BVG     Atrás

1. O tolo entrou pola xanela da mazá, madura de máis para o pecado. Non se decatou de que el era o verme até sentir, brutal, a mordedela. 2. A freada foi limpa, en seco: dúas paralelas negras quedaron na estrada como un cadro de Anleo mal falsificado; as brancas do paso de peóns parecían xogar a ocas simetrías. Alí quedou, inmóbil, coma se o tempo se tivese xa esfumado. 3. Cóstalle memorizar os números, por iso conta unha e outra vez as ondas das cortinas. Non é que pense que son o río da súa adolescencia; é o medo a non atopar porto de amarre no tempo que lle quede.

© 2006 Biblioteca Virtual Galega