v9dizramosomundodethaynara007
Como se sabe e confirmado polos físicos, que
o noso pequeno mundo da moitas e moitas voltas e, como nós
tamén somos parte integrante deste mesmo mundo, xiramos xunto
con el. Thaynara e súas amigas, naquel momento, mal
sabían que ó interesarse por esas verdadeiras historias
sobre a diáspora, que un día tamén serían
protagonistas dese mesmo fenómeno da emigración,
inclusive disfrutando ou sufrindo todas súas
consecuencias.
Unha delas,
Diana, despois de tamén ter amargado dando voltas e máis
voltas, no tempo e no espazo, durante súa camiñada
polo mundo da emigración, acababa de recibir unha noticia que a
deixou bastante triste e preocupada co estado de saúde dunha
desas antigas amigas: de alegrías, tristezas e travesuras de
adolescentes.
Esa antiga
amiga, era Thaynara que, como millares de emigrantes
españois, residía había máis de cinco
décadas na América Latina. Diana, que tamén
había sido emigrante no continente europeo, xunto co esposo que
xa había falecido, e, agora, próxima dos ochenta anos de
unha vida chea de acertos e tropezos, pensaba naquela xoven amiga
dos bos tempos de súa xuventude. Unha amiga con instintos
espontáneos e irreverentes daqueles días dourados de
súa adolescencia, nunha típica aldea galega.
Ela, xa
tiña varios días que viña remoendo os pesares que
a tiñan invadido pola noticia recibida da enfermidade de
Thaynara. Para poder compartillar súa dor naquel intre, pensou
que o lugar máis adecuado e máis rápido, onde
podería encontrar a Esther e as outras amigas das poucas que
aínda estaban vivas, sería na praza do lugar (eira) que,
infelizmente era o único lugar disponible para que os
máis vellos puidiesen pasar algunhas horas de ocio (lecer) preto
de súas casas, principalmente tomando un pouco de sol ou
para poñer a conversa en día. Moitas veces falando ben o
mal da vida dos outros.
Baixou, ben
debagar, polas escaleiras de súa pequena casa de pedra, herdada
dos pais tal vez fose centenaria como moitas das casas do poboado,
que, mesmo estando abandonadas, aínda estaban en pé.
Ela xa tiña feito pequenas mellorías para adaptala aos
novos tempos e ás novas necesidades dunha vida máis
confortable, contemplativa e sedentaria.
Foi baixando
as escaleiras, ollando para cada chanzo de pedra, pois, súas
pernas xa non eran as mesmas de antaño. Ó baixar, axeitou
as gafas bifocales e extendeu as vistas pola praciña (eira) que
quedaba de frente de súa casa, procurando pola Marisol que
acostumaba quedar sentada alí nun banco de pedra. Ó
vela conversando xunto con outra veciña e amiga, foi logo
achegándose e sentouse para poder falar con elas da dor que a
estaba aflixindo.
De
propósito, sentouse ao lado da otra antiga compañeira do
grupo de amigas daquela época, a Dominica, por suposto, uns
catro ou cinco anos máis vella do que as outras. Alí
intentou darlles a triste noticia, pero, con un nó na garganta e
as bágoas caindo polo rostro, apenas saían soluzos de
súa boca. Por fin, despois dalgunhas tentativas consegue
conversar coas amigas para poder aliviar un pouco de súa
angustia. Pero, en algúns casos, a dor angustiante pode levarnos
a retornar un pouco no tempo e no espazo, de unha vida chea de
alegrías para poder recompensar esa dor que nos martiriza ata a
propia alma.
