v9dizramosrancoresdopasado003
Esta escolma non ten a intención de culpar ou
redimir a ninguén, nen que se pretenda considerar estas verdades
dos feitos históricos como absolutas; xustas ou inxustas.
Porén, soamente, coa intención de intentar esclarecer o
que moitos xa saben e o que foi visto ou ouvido dentro da óptica
e parecer dalgúns protagonistas desta propia historia.
Espérase que, a actual e futura sociedade española,
coñecedora das causas, non repitan os mesmos equívocos,
impensados, que levaron ós españois daquela época
a cometer tantas barbaridades desnecesarias.
Acreditamos
que a intolerancia e quizais un pouco de arrogancia dalgúns
gobernos, principalmente, dende a caída da monarquia co
exílio de Alfonso XIII. A partir daí, a
España comezou a naufragar en augas turbas, moi revoltas polos
vendavais, ciclones e terremotos políticos do máis alto
grao posible. Por iso, non é de estrañar que a partir de
entón se iniciara na nosa historia, máis unha triste era
de decadencia e descomposición político-militar. É
claro que, ao analizar parte da nosa historia, pódese
percibir que esa deteorización xa se viña arrastrando
durante o final do século XIX e o primeiro tercio do
século XX con algunhas insurreicións como consecuencia de
todo iso.
Despois de
máis focos de rebelións, durante a segunda
República, entre elas; unha civil provocada polos mineiros de
Asturias e a militar polo xeneral José Sanjurjo Sacanell.
Alén desas dúas primeiras, tamén tivemos a dos
capitáns Angel García Hernández e Fermín
Galán, na sublevación do doce de decembro, en Jaca, que
marcharon sobre Huesca... Non hai dúbida que a segunda
República, con razón ou sen ela, despois deses sucesos,
comezou a mirar á relixión católica e aos
militares como os seus principais inimigos.
Na
realidade, conforme se manifestaban algúns intelectuais naquel
intre, entre eles Ortega Y Gasset: “ó non haber inimigo
á esquerda, ese mesmo Goberno estaba consciente de que, o seu
principal inimigo agora tiña que ser o Clero e o
Exército”. Así, con ese modo de pensar, iniciou
unha persiguición sen fronteiras procurando atacar con
tódalas armas disponiveis deica as súas entrañas
con razón ou sen ela principalmente polo ríxido
decreto de 25 de abril de 1931, dictado polo entón ministro de
Guerra, Manuel Azaña, quizais elaborado para esa única
finalidade.
Segundo algúns críticos da época, o decreto que
parecía económico e, aparentemente xeneroso damais, pois,
procuraba separar do exército o persoal que tivera menos afecto
co novo réximen por súa simpatía polo anterior.
Conforme o pensamento dalgúns militares, principalmente do
xeneral Mola, o decreto de Azaña era dirixido coa finalidade de
debilitar e triturar o influxo das instituicións militares
dentro do país.
O decreto tamén permitía e favorecía os ataques máis
denigrantes contra o Corpo de Oficiais que non eran gratos ou non se
doblegaban ás esixencias do ministro e de seus secuaces que antepuñan o ideal nacional en favor do ideal puramente
partidista ou persoal. Para o Goberno do Frente Popular, os
exércitos se transformarían en bandos armados como
verdadeiras milícias a servizo dos “novos señores
do poder”.
Todos aqueles
militares que se considerasen non adictos ó Goberno da esquerda,
eran afastados para comandos sen espresión e o máis lonxe
posibel dos principais comandos. A todo iso, os militares consideraban
unha verdadeira trituración e a partir daí,
viñeron os sucesos do campamento de Carabanchel no día 27
de xuño en 1932; entre o xeneral Goded e o tenente coronel
Mangada, este último coparticipante na sublevación de
Jaca.
Posteriormente, sucédense moitas arbitrariedades con feitos
luctuosos e un sen fin de folgas de carácter violento, que
culminaron coa revolución de outubro de 1934 con máis de
un milleiro de mortos e uns tres mil feridos, moitos de gravedade.
Parece un paradoxo que, para aplastar con rigor esa rebelión o
Goberno republicano de Niceto Alcalá Zamora, tamén
mandase vir as tropas de Marrocos o mesmo que farían
máis tarde os militares da insurrección contra a propia República. Como podemos
ver, a estratexia de uns era a mesma dos outros para se manter no
comando.
