Laura Caveiro

     Laura Caveiro (Vigo, 1967).
     Autora das novelas Polas inmensas e alleas fortunas, publicada por Edicións Xerais de Galicia en 1995, e As naos afondando, editada polo Liceo Rubia Barcia no ano 2000, coa que gañou o I Premio de Novela Cidade de Ferrol — Liceo Rubia Barcia de 1999.
     Como autora de retalos ten publicado en libros colectivos os contos "A parábola do samaritano", no volume Narradoras, de Edicións Xerais, 2000, e "Os ciclos da natureza", en Narradio 56 historias no ar, Edicións Xerais, 2003. Participou tamén no 2003 no volume colectivo Alma de Beiramar (A Asociación de Escritores en Lingua Galega en contra da marea negra).
     Colabora habitualmente na prensa escrita como crítica literaria.