Así, despois das lamentacións e unha choradeira reprimida entre as
compañeiras, polo estado de saúde da antiga amiga, de
repente, como por un instinto de preservar os bos momentos
daquela época de adolescentes, Diana preguntou a unha
delas:
Dominica, a
pesar deste doloroso momento nada agradable, retrocedendo un pouco no
tempo, na miña mente, aínda parece que foi onte o
último de nosos mellores encontros de mozas alegres, cheas de
vida e saúde. ¿Ti recordaste daqueles tempos, de moita
dificultade pola sobrevivencia, pero, de moita felicidade e
alegría daquela xuventude que sabía divertirse de unha
forma espontánea e sana? ¿Das mocidades destes entornos,
que convivían alegremente uns visitando os lugares dos outros,
mesmo andando a pé: “Soutelo de Montes, Presqueiras, os de Xirazga, a Bouza, Beariz, Rubillón e ás veces a
Barcia...? A maioría tiña algún parentesco ou
amizade entre as familias deses lugares.
¡Que cousas fantásticas e maravillosas daqueles tempos! Hoxe
sería imposible describir eses costumes herdados dos nosos
devanceiros para os máis xovens e, quizais fose máis
difícil eles poder entender os soños, as ansiedades e
realidades dos nosos tempos.
A maioría dos xovens daquela época, caseque sempre
tiña algún parentesco ou amistade entre as familias
deses lugares. Era algunha cousa que sería difícil
de explicar aos nosos xovens de hoxe e, aínda máis
difícil sería que eles puidesen entender os soños,
as ansiedades e realidades de nosos tempos.
¡E
porque non debería lembrarme de todo iso, miña cara amiga
Diana!. De noso grupo con máis afinidade, a máis xoven
era a Thaynara, que aínda estaba na súa máis tenra
adolescencia e deslumbrada polo seu primeiro namoro con Theodosio que,
a pesar da inconstancia nas súas decisións, non
cabía dentro de sí de tanta felicidade, mesmo que nen
sempre soubese os efeitos maliciosos do amor.
Eu
mesmo fun algunhas veces ás festas (bailes) deses lugares, xunto
con grupos de outras mozas e chavales. Porén, o que máis
nos divertía non era a penas participar dos bailes, pero,
principalmente, á nosa volta para casa que, moitas veces, era
ó anoitecer ou de madrugada. Era unha camiñada
difícil de andar polos carreiros no medio do matorral, para
evitar rodear moito polos camiños. ¿Que harmonía e
respecto había entre uns e outros, e claro, non se
poderían evitar aquelas olladas indirectas ó dar as mans
para axudar na travesía dun pequeno rigueiro, con unha certa
malicia dos mozos?
Amiga Dominica,
ó escoitarche falar dos bailes fóra de nosos poboados,
lémbrome, xustamente, do namoro de Thaynara con o Theodosio que,
públicamente, comezou cando a xente volvía para casa da
“Festa Grande de Rubillón–de Nosa Señora do
Libramento”. Era unha camiñada e tanto por aqueles
carreiros estreitos no medio do monte. Pois ben, como aquel día,
no baile, ela estivo máis tempo xunto conmigo que coas demais
compañeiras, puiden observar as maniobras que os dous
facían para poder estar un máis próximo do outro, disfrazando o máximo. Soamente na volta da festa,
ó ter que atravesar o rigueiro, é que, el, xentilmente,
deulle a man para axudala a pasar de pedra en pedra pro outro lado.
Ben, Diana,
esa estratexia era ou aínda é moi coñecida e usada
tanto por uns como polos outros, homes e mulleres indistintamente.
¿Quen xa non usou dese ardil para poder coller un “peixe
na rede”? Claro, que Theodosio sabendo da listeza ou un pouco de
arrogancia da namorada que se facía de rogada, mesmo
contrariando seu corazón, naquela festa de Rubillón,
intentou darlle o cambio en moedas amorosas, bailando con unha chavala
de Rubillón que xa viñan se ollando de reollo
había algún tempo, principalmente cando se encontraban
nas feiras ou bailes da comarca da Terra de Montes e seus arredores. El
contra-atacaba para facer celos a Thaynara.
Claro que
sí, Diana, eu estou dacordo con ese xogo amoroso, pois, na
verdade, ese é o verdadeiro xogo do amor que ti afirmaches
anteriormente, ou mellor dito, son as verdadeiras artimañas do
amor que moitas veces poden levarnos a unha terrible dor de cabeza. Ese
xogo, naquela época, xa era unha de túas principales
preocupacións con relación a Thaynara.
