Carta mecanografiada de Víctor Casas a Bóveda.
Pontevedra 4 Maio 1935
Querido Bóveda: Recibin agora pola mañán
unhas cuartelas túas que xa non poden ir n-este número. O artigo irá
no outro e as revoldainas xá verei si ainda poden tér aitualidade. A
que se refire a Cabanillas está ben mais si che paresce será millor
deixala. Xá eu pensei en facer algo encol d-elo pero por tratarse de
quén se trata desistin de o facer. Deíxalo. No pecado levará a
penitencia.
Quero facerche presente o meu cordial pésame
pola desgracia do teu cuñado.
O mesmo día que che escribin a anterior
sucedeu a desgracia pois como eu non o conoscia non me decatei deita
mais tarde que me informaron. Estiven na súa casa e falei con Xerardo.
Repítoche a miña condolencia.
Paréceme que na miña derradeira xá che
falaba da baixa de Filgueira. Supoño che escribirian Xerardo ou Gómez
Román. Antonte recibin tamén, en carta breve dirixida ao presidente do
grupo de Pontevedra, a de Pepe Lino. Por agora non houbo mais e do resto
dos grupos non teño noticias de que se produxera ningunha.
X'a estamos dentro da crise. A ver que sal de
aqui,
Ahi che ván esas tarxetas que fixemos de
acordo con Tafall etc. Fixemos un milleiro que se mandaron a todas
partes. A Madrid mandouse por un ambulante de Correos un paquete
dirixido, en varios sobres, ao Palace Hotel como adesións ao banquete
de Emiliano. Chegarian e farian o seu efeito. Ademais en sobres
particulares mandamos a casi todos os diputados, aos ministros,
presidente da Repúbrica etc. Non ficou ún sen recibila.
Como verás é unha gran coña que
necesariamente tivo que producir o seu efeito. O Ambrosio debe estar
botando lume.
Por aqui sin novedade. Todo sigue agora o
mesmo. Os grupos paresce que ván despertando e facendo cousas.
Compria que o Comité se dispuxera a traballar.
Compre sair aos mitins.
Imos ver si comenzamos algo n-ése senso e
intresa tamén que ti llo digas a Xerardo e Gómez Román.
¿Qué sabes do teu asunto? Nada mais por hoxe.
Mándame cousas e procura que veñan con tempo para que non queden de
unha semán para outra. N-este número pubricamos o programa do Partido.
Parésceme que é comenente pois hai moitos que non o conoscen.
Ao mesmo tempo farei unha tiraxe de varios
miles para gardar para os mitins e ocasións en que se necesitan e non
temos. Pouco a pouco hei de ir mandándoos aos grupos para que os
utilicen cando sexa necesario. ¿Paréceche bén?
Do Manifesto fixen 10 milleiros que xá mandei
aos grupos para espallar.
E nada mais. Unha aperta funda do teu irmán.
|