Pero, o
mandatario republicano, en vez de estabilizar o Goberno, con esa
fácil victoria, viuse cheo de forza e prepotencia disolvendo as
Cortes elexidas un ano antes, convocando novas eleccións para
febereiro de 1936. Con esa actitude de confianza e, tal vez arrogante
de Niceto Alcalá Zamora, estaba comezando o que sería o
verdadeiro caos para o pobo español.
O Goberno republicano, diante da
convocatoria, organiza o “Frente Popular” integrado,
principalmente por republicanos de esquerda e os anarco-sindicalistas.
Segundo algúns observadores da época, a partir dalgunhas
fraudes e amenazas, o Frente Popular, ante unha dereita desorganizada,
faise dono do poder. O novo Goberno presidido polo propio Azaña,
non tardou en perder forza para as organizacións
anarco-subersivas que cometeran toda clase de arbitrariedades e
desmandos, contra todo o que non rezase polo seu ideario e pola
súa cartilla comunista ou anarquista.
Naquel intre,
de insensatez e prepotencia dun frente populista, toda a España
ficou mergullada nunha onda de salvaxismo, multiplicandose os
asasinatos, agresións e incendios de igrexas, centros
políticos contrarios e moitas folgas con manifestacións
tumultuadas. Era o verdadeiro Caos. A mor parte deses incidentes
eran provocados ou estimulados pola Comintern (Internacional Comunista)
que intentaba aproveitarse daquela situación caótica da
República para facilitar o acceso ó poder dos seus
correlixionarios españois.
Coa
destituición de Niceto Alcalá Zamora, foi electo Manuel
Azaña e, o Ministerio de Guerra é comandado polo galego
Casares Quiroga, que, a pesar de supostas boas intencións, el
fixo unha persiguición sistemática e sen fronteiras
ás organizacións españolas máis
significativas no seu fervor patriótico ou relixioso.
Con todos eses desmandos e
arbitrariedades extremas, a partir de dous de maio de 1936, a desorden
total por toda a España foi aumentando en progresión
xeométrica. Nas cidades, eran as folgas da desorden, no campo
proliferaban os asaltos e ocupacións das propriedades
agrícolas particulares, inclusive as dos máis humildes
labradores de ideoloxiás contrarias. As autoridades
constituídas non simpatizantes eran insultadas ou agredidas con
frecuencia; cando non eran levadas ó paredón. Era un
verdadeiro Caos en tódolos sentidos.
Segundo datos lidos polo señor Gil Robles, no Congreso da Nación, en 15
de xuño de 1936, as consecuencias de tales desmandos alcanzaban
as cifras seguintes: 100 igrexas totalmente destruidas; asaltos 251;
mortos 269; feridos de diferente gravedade 1.287... Naquel intre,
dicía o exministro de Gobernación dos primeiros tempos da
República, señor Miguel Maura:
“Si
la República ha de ser el Frente Popular, está
inexorablemente condenada a una muerte próxima”.
Como podía ser visto por tódolos ángulos posibles de informacións e
realidades, tiña que haber un fin para o propio Caos da
ingobernabilidade republicana.
A pesar de que chegaban rumores en relación á inquietude e ó
estado de ánimo dos oficiais militares, outras clases
políticas e paramilitares, o Goberno continuaba
calificándoos de desprovistos de todo fundamento. O Ministerio
de Guerra afirma que toda a oficialidade e clases do Exército
español mantíñanse dentro dos límites da
máis estricta disciplina, dispostos a todo momento ao
cumplimento de seus deberes.
O Ministerio do Exército, tamén era sabedor das agresións de que
eran obxecto algúns oficiais militares e condenaba con
indignación das inxustas agresións; publicando a seguinte
nota:
“Los
militares españoles son modelos de responsabilidad,
abnegación y de una firme lealtad, por eso merecen el respecto y
gratitud por parte de todos los conciudadanos a quienes han hecho
servicio en defensa de la Patria y de la República, con la
ofrenda de su propia vida..., e confía en la serenidad de sus
soldados en todas las categorías...”. Que paradoxo
!!
Como se
pode supor, o Goberno, a pesar de suficientes indicios para unha alarma
xeral, simulaba interpretalos en sentido contrario como proba de
lealtade e disciplina por parte da maioría dos xenerais menos
sospeitosos. Mesmo cando o Alcalde de Estella, Navarra, en 16 de xullo
de 1936 portanto dous dias antes da insurreición dos nacionalistas comunica e denuncia os movementos que o xeneral Mola estaba a facer
coas tropas baixo o seu comando. O Goberno non se abala e responde que
Mola é leal á República. O mesmo ocurre con
Casares Quiroga que cando lle falan a respecto, faise de omiso. Na
verdade, a actitude dos xefes republicanos era un verdadeiro paradoxo.