¿Ti lémbraste de todo iso?
¡Sí, sí!. Como non podería recordarme,
miña querida amiga.
Pero, o que máis me impresionou, para sempre, na nosa convivencia de
adolescentes, tanto nos afaceres do campo como nas diversións
bucólicas destes poboados, foi un alegre e maravilloso
día de unha primavera, nos primeros anos da década de
corenta do século XX, nun encontro inusitado do noso grupo con
Theodosio.
¿Será que ti, tamén te lembras dese maravilloso
día, Diana?
Creo que
sí, se estaba con vós, é posible. Quizais
teña esquecido algúns detalles, pois, xa pasou moita auga
por debaixo da ponte do tempo, pero, xamais olvidarei a esencia da
odisea de dous adolescentes e de dúas amigas moi curiosas
querendo entrometerse na vida allea.
Eu, naquel
maravilloso día, na miña mente, aínda estou
revendo un sol de primavera, ténue, que despuntaba deslizando
sobre os outeiros dun belísimo paisaxe bucólico, cando,
un camiñante, solitario, seguía a pé con
seus pensamentos estampados no seu semblante fluctuando de
alegría. El estaba percorrendo, en sentido contrario, o
camiño que o levara para súa casa, poucas horas antes,
con a intención de durmir un pouco e que, agora,
servíalle para levalo a outro destino: para o traballo.
¡Que fermosa
mañá!
Parecía
que ía pensando aquel xoven moi alegre e apaixonado. A fermosura
pola cal se apaixonara, non era a penas polo céspede verde ou
polo ceo azul e a follaxe que brillaba coas gotiñas do orballo,
reflexando a luz dos raios solares. Era algunha cousa máis
concreta e desexable.
Nalgúns
penedos máis altos das cercanías, aínda
podían ser vistos os restos da neboa, como se fosen as dobras
dun veo fluctuante nos ombros de belas ninfas, que por suposto,
acostumaban percorrer aqueles estreitos camiños e profundos
recunchos.
Estou vendo,
que, a túa mente e túa prosopopeia aínda
están máis ben engrasadas do que eu imaxinaba, a pesar de
teus anos xa vividos, Diana.
¡Ah!
Que Deus te ouza, miña querida amiga. Eu non penso que
esté tan ben así como ti dis, pero, as cousas de rapazas
e da mocidade, xeralmente, son as que nos deixan marcas máis
profundas e, na verdade, é que case sempre nos recordamos do que
xa fomos e non podemos ser máis. Ó menos, eu imaxino que
unha boa maioría debe pensar dese modo.
Volvendo aínda un
pouco máis no tempo e no espazo de nosas travesuras, é
como se aínda estivese vendo aquel xoven andarego, de
aproximadamente uns dezasete anos, con un rostro de rasgos singulares e
delicados. Claro, sen a beleza clásica ou artística da
moda imaxinaria, pero, presentaba unha fisonomía
simpática e atraente. Ó mirar en dirección
ó sol, facíalle reflexar o espello de súa alma con reflexos dunha extrema alegría, simplicidade e humildade.
Despois de
percorrer unha razonable distancia, indiferente á presencia de
outras persoas na súa proximidade, de repente, ve surxir entre
os ramos de pequenos árbores, un bulto escultural de unha xoven
madrugadora, acompañada por outras persoas, que estaba
aproveitando o fresco do orballo e da terra húmida para os
afaceres laborais do campo. Ela. ó velo, aparentemente
quedouse un pouco sorpresa. Porén aquela ninfa de ollos de aguia
e corazón arrebatador, para disfrazar, foi logo
preguntándolle:
¡Que milagre...! Hoxe ti madrugaches un pouco máis, Theodosio.
¡Ah! ¿És ti, Thaynara?
Exclamou o
madrugador retribuindo con un malicioso sorriso antes de responderlle
á súa indagación.
