De momento somos un grupo de traballo interdisciplinar de especialistas en Filoloxía Galego-Portuguesa e Informática (Laboratorio de Bases de Datos) da Universidade da Coruña, que contamos coa colaboración das persoas e institucións que a seguir nomeamos. No futuro, esperamos que o teu nome se sume a eles.

Equipo Filolóxico	Equipo Informático
Directora: María Pilar García Negro Filoloxía Laura Mariño Taibo Diego Pardo Amado Carlos C. Vizcaíno Fernández María Isabel Vidal Seixas Rubén Anido Regueiro Documentación Beatriz Mato Márquez Rocío Padín Tuimil	Directora: Nieves R. Brisaboa Coordinadora: Ángeles Saavedra Places Equipo Informático Antonio Fariña Martínez Juan Ramón López Rodríguez Enrique Ocaña González José Ramón Paramá Gabía Cristina París Brandariz José Ramón Ríos Viqueira Miguel Ángel Rodríguez Luaces Francisco Javier Rodríguez Martínez Miguel Rodríguez Penabad Raquel Trillo Lado Eloy Vázquez Fontenla

   O noso agradecemento a todos e a todas as que colaboraron connosco prestando desinteresadamente a súa obra, a súa voz, a súa imaxe e/ou a súa música para que este proxecto chegase a bo porto, así como aos profesores e profesoras da Área de Galego-Portugués, á Facultade de Filoloxía, á Biblioteca-Arquivo Teatral Francisco Pillado Mayor, á Biblioteca de Filoloxía, á Biblioteca do Patín, a todas as editoras galegas, ao IGAEM, á AS-PG e a Intergraph.

Colaboradores
Voces
	Xosé Mª Álvarez Cáccamo Marica Campo Fina Casalderrey Marta Dacosta Miguel Anxo Fernán-Vello Manuel Forcadela Verónica Hermida Aurora López Manuel María Pilar Pallarés Mª Xosé Queizán Xavier Rodríguez Baixeras Ana Romaní Francisco Salinas Cesáreo Sánchez Xohana Torres Gonzalo Uriarte Marga do Val Carlos Vizcaíno
Música
	Teresa Luján Fernando Rodríguez
Outros
	Francisco José R. Brisaboa Carlos Callón Torres María Cana Villar Miguel Castro ("Ollo de Vidro", A.C. Alexandre Bóveda) Rodrigo Costas Comesaña Carme Fernández Pérez-Sanjulián Manuel Ferreiro Xosé Ramón Freixeiro Mato Cilha Lourenço Módia Xosé Manuel Sánchez Rei Goretti Sanmartín Rei Xurxo Tato Álvarez

     A Biblioteca Virtual Galega foi un fermoso soño acariñado por nós durante moito tempo, e este soño comezou a tomar corpo cando conseguimos o apoio do Vicerrectorado de Innovación Tecnolóxica da Universidade da Coruña. Primeiro proxectamos unha pequena xanela coa que poderiamos mostrar ao mundo un retallo da nosa produción literaria, e con esa intención comezamos a traballar.

     Mais as nosas intencións ficaron cativas ante o entusiasmo e a xenerosidade con que fomos recibidos polos escritores e escritoras. Cumpría reconsiderarmos o proxecto inicial e transformarmos a nosa modesta fiestra nun enorme peirao que permitise á dorna da nosa literatura navegar por mares virtuais. E aquí estamos.

     Porén, somos conscientes de que para que a nosa dorna chegue a bo porto, non podemos navegar sós. A nosa historia demostrou moitas veces que unicamente sumando esforzos se logrou alancar na normalización da cultura galega. Aprendemos a lección, e por iso agardamos contar coa vosa colaboración.

     Tanto ten que sexas escritor ou non, que sexas muller ou home, que sexas novo/a ou vello/a... Tampouco nos importa que non sexas unha persoa, que sexas unha Institución. ¡Benvindos sexades! O único importante é que teñamos os mesmos obxectivos:

• Difundirmos a Literatura Galega.
• Ofrecermos a escritores e escritoras unha nova canle de publicación.
• Facilitarmos a comunicación entre o público lector e os escritores e escritoras.
• Posibilitarmos que novos valores se dean a coñecer a través da Biblioteca Virtual Galega.
• Apoiarmos calquera forma de manifestación artística galega.
• Contribuírmos á normalización da nosa lingua e da nosa cultura.

     Coa túa colaboración a Biblioteca Virtual Galega chegará a ser o grande Portal Web da literatura e a cultura galegas.