BVG     Atrás    Índice de Páxinas

 

[p. 11]    A CRUZ D'OS FARRAPOS    Pelegrino d' outras terras, ¿pr' onde vas pelegrinando por tan estreitos camiños coberto de polvo e canso, os vestidos n-as silveiras pouquiño á pouco esgazando, e mal ferindo n-os coyos os pés que levas descalzos?    S' é que vas pr' a Compostela a ver o Apóstole Santo pra cumprir un voto feito d' aIgun beneficio en pago, [p. 12] non camiñes tan de presa, Pelegrino, acurta o paso, que pra facer a romaxe tempo terás se tés ánemos.    Se levas o pensamento de dar ô corpo descanso, si os mendiños que te cobren vas a trocar, mal pocado, canto mais andes, mais cedo hacharás o desengano.    Non ch' é Compostela agora o que che foi n-outros anos; non che ten pr' os pelegrinos leito, roupas e pan branco, nin hospitaliños ledos, nin cabaleiros Temprarios q' os defendan d' os galloufos s' é que quixesen roubálos: Compostela estáche morta pr' os que van pelegrinando. [p. 13]    Estan as ruas desertas, estan os tempros pechados pol-a noite, e n-os altares non hay cirios alumeando: non alcontrarás pousada, nin unha cunca de caldo, nin leito e luz, se non levas n-a faltriqueira algús cartos; non che darán roupa nova d' esa roupa vella en cámbeo, cando esmorecido chegues á aquela Cruz d' os Farrapos: hoxe esa Cruz esquecida a ninguén empresta amparo, vive com' a nosa terra d' as relembranzas d'antano, e mais que poI-os mendiños, por un mártir agardando está c' os brazos abertos e c' o tronco despexado.    Non estranes Pelegrino s' ô chegar ond' ela canso, [p. 14] non alcontras quen che dia o agarimo cobizado: non estranes s' é que deixas os teus n-a Cruz d' os Farrapos, que quedes solo y-espido de frio e fame tremando: os pelegrinos d' agora, os qu' eiqui pelegrinamos pra comprir os votos feitos d' esta patria en holocausto, xa ben sabido cho temos que dempois de mil traballos ô fin d' o viäxe..... á morte ou o martirio daránnos: mais que pelegrinos, mártires huxe nós necesitamos.    Non che queren pelegrinos que deixen n-a Cruz farrapos por recoller roupas novas, Tabor facendo o Calvario; que che queren solo mártires que n-esa Cruz encravados, derramen sangue e recollan [p. 15] espiñas e fel en pago. .........................................    Pelegrino, n-esta terra xa non hay Cruz d' os Farrapos, por que tendo moitos mártires que nos eidos traballando andan famentos y-espidos camiño d'o seu calvario, ¿de que valen os romeiros que buscan n-a Cruz descanso, roupas novas pra cobrirse en paga de votos falsos, se os comparas c' os que n-ela quixeran morrer cravados pasando pol-o martirio por non ser d' o corpo escravos?    Non camiñes tan de presa, Pelegrino, acurta ô paso, que n-a terra de Galicia xa non hay Cruz d' os Farrapos porque poucos hay q' os teñan pra poder n-ela deixálos: hay unha Cruz esquecida [p. 16] pr' os q' eiqui pelegrinamos, que mais que poI-os mendiños, por mártires agardando está c' os brazos abertos e c' o tronco despexado.

© 2006 Biblioteca Virtual Galega