Vou
encontrarme con meu compañeiro de traballo, alá en
Soutelo, no lugar onde deixamos, no sábado pola tarde, as cousas
do traballo. Sempre que é posible, facemos iso coa finalidade de
poder pasar o final de semana, cada un coa súa familia.
Thaynara
sorriu por debaixo de un sombreiro que levaba para poder protexerse do
sol máis tarde e, sen abaixar a vista, foi
acompañándoo por uns minutos con os ollos brillando de
alegría, ata que el desapareceu á volta do camiño.
Diana, tamén me lembrou que, ti, como sempre, curiosa e
entremetida, non deixaches de percibir a súa ollada e un
suspiro profundo que ela deixara trasparecer, moi sutilmente e,
enseguida preguntáchelle:
“Thaynara, ¿ti poderías dicirme quén che
chamou máis a atención, se foi a postura de Theodosio coa
beleza das formas no camiñar ou as roupas que el non debe haber
tido tempo para cambiar, antes de sair de súa casa para ir a
traballar?”
Naquel intre,
ela quedose máis rubia que un tomate maduro, pero,
continuou conversando conmigo, facendo de conta que nada había
entendido da túa pregunta maliciosa.
Claro que eu
me recordo, Diana. Na verdade, o que eu quixen dicirlle, (a
través de unha metáfora) é que os dous xovens
quedaron namorando deica a madrugada e, el, non tivo tempo de ir
á casa para cambiar de roupa o se saiu máis cedo de xunto
de ela, por suposto que foi para outro lugar divertirse sem a Thaynara.
Thaynara e
Theodosio, a pesar de que aínda eran adolescentes, xa
había algún tempo que estaban namorando, mesmo que en
principio fose máis ben un tipo dalgunhas olladas a unha certa
distancia, onde, apenas, ollo no ollo que facían seus
corazós palpitar un pouco máis forte. Ela, alén de
axudar á familia nos afaceres do campo, tamén estaba
aprendendo a coser. Theodosio tiña a necesidade de traballar en
outras actividades fóra do campo para axudar a nai no sustento
da familia.
Eu tamén me
recordo que ti volviches a insistir, máis tarde, para facer un
novo comentario sobre a Thaynara, con relación ó amor e
súas consecuencias, que algunhas veces, poderían ser
desastrosas, Asimesmo, ela continuó non dando moita
atención ao que ti falabas...
Protestou, Dominica:
¡Non!
Diana. Non foi ben así. Ti non me deixaches completar, o
que a min me gustaría de dicirlle naquel exacto momento para
alertar a nosa adolescente. Eu creo que era necesario. Claro que
sí. Ti recordaste que aínda non había completado
os quince anos e xa estaba voando alto de máis. Na verdade, eu
non quería falar con a intención de criticala, e
sí, para orientala. Eu me imaxinaba ter un pouco máis de
experiencia nese asunto, cando menos tiña e teño
algúns anos a máis do que ela.
¡Ah!
Por suposto, ti non falarías todo o que querías, pero, eu
lémbrome de moita cousa que ti falaches, ¡e non foi pouco!
Principalmente sobre o concepto do amor e outras cousas máis...
Sí, iso sí, pero, se vostedes me tivesen deixado falar todo o que eu
pensaba, falaría a mesma cousa do que penso hoxe, con
relación ás consecuencias que o amor pouco pensado ou
inmaturo pode traer.
Dominica comezou argumentando con un pouco de retórica, porén con
unha certa experiencia vivida nese asunto e un pouco de lóxica
en seu raciocinio básico de que realmente o amor se pode
transformar, en algúns casos, en moita dor de cabeza.
Pero, Diana quería saber a conclusión
metafórica do amor comentada por Dominica e se mostraba un pouco
cética, con algunhas das sutilezas ditas pola amiga, e,
fíxolle máis unha pregunta:
¿Como iso pode acontecer así?
É moi
fácil que iso poida acontecer, miña querida amiga. Moitas
persoas chegan a quedar perturbadas mentalmente, é dicir,
entran en éxtasis delirando ou mesturando o amor e a loucura por
causa de un acto amoroso mal sucedido.
