BVG     Atrás    Índice de Páxinas

Terra de Forcarei e Cerdedo, de Cotobade, Beariz e Avión, esta Terra de montes que vai de Acibeiro deica Rubillón. A historia desta Terra verde, de celtas, romanos e mouros, remonta a tempos antergos con moitas lendas e tesouros. Onde o Sol nace e morre, no alto do Seixo e Candán, dende o monte Costoia, de Bernalda e Marcofán. Terra de labregos e guerreiros, de cientistas e empresarios, que serven a outras terras, coa diaspora de seus emigrados. Terra de escritores e canteiros, que escriben a Terra galega, en historias, lendas, poemas e con monumentos ós gaiteiros. Terra de ermitas e hórreos de feiras, festas e romerías onde se adoran ós santos, coa devoción das máis vivas. Terra de flores coloridas nos seus montes altaneiros, por onde medran os toxos, entre pinos, urces e carreiros. O futuro da Terra de Montes, é algo que envolve a todos con proxectos ben feitos, vontade política e aforros.

© 2006 Biblioteca Virtual Galega