Crónica dos debates que tiveron lugar na II Asamblea da F.M.G.
Comenzo da asambreia
As oito e media, co salón compretamente
ateigado de persoeiros e irmáns, o Segredario de Organización da
F.M.N., Emilio Ferreiro, pronuncia unhas verbas na apertura da Asambreia
i-en nome da Segredaría Executiva, sauda aos representantes dos Grupos
Nacionalistas. Nomease seguidamente a mesa que dirixirá os traballos e
resultan elexidos os seguintes irmáns:
Presidente, Xohán Lois Ramos.
Vicepresidente 1.°, Xesús Ferro Couselo.
Vicepresidente 1.º, Claudio G. Laso.
Vicepresidente 3.º, Xosé Lois Fontela.
Segredario, Antón Míguez.
Segredario 2.º, Mariano Donega Rozas.
Segredario 3.º, Manuel Blanco Quintela.
A presidencia agradece a desiñación, e fai un
chamamento a todos pra que a III Asambreia sexa, mais que un pretexto de
longas pezas oratorias, o eisponente do xeito de pensar e obrar da
mocedade nacionalista; son intres di de solución e meditación
concretas e non de outos discursos.
O irmán Illa Couto propon que sexa concedido voz e voto nas
deliberacións da Asambreia, aos mozos nacionalistas que ocupan cargos
direitivos nas organizacións de Dereita e Partido Galeguista, atendose
ao seu caraiter de constituinte. Opúxose o irmán Meixide, do grupo
ourensán, quedando aprobada sua proposición que concedía voz e non
voto a istes irmáns.
Apróbanse seguidamente as credenciaes dos persoeiros e delegacións e
pásase ao
Orden do dia
Illa Couto propón sexan nomenadas dúas poñenzas; unha que informará sobor dos apartados: a), b), c), e outra
que recollerá as propostas sobor dos apartados IV do orden do día. A
mesa toma en consideración ista proposta e fican nomeados.
Pol-a 1.ª poñenza: Xesús Ferro Couselo, Cesáreo
Muñiz, Illa Couto e
Ramón Piñeiro.
Pol-a 2.ª poñenza: Dónega Rozas, Enrique González, G. Paz, Gómez
Pedreira e Alvarez Blázquez.
Reanudada a seisón ás once e media da noite, acórdase comentar as
discusións e propostas pol-o apartado c) do orden do día.
O irmán Illa Couto en nome de Onda («Orden Nacionalista de
Avanzada»), Iee unha carta á Asambreia, dando conta da sua
nacencia e do esprito que lle informa.
Propón que sexan leídos os inqueritos de Onda pra que a Asambreia
recolla o sentir de diversos irmáns nacionalistas.
Comenza o presidente a leitura pol-o do Segredario de Relacións
Exteriores do P.G. Plácido R. Castro, o cal defende e propón unha
postura galeguista de esquerdas dentro do nacionalismo. O Prof. Filgueira Valverde mostrase partidario d-un movimento
típicamente
tradicional e galego, dentro da ortodoxia nacionalista.
Leense igualmente as dos irmáns Alexandre Bóveda, Segredario de
Organización do P.G. e a do Dr. Lois Poza, do grupo de Pontevedra.
O poeta Alvaro Cunqueiro e Raimundo Aguiar, maniféstanse partidarios
dun nacionalismo integral, totalitario, nemigo do marxismo como
contrario ás nosas esencias tradicionaes.
Rematada a leitura distes inqueritos, a presidencia fai un chamamento
aos irmáns asambreistas pedindo concreción a todos, xa que vaise por
primeira vegada a redaitar o programa doutrinal da Federación de
Mocedades.
Comenta o debate ca intervención do irmán Remixio G. Gándara
representante de Celanova. Refirese as loitas suscitadas por dereitas
i-esquerdas das que di, é un probrema esencialmente hespañol,
contrario ás caraiterísticas políticas da nosa terra. Considerando
que Galiza ten unha Economía, Relixión, Cultura, etc., compretamente
apostas a todal-as solucións posibeles nos partidos hespañoles, non
nos poden intresar ren as falsas ventaxas que deles nos veñan, sexan
en forma de diputados, de concellales e de todol-os demais postos
políticos. A Federación de Mocedades debe ter soio un anceio: o de
crear unha convencia nacionalista integral en todol-os mozos da Galiza.