Dominica, ti
estás a falar do amor, delirio e loucura, como se iso fose unha
cousa moi común do coñecemento de todos, pero, eu non
creo que a propia Thaynara, naquel momento, soubese moi ben o que iso
significaba e, eu, tamén teño miñas
dúbidas. Hoxe mesmo, me parece que non sabería
diferenciar moi ben unha cousa da outra.
Ben, eu sei
moi ben o que eses problemas significan, porque xa sufrín un
pouco con todo iso na miña propia carne, agora, explicar unha
certa experiencia vivida dunha persoa, creo non ter a mesma
dimensión nen os mesmos sentimentos ou reaccións noutras
persoas, asimesmo, vou intentar explicar un pouco desa cousa tan
sublime que é o amor e do outro sentimento perturbador, que
tanto pode ser o delirio como a loucura.
Olla, Diana,
de certa maneira, podería comezar falando sobre o amor e o
delirio ou a loucura, procurando penetrar na propia esencia da natureza
do ser humano, no seu estado pleno de conciencia e equilibrio
psicolóxico. Ou sexa, dicir que a conciencia é a
propiedade que teñen certos acontecementos de se manifestar
inmediatamente e por inteiro, no individuo no cal se realizan.
Nese sentido
tamén podemos considerar a interacción do poder que ten o
corazón e a propia alma de coñecerse a sí mesmos
ó actuar ou se modificaren; para poder externar un sentimento
que acompaña nosos feitos máis íntimos, en
canto se producen e nos adverten do que vai dentro de nós. Todo
iso, podese manifestar en amor, loucura, ou, aínda, nos dous
simultáneamente, pois, os datos reactivos da conciencia son
absolutamente inmediatos e intuitivos aos sentimentos de delirio e amor
ou do amor e loucura.
Nosos ollos e
oídos, de certa maneira, son as xanelas polas cales penetra a
luz e as ondas sonoras que van modificar e sensibilizar ao que
nós chamamos de alma-mente e o corazón, que, tanto pode
provocar o amor como a loucura. Non só a luz que ilumina nosos
órganos sensitivos, porén, tamén, outras formas de
enerxía moi significativas que fan vibrar o conxunto de nosas
partes mentais e físicas, cando entran en contacto directo ou
indirecto con o medio no cual estamos inseridos.
Moi ben,
Dominica, agora xa empecei a entender a súa síntesis,
¿pero, o que, na verdade, provoca tantas mudanzas e variedades
de sentimentos, con relación a todo canto fai parte de noso
mundo, tanto global como particular?
¡Ah,
Diana! Ben pensada a túa pregunta, pero, se tivéramos a
chave dese secreto particular de cada individuo, sería algo
fantástico e moi poderoso para nós mortales e pobres
seres humanos que, moitas veces, por suposto, desperdizamos unha boa
parte de noso tempo da vida terrena de forma egoista. Peor
aínda, algúns seres humanos com tendencia
egocéntrica, apenas buscan dentro de sí a súa
vaidade, em vez de aproveitalo, tamén, para coñecer
mellor todo aquilo que nos cerca e do cal facemos parte integrante.
Porén, con relación ó amor, saúde e o modo
de pensar sobre a Vida, eu creo que, de vez en cando non de forma
egoísta ou narcisista deberíamos facer unha viaxe
dentro de nós mesmos, para poder observar todo o que está
necesitando de reciclaxe ou manutención. Debemos pensar e actuar
sobre todo iso, de forma de eliminar o que non é prioritario e
no momento ten menos utilidade, reciclando e conservando o que é
indispensable para poder enveredar por novas fronteiras do equilibrio e
do coñecemento humano.
Penso que,
noso equilibrio mental case sempre nos pode traer esperanza,
sabeduría, xusticia e humanismo bastante agudo, en vez de
delirio, ou loucura. Todo iso debe estar sempre presente en nosos
sentimentos e pensamentos para que poidamos camiñar, sen moitos
obstáculos, en noso enigmático mundo aínda por
coñecer plenamente. Ó contrario, na falta dese
equilibrio de carácter, ético e moral, pode traernos
créditos materiales ou de dominio, pero, tamén moita dor
de cabeza: sentimental e emocional, principalmente na
relación social ou no amor, cando ás veces é
un pouco inmaturo.