Con respecto ó decreto de Manuel Azaña,
para disciplinar e someter ó Exército español
dentro do seu pensamento político-militar. Subxetivamente, os
comandos do Exército calificaron tais medidas de crueis,
malignas e con segundas intencións políticas.
Aínda segundo algúns xenerais da vella garda militar,
aqueles cambios de normas soamente poderían ser posibles se
Azaña houbera estudiado e descutido as necesidades das forzas
militares modernas daquel intre, para unha efectiva defensa da Patria.
En realidade, as reducións do número de militares
non axudaron substancialmente en nada na economía nacional,
pois, con ese decreto, o mercado de traballo laboral ficou saturado co
aumento de máis de 100.000 persoas competindo cos xa milleiros
de obreiros desempregados. En contra partida e andando en sentido
contrario da paz e da concordia do pobo español: anarquistas,
socialistas, comunistas e ata os falanxistas, pasaron a reclutar
milicias para o confronto e a seguridade de cada bando político.
Máis
unha vez o caos gobernamental estaba pondo os cidadáns
españois nunha encrucillada sen saída. O que era
necesario naquel intre, xa non era máis posibel. “Tolerancia!...
, Disciplina!..., Disciplina!”..., que reviste no seu
verdadeiro valor cando o pensamento aconsella ó contrario do que
se nos manda facer. Cando o corazón pugna en íntima
rebeldía ou cando a arbitrariedade e o error van unidos na
ación do mando”.
E, para
empeorar máis as cousas, nun intre xa bastante axitado, un grupo
de xovens conducidos por un militante esquerdista de nome Rada e
protexido de Santiago Carrillo, verteron petróleo en torno da
residencia e igrexa dos xesuitas de Madrid. A policía e a garda
republicana (de asalto), nada fixeron para impedir que puxeran lume no
petróleo. Os bombeiros tamén non se esforzaron para poder
salvar vidas e as propiedades. Os relixiosos tiveron que escapar polos
tellados das casas veciñas que tamén tiveron unha boa
parte queimadas.
Na
continuación dos militantes pirómanos: anarquistas,
comunistas e republicanos, dirixíronse a un convento e, despois
de saquealo, foron prender o lume nunha escola que era gratuita para
máis de 500 alumnos que era dirixida polos “Hermanos
de la Doctrina Cristiana”. Despois de todo iso, aínda
foron para un orfanato que tamén mantiña gratuitamente a
máis de 300 nenas. O xeneral Queipo de Llano que ostentaba a
“Capitanía General de Madrid”, nada puido facer en
vista de que xa estaba na mira de desconfianza do Goberno Republicano.
Miguel Maura,
que era un político moi equilibrado, tamén pediu
ós ministros republicanos que lle deixasen utilizar a garda de
asalto e civil, pero, Azaña expresoulle a opinión da
moioría republicana coas decrépitas e famosas
palabras:
”Una sola vida republicana vale más que todos los conventos españoles”.
Outra frase co
mesmo sentido político é imputada a Indalecio Prieto:
***... “Sería intolerable que por proteger una casa de jesuítas corriera la sangre de un solo obrero”.
***J. Arrarás (Hist. II Rep., t. I, pág.97) ... cita como dita por Andalecio Prieto unha frase semellante.
O Goberno
Popular de Azaña e os seus parceiros anarco-comunistas, a pesar
de tantas informacións, unhas secretas e outras xa no dominio
público, nunha escentricidade e a esmorga da seguridade de que
cun simple sopro de aire podían aplastar calquera movemento
subersivo; nada facían a non ser asistir aos asasinatos e
incendios de igrexas...
Pero, o estoupido que detonara o límite de paciencia e bo senso que ata
entón viñan aceptando algúns políticos,
como tamén unha boa parte dos militares españois que xa
tiñan dado moito pola súa patria, chegara ao fin.
Diante de todo
iso e do asasinato do patrício José Calvo Sotelo,
perpetrado na madrugada do día 13 de xullo de 1936, por milicias
do propio Goberno e co apoio do mesmo; foron rompidos tódolos
posibles lazos de unión en convivencia pacífica de
tódalas ideoloxías do pobo español. A sorte dos
cidadáns españois estaba lanzada nun abismo intrasponibel
que duraría varias décadas de odio e desconfianza
mútua entre uns e outros.
O estado de
alarma temporario que o Goberno viña mantendo, foi prorrogado no
día 15 de xullo ás dez horas da mañá, por
unha convocación das Cortes, pois, ata entón estaban coas
súas sesións suspensas.
