BVG     Atrás    Índice de Páxinas

 

[p. 65]                     O BERME.                A D. Juan M. Paz.                            I.    Por que lataba, us dias, cuasi sempre poI-o gando gardar, non iba â escola: naceu e crióuse n-as montañas libre com' as aves que aniñan entr' as rocas.    PoI-as noites d' a chuvia e d' a xeada pra se librar, buscaba n-a sua chouza mal coberta de pallas agarimo: tiña por luz o resprandor d' as foupas que á mangados queimaba n-un curruncho: tiña por cea solamentes broa, [p. 66] por leito tiña o leito d' a facenda, e por manta os farrapos d' as suas roupas: tiña unha nai tulleita, que sofrindo vivia d' o delor e d'a limosna, e s' algo tiña mais qu' a sua miseria, era un alma sensibre e soñadora. Tal era Xan cando chegou á mozo, pelra n-a cuncha mais cativa envolta.                               II.    Non pensa o rico que n-o mundo hay probes nin os felices n-os coitados pensan: Xan co-a sua nai soliño cavilando pasou tres dias que durou a festa d' o San Martin, o santo milagroso e de mais devocion n-aquela aldea. Todos, entr' o barullo y-os praceres, tanto esqueceron â infeliz tulleita, que de fame espirou a que vivira chea de enfermedás e de miseria.    Algo estrano pasou poI-o seu fillo n-aquela noite de delor suprema, tendo diante d' os ollos, d'a nai morta [p. 67] sobre unhas palIas a figura rêxa; alumada d' as foupas e d' as uces pol-a chisporrotante labareda: algunha man treidora n-o seu peito arremoveu o pozo d' as xenreiras, facendo que á frol d' auga aparecesen cobras e lodo en misturanza horrenda: algun xénio d' o mal, tizou o lume d' as suas pasiós, trocándoas en fogueira que consumeu voraz as que gardaba últemas esperanzas e creencias.    Dende estonces, sombrio, malencónico, esquivando toparse c'os d' aldea, buscaba mais a soedá d' os montes, pracialle mellor vivir co-as feras, e dend' estonces foi pr' os seus veciños, xa que pantasma non, nin alma en pena; un tolo, pois segun aseguraban, metéraselle un berme n' a cabeza.                               III.    Nin estúdeos, nin libros com' as coitas [p. 68] d' un labrego vulgar fan un filósefo. Quen mais sofre mais sinte; quen mais pensa ten mais desexos d' afondálo todo. Falto Xan d' as nociós rudimentarias, sin mais axuda que o sentido própeo, como moito sufriu caladamente, tamen moito sentiu, e pensou moito. Por natural incrinacion propenso á doerse n-o seu d' o mal d' os outros, pensou n-os probes que com' el vivian co-a fame en guerra y-en eterno loito; e como si o restrego d' as ideas fixese luz n-o seu cerebro, foron aparecendo craros, latexantes, o pensamento e raciocinio fondos; d' esa grave e croel filosefia espida de ilusiós, fixose dôno, y-ôs esprandores d' a intuicion d' o espritu chegou á ver con pavorento asombro, qu' os enganos d' o mal son mais fecundos q' a doutrina d' o ben entre nosoutros: chegou á conecer que si n-os homes as vertudes de seu dan malos froitos, [p. 69] hay acultos poderes que os colleitan n-o curazon mais ermo e mais enxoito; e pensou qu' era un crime que namentres a probeza vivia n-o abandono famenta, espida, miserabre, enferma, a riqueza, agardando com' os corvos á que a morte fixése n-ela vítemas pra fartarse dempois n-os seus despoxos, enchia os cabazeiros pra pechálos o mesmo que si fosen un tesouro; y-a forza de pensar, chegou un dia en que volvendo car' o ceo os ollos, escramou con acento de profunda convicion: «o probrema está resolto» e c' unha man batendo n-a cabeza, falando a solas proseguiu: «Recordo que hay un berme n-a terra tan pequeno que non se pode ver nin con antiollos» «este berme cativo, xordamente roe, roe n-o millo, fai estrozos, y-afuracando os graos, cheos de nada com' a concencia d' os avaros pónos: inda non ben a sua presencia ventan, [p. 70] senten mudo terror, frio n-os hosos, e pr' atallar a perda, n-o mercado, mandan vender o grao, pan d' os colonos, e mércano barato, e con fartura poden manter os probes o seu corpo: ¡o que o deber ya reIixion non poden, fáino ese berme, un átomo de poIvo! Facer medrar a praga, introducila n-os graeiros d' os mais avariciosos, facer qu' os homes sexan compasivos, un berme solo en movemento pôndo é facer un milagre, é ter n-o mundo a mision escollida d' un apóstol. ¡Anemo! xa qu' â voz d' a caridade algús oubidos queren estar xordos, xa que non val a relixion, que vallan os poderes acultos d' o gorgoxo: ¡berme, amigo d' os probes, segun vexo vales mais q'algús homes... berme e todo!»

© 2006 Biblioteca Virtual Galega