Olla,
Dominica, algunha cousa do que ti me acabas de falar, eu tamén o
percibo con facilidade, é dicir, cando consigo asociar algunhas
experiencias de miña vida bastante conturbada, pero, outras
veces, é claro que necesitaría un pouco máis de
experiencia da vida nese sentido ou algún
coñecemento científico. Con todo, segundo algúns
filósofos e pensadores, moitas veces, mesmo con o deber de levar
as cousas a serio, debemos de usar o lado do cerebro que comanda o
espíritu máis relaxado que prefere levarnos a dicir e
facer as cousas máis graciosas, hilarantes e interesantes para
que todo o mundo poida sorrir e disfrutar xunto con todos nós da
tolerancia relativa. Así, poderemos darlle un pouco de luz para
os outros, os tenebrosos de espíritu e do corazón.
Diana, agora
xa estou percibindo que ti estás chegando ó amago das
artimañas do amor, cando se pode transformar en delirio, loucura
ou na saudade. Pero, canto á saudade, sábese
que nen sempre é a ausencia de
compañía de persoas ou simplemente de unha soa persoa.
Moitas veces nos sentimos isolados ou desapercibidos, mesmo por quen
está ben próximo de nós. Outras veces, ata que
podemos sentir unha imperiosa necesidade espiritual e mental de
manternos completamente isolados de calquier compañía por
moi querida ou agradable que ela poida ser.
Cantas noites, no segredo da oscuridade, somos levados a reflexionar sobre as
máis diversas maneiras que, o amor, o odio ou as tristezas nos
fan sufrir en silencio, na máis profunda saudade, física
e espiritual. Este é meu modo de entender sobre todo o que
lle intentei explicar. Asimesmo, acredito que teña outras
formas e sutilezas do coñecemento humano, para interpretar
mellor os misterios do verdadeiro amor, da loucura e da saudade.
Claro que
sí, Dominica, naquela época, tal vez eu teña
intentado protexer Thaynara de súa intromisión no namoro
dela con Theodosio, pero, asimesmo, non lle daba moita importancia
ó que ouvía de ti. Ela imaxinaba que se todo aquilo que
escoitaba sobre o amor, debería ser levado en conta, pois, na
súa pulcra idade, todo era permitido, ó menos en canto
non encontrase algúns obstáculos amorosos que a
decepcionasen. Teño seguridade que, máis tarde, xa con un
pouco máis de madurez e en outras circunstancias, debe ter
descuberto, tal vez un pouco tarde demais, de que todo aquilo que
había ouvido e non escoitara atentamente, volvérase unha
realidade incontestable, principalmente na súa enigmática
saudade.
Porén,
como a saudade pode ter as máis diversas variables actuando
diferentemente en cada ser humano e, na Thaynara, é posible que
a maior componente sexa inherente á súa personalidade
bastante enigmática e desconfiada ó extremo, dende a
súa máis tenra idade. Agora, infelizmente, collendo os
frutos da debesa plantada despois de haber percorrido, non soamente as
fáciles, pero, tamén, as máis difíciles
camiñadas de súa existencia; ela está sobre o
leito de un hospital entre o que se pode chamar de vida e a morte e,
iso nos deixa moi tristes e aprehensivas polo que poida ocontecerlle.
As antigas e vellas amigas, nas tristezas e nas aventuras inusitadas de Thaynara, despois de un profundo lamento, pola noticia recibida e de
poder falar sobre algunhas boas recordacións daquel grupo de
xovens de unha aldea galega e sabedoras dos serios problemas de
saúde que aflixían á antiga compañeira, xa
saben que moi pouca cousa poden facer, a non ser pedir a Deus pola
rápida recuperación da mesma, que, por suposto, como
sempre, El oirá as súas preces.