Móstrase partidario de manter unha posición antihespañola, xa que
considera a Hespaña como a única culpabel das desgracias galegas. Ataca
logo ao Partido e á Dereita Galeguista, culpándoos de traizoar a
verdadeira posición nacionalista, que debía ser a única preocupación
d-eles. Remata afirmando de novo que non cabe mais postura nas Mocedades
que a de Anti-Hespaña.
Sigue no uso da verba o irmán Emilio Ferreiro, S. de O., que amostrase
conforme cos principios do Partido Galeguista, sempre que sexan
sustituidos n-iles o de Galiza pobo autónomo por Galiza pobo ceibe. E
partidario da confeición d-un decálogo cos devanditos principies, engadindolle
algúns
referintes ao problema do agro. Mais sexa cal sexa o programa da F.M.N.,
coida necesario imprimirlle un fendo senso de aición.
O representante do grupo da Cruña irmán Gómez Pedreira, refirese as
censuras de Remixio G. Gándara ao Partido Galeguista e coida que non
son istes intres de crítica negativa, que pode ser que estén
trabucados mais ninguén pode duvidar da sú boa fe.
Taboada Tabanera, do Grupo pontevedrés, intervén referíndose aos
inqueritos de Onda nos que di, atopa aitualmente tres posicións entre
os elementos nacionalistas: unha, a tradicional, outra a direitista e
outra a do esquerdismo. Móstrase partidario da primeira e ataca ás
outras duas. Considera que o nacionalismo ten de estar impregnado de
catolicidade como consustancial ás nosas doutriñas. Combate ao
esquerdismo e ao marxismo como nemigo da causa galega, contrario ás
nosas esencias tradicionaes.
O representante do Grupo de Cotovade, irmán Vidal Rei, móstrase
conforme co sentido do inquerito do Profesor Filgueira Valverde, menos
na parte referinte a que a F.M.N., este ourentada por un corpo
consultivo de vellos nacionalistas.
Manuel Vázquez Martín, persoeiro minoritario do grupo de Ourense,
defende a proposta do Taboada Tabanera. Di que o movimento nacionalista
galego é o da reconstrucción d-unha Patria e como tal teremos de
utilizar os materiais xa eisistentes.
Propón fique aprobada ista decraración de
principios.
1.° Galiza patria dos galegos. Autodeterminación política e cultural
da Galiza.
2.º Galiza unidade de Cultura. Reivindicación total de todol-os valores
históricos, materiaes i-espritoales: Arte, Lingoa, Raza, Relixión,
etc.
3.° Galiza pobo de tradición. Afincamento da
nosa persoalidade
romántica; Nacionalismo Galego: Movimento romántico.
4.° Galiza Irmandade Cristián. Condeación da violencia como táitica
política: Anti-marxismo, anti-feixismo.
O direitor de GUIEIRO irmán Castro-Arines, fai algunhas consideracións
sobor da proposta do irmán Taboada. Coida que o tradicional prestase á
terxiversacións que non teñen ren que ver ca doutriña nacionalista.
Refierese respeito da Tradición, á difrenza do catolicismo román e do
galego.
Cesáreo Muñiz, persoeiro do grupo Ourensán, móstrase partidario
d-unha doutriña nacionalista integral, arredada de toda política de
direitas i-esquerdas; considera istes estremos como un problema nemigo
do noso ser natural. Respeito do P.G. di que iste non esqueceu a sua
decraración de principios, a cal pode suscribir calquer nacionalista,
mais, ao igual que o irmán Emilio Ferreiro, trocando niles a parte que
dirá Galiza nazon ceibe. Aboga pol-a solución no programa
nacionalista, dos probremas campesiños e mariñeiros.
O Segredario Teinico da Federación, irmán Vicente Bóveda, combate a
proposta de Taboada Tabanera, considerando o probrema relixioso como
alleo á boa marcha da Federación de Mocedades. Di que unha cousa é o
Catolicismo, outra o Misticismo e outra a beatería; a ista consideraa
como nocibele pra o nacionalismo, a cal hai que destruir. Móstrase
partidario d-un programa de aituación ríxido e intransixente e que
convirta ao nacionalismo nunha verdadeira relixión.
Respeito do probrema social, móstrase partidario dun programa que
permita o ingreso nas fias da Mocedade ás masas obreiras, perdidas en
Organizacións alleas á galeguidade. Di que a aituación dos
nacionalistas debe ser menos lírica e mais d-acordo cas realidades do
intre.
