhoprimeiro025.html




[p. 82]

'O MEU FILLO.


     VEN miña xoya, ven meu pequeno,
Dolce consolo d'o mal que peno,
Anxel que gardas meu existir;
Ven que xa teño eu pra ti solo
Fogo n'os bicos, amor n'o colo,
Mel n'as palabras soio pra tí.

———

     Cando ti crezas, meu pequeniño,
Faréich' un traxe de galleguiño;
Verás que groria, verás que ben,
Terás pra gala n'os dias de feira,
Calzós de rizo, terás monteira
Y-un pao con moca, terás tamen.

———


[p. 83]

     Cando n'a calle teu traxe asomes
«¡Ay un gallego!» dirán os homes
Y-as mullerciñas d'a pobracion
E ti diráslles: «Sepia o que o pense
Qu' un galleguiño d'eiqui d' Ourense
A moita honra, carafio, son.»

———

     Cando vayámos a unha romaxe
Irás postiño con ise traxe
Pra que te vexan, meu dulce amor;
Serás lembrado n'o pobo inteiro,
Serás a xoya d'aquil turreiro;
Cal ti tan postos, non verás dous.

———

     Os dous iremos n'un cabaliño
A vel'a festa d'o Carballiño.
Y á Celanova n'a d'o Cristal;
A Ribadavia pol-a vendima:
Quen ven se quere, mellor s'estima,
Nos viviremos pra troulear.

———

     Sei que non podo chegar á vello.
Y-antes que morra darch' un consello
Vou, meu filliño d'o curazon:
Ama cal amo eu á Galicia
Respeta os vellos tem'a xusticia,
Sé bó c'os probes, y-adora a Dios.

———


[p. 84]

     D'os bos o nome xamais se borra:
Si é que ti vives dempois qu' eu morra,
Na miña cova roga por min;
Si eres poeta, non vertas pranto,
Solo cobizo me dés un canto
Como recordo d'o que sufrin.

Páxina Anterior

Ir ao índice de Páxinas

Páxina Seguinte


logoDeputación logoBVG © 2006 Biblioteca Virtual Galega