As dereitas
perplexas cos acontecementos, aproveitan esta oportunidade para
reclamar ante o país das gravisimas consecuencias polos
asasinatos, principalmente de Calvo Sotelo. Un dos parlamentares da
minoria, do Bloque Nacional: o conde de Vallellano deu lectura ó
manifesto de rotura por non poder, nen un minuto máis, convivir
cos cúmplices desa traxedia.
Aínda
nesa sesión das Cortes, despois que algúns ministros do
Frente Popular intentaron rebater as acusacións de Vallellano,
é a vez de Gil Robles, (que tamén xa fixera parte do
Goberno republicano) facer un profundo discurso; citaremos apenas
algúns párrafos que merecen máis destaque:
“Cuanto mayor sea la violencia, mayor será la
reacción; por cada uno de los muertos surgirá outro
combatiente. Dentro de poco, vosotros seréis en
España el Gobierno del Frente Popular, del hambre y de la
miseria, como ahora lo sois de la vergüenza, del fango y de las
lágrimas”.
Con todo iso,
o Exército e os cidadáns de bo senso, non podian ficar
inertes diante dunha situación de aprobio e de vergonza
nacional. Por esta e outras razóns, surxiu o “Alzamiento
nacional” no día 18 de xullo de 1936.
Segundo algúns protagonistas desta triste e nefasta historia:
“Foi un levantamento popular de militares e paisanos contra o separatismo, anarquismo e o marxismo que xa dominaban a segunda República e pretendían colonizar a España a través dos comunistas rusos”.
Quizais, por
iso, esa guerra teña sido inevitabel. Con certa razón,
dicía un dos grandes pensadores españois Salvador de Madariaga:
”O levantamento militar foi provocado polos irresponsables da
República” .
Un outro intelectual, novelista e ateo! E que non era das dereitas chegou a dicir que:
“A España le há
salido un tumor y es preciso que ese tumor lo saje la espada de un general?.
Máis tarde, xa en
1947, pasados oito anos despois de terminada a contenda entre irmaos;
nunha entrevista con Madariaga, en relación ó
réximen español daquel intre, di el:
“
Siendo los generales quienes disponen del poder efectivo, ya que
están opuestos a una nueva República y favorecen la
monarquía, estimo que ésta sería la forma
lógica de esperar”.
Tamén,
despois do caos político-militar español, xa nunha
época de aparente paz entre os españois, Azaña fai
unha declaración de súas Memorias:
* “En el Gobierno Central (de la República) la organización de todo tipo brillaba por su ausencia”.
E complementa:
“Bien puede asegurarse que ya, en septiembre de 1936, el Gobierno
republicano estaba hundido al no haber conseguido por aquellas fechas
una organización de guerra adecuada ante la obra vhomicida y
suicida que en la zona republicana estaban cumpliendo, so
pretexto de destruir el fascismo, los más desaforados enemigos
de la República.. ”.
Manuel Azaña aínda termina dicindo o que parece que tiña
enclavado na garganta:
“Durante aquellas semanas que debieron ser decisivas, los
dirigentes de la España republicana veían el triunfo
propio tan en las manos, que este mismo optimismo causó estragos
en la eficacia y prontitud que exigía la organización
de las fuerzas armadas y la defensa de la zona republicana. ... Se dio
el caso grotesco de que unos trenes de reclutas, movilizados por el
Gobierno y enviados a Barcelona, para reconstituir las unidades de
dicha guarnición, no pudieron pasar la raya de Cataluña
porque las autoridades locales les impidieron proseguir viaje. Parece
que estaban en otro país y no en España”.
En fin, eran moitas as
estupideces que facían con que a máquina de guerra
republicana non puidese funcionar, pois, consideraban todo moi facil de
aplastar ou reconquistar e, que os inimigos eran acéfalos ou
cousa parecida. Entre esas estupideces, tiña unha que
aparecía nas “manchettes“ republicanas e que
dicía así: “La batalla de Talavera será nuestra batalla del Marne!”**
E, isto puña a moita xente sensata, da banda republicana, con
falsas ilusións de un triunfo moi fácil sobre os
nacionalistas.
Outras non menos sugestivas dicían así:
¡No Pasarán! ...!No Pasarán!!!
***
FAI>(Federación
Anarquista Ibérica) .
POUM >(Partido Obrero de
Unificación Marxista).
Batalla del Marne: Foi a batalla travada entre franceses e alamáns nas marxens do rio Marne, na Franza.