Antón Moure, do grupo ourensán, coida que os probremas sociais deben
ter maor importanza no programa da F.M.N., que todolos demais. Lee un
decálogo de realizacións praiticas e, en canto a taitica a seguire,
móstrase defensor da revolucionaria.
O Presidente, irmán Xohan Lois Ramos, prega á Asambreia que, debido á
longura con que se veñen desenrolando os debates, procuren os
persoeiros concretar as suas propostas en todo o posibel.
O Segredario de Propaganda, irmán X. Nogueira, defiende un nacionalismo
integral e intransixente, con sagrificio de todos á grandeza da Nazón
galega.
A presidencia propón a suspensión da Asambreia pra que
poida informar
a Poñenza.
Aprobase ista proposta, e despois d-un intres reanúdanse novamente as
deliberacións informando a poñenza do xeito seguinte.
Debe esbotarse a proposta do irmán Prudencio Taboada Tabanera e deixar
as duas propostas restantes pra discutir despois da aprobación dos
Estatutos.
Na discusión do proieito de Estatuto que levou a
mañán e parte da
serán do domingo día 3, o irmán Illa Couto con ouxeto de facilitar a
discusión d-iles retira a sua proposta e con lixeiras modificacións
fican aprobados os presentados pol-o grupo de Ourense, e que pubricamos
n-outro lugar d-iste número.
Postura doutriñal concreta
Fica aprobada unha proposta que di, sexa
nemeada unha poñenza encarregada de recoller o sentir da Asambreia e que
redaitará a postura doutriñal concreta da Federación de Mocedades
Nacionalistas.
Inicia o debate dobor dista postura doutriñal o irmán Remixio G.
Gándara que defende unha proposta de solución eistremas. Móstrase
partidario de que a F.M.N., sexa unha orgaización separatista, non
habendo mais solución posibel pra o trunfo do nacionalismo que unha
postura craramente arredista.
O irmán Castro-Arines, combate iste xeito de enfocar o probrema, e fai
consideracións en col do senso de Separatismo e Nacionalismo. Considera
ao primeiro como a negación da universalidade que nós pomos por
bandeira e sostén que na doutriña nacionalista está a verdadeira
solución de todol-os nosos probremas.
O persoeiro da Cañiza, irmán Sánchez García, defende a posición de
Remixio G. Gándara, mostrándose francamente arredista.
O irmán Xohan Lois Ramos, abandoa a presidencia pra intervir no debate,
e sostén o criterio de Castro-Arines. Coida que no fondo, calquer mozo
nacionalista decátase que Galiza soio no separatismo (ou sexa, na
realización praitica do nacionalismo) atoparía seu propio ser, mais
que por taitica e laboura constructiva, non podemos deixarnos levar de
posicións que cicais perxudicarannos mais que habían favorecernos.
O Segredario Xeral, irmán Xosé Velo, defende a postura separatista e
afirma que a realidade no campo non é a mesma que ollan na cibdade. O
campesiño compre d-unha rápida solución arredista que remedie as suas
necesidades; ista apremiante realidade e a que xustifica a sua
posición.
(N-iste intre entran no salón un grupo de rapazas nacionalistas a quen
sauda a presidencia en nome da Asambreia. A imán Mercedes Docampo en
nome do grupo femenino ourensán agradece as mostras de agarimo con que
foron recibidas pol-os persoeiros).
Manuel Vázquez Martín, coida que non son istes intres de falar de
separatismos. Temos de comenzar unha laboura de catequización nas
mocedades da Galiza, e non se pode ir xunta d-iles con programa que,
cicais debido a malas interpretacións, faria imposibel a nosa laboura.
O irmán Cesáreo Muñiz, oponse igualmente á posición arredista
coidando que ainda non chegouu o intre pra poder falar d-ise xeito.
O irmán Illa Couto, defende a postura sinalada no seu inquerito
pol-os irmáns Alvaro Cunqueiro e
Raimundo Aguiar e que é a mesma defendido por Castro-Arines, Xohan Lois
Ramos, Vázquez Martín e Cesáreo Muniz. Posta a votación, fica
aprobada por 439 votos contra 331 que outuvo a dos irmáns Remixio G.
Gándara e Xosé Velo. Pol-o tanto a Asambreia acorda non empregar a
verba «separatismo» nos postulados da F.M.N.
