BVG     Atrás    Índice de Páxinas

Transcripción dunha carta manuscrita de Castelao a Bóveda, s.d. pero situable a primeiros de xullo de 1936. El Diputado a Cortes              por       Pontevedra Meu querido Bóveda:      Non me foi posible falar ainda con Casares a prol do Estatuto, pois eu considero necesario meterlle un dedo no naris.      Desfixen con Prieto e os vascos a impresión que de nós Iles comunicara Casares. Creo que serán bós aliados nosos e que se dispoñeran a que o noso Estatuto sexa discutido na Comisión en canto veña. Precisamente fai tres semanas que non-os xuntamos porque o Goberno ainda non emiteu a sua ponencia encol do concerto económico. Creo que ainda poden pasar dúas semanas máis sen que teñamos material de discusión. Pol-o tanto o noso Estatuto podería ser discutido simultaneando a súa discusión co vasco. E poderían baixar xuntos os dous ao Salón para que o noso saise dispois do vasco, pero sen interrupción. Esto depende escrusivamente do Goberno, pois creo que a Comisión do Estatuto dictaminaría axiña o noso.      Volvo a pedirche que me mandedes exemplares de Estatutos. E xa lle escribín a Casal para que me remita algunhas coleccións de ante-proiectos, proiectos e Estatutos (os que se editaron para a Asamblea do 32). Quería estas coleccións para repartir entre algúns deiqui.      O Presidente de Esquerra pídeume un e prometinllo. De modo que se vas a Santiago non te esquezas de decir que mos mande.      Compre que traiades o Estatuto canto antes para entregalo ao Goberno. Non perder tempo ningún. dixo Tafall que iría o domingo a Santiago. Eu sei que non irá.      Non me deixan vivir. Estou farto de ser Diputado.      Apertas. Castelao      Por nada do mundo podedes retrasar a entrega oficial do Estatuto. Mirade que cecais poida sair xunto co vasco. Mirade que por un soio dia podemos chegar tarde.

© 2006 Biblioteca Virtual Galega