Fican igualmente aprobadas unhas bases pra elaboración do programa de
aición da F.M.N., que presenta o irmán Illa Couto.
Troque de nome a orgaización
Iniciado o debate pol-o irmán Illa Couto, iste propón que a que até de agora foi chamada
«Federación de Mocedades Galeguistas» troque seu nome pol-o
de «Primeira Unión de Mocedades pol-a Patria»; «Orde
Nacionalista de Avanzada» (O.N.D.A.).
Oponse a representación da Cruña que coida mais convenente o de
«Federación de Mocedades Nacionalistas» (F.M.N.).
Sometidas a votación, é aprobada ista por 436 votos contra de 137
outidos pol-a proposta do irmán Illa Couto.
Nomea seguidamente a Asambreia unha poñenza que deberá faguer no prazo
maisimo de sesenta días un proyecto de Programa doutriñal e taitico. A
sua laboura será aprobada pol-o primeiro Consello Nacional, o cal
celebrarase igualmente no prazo de sesenta días.
A poñenza ficou nomeada pol-os seguintes irmáns: Illa Couto, Nogueira,
Emilio Ferreiro, Piñeiro, Cesáreo Muñiz e Dónega Rozas.
Acordouse igualmente que no prazo de trinta días fique constituído o
Consello Nacional da F.M.N.
Outras propostas
A poñenza ficou encarregada de informar
ao pirmeiro Consello Nacional, da ensiña que levarán como distintivo os
afiliados á nosa Orgaización.
A proposta do irmán Sexismundo Cal Fernández persoeiro do grupo de
Tui, a Asambreia estima convenente a reorgaización dos grupos «Ultreia», e acorda fágase diste xeito nos sítios onde sea
posibel.
Do proieito da Federación de Mocedades de Sant-lago, respeito da
adequisición da casa de Rosalía, acordouse con todo o entusiasmo
axudar a aquela mocedade na medida das nosas forzas.
O persoeiro de Cruña irmán Gómez Pedreira, propón a Asambreia a edición na cibdade herculina do
pirmeiro tomo de «A nosa afirmación rexional» do chorado
irmán Antón Vilar Ponte. Acórdase que, de ser posibel, fágase d-iste
xeito. Acórdase igualmente que o pirmeiro Consello Executivo Nacional
estude e ordee a proposta do grupo cruñés, respeito de faguer no mes de
Setembro, con motivo da inauguración do moimento a Vilar Ponte, unha
concentración de Mocedades n-aquela cibdade.
Respeito das fichas e carnets, aprobouse a proposta do grupo de Ourense
en que sexa o C.E.N. o que de as normas en que haberán faguerse.
Estatuto de Galiza
Considerou a Asambreia como medio moi
convenente pro o conquerimento do noso fin doutrinal, a aprobación do
Estatuto galego e, pol-o tanto, acordouse axudalo na medida das nosas
forzas.
Con relación á política local fican os grupos en liberdade pra obrar
do xeito que coiden mas comenente, sempre co consentimento do Consello
Nacional. Igualmente resolverán os grupos, a continuación d-algúns
irmáns en postos do F.P., con arreglo ás circunstancias e
conveniencias do nacionalismo.
A proposta do grupo ourensán, faise unha recolleita entre os persoeiros
e demais irmáns con ouxeto de acadar fondos pra os primeiros traballos
do Consello Nacional. Acórdase tamén mandar unhas telegramas de
protesta ás orgaizacións nacionalistas cataláns, pol-o asesinato dos
irmáns Badía.
Seision de Clausura
Ao remate das deliberacións, celebrouse
a seisión púbrica de clausura da III Asambreia de Mocedades
Nacionalistas. Co local compretamente ateigado de púbrico falaron o
irmán Antón Míguez en nome da Presidencia e os Segredarios de
Propaganda, de Orgaización e Xeral, Xosé Nogueiras, Emilio Ferreiro e
Xosé Velo. Con verbas do mais afervoado patriotismo fixeron resaltar a
importanza dos acordos tomados nista Asambreia e espresaron a sua fé no
trunfo dos ideaes nacionalistas. Ao remate distes discursos o pubrico
posto en pé, entonou os hinos Nacional Galego e de Alfredo Brañas,
orgaizándose seguidamente unha grande manifestación que recorreu as
principaes ruas ourensáns. Diste xeito deuse remate a xuntanza dos
mozos galeguistas. |