Procurar no texto a palabra ou frase:      Axuda
BVG     Atrás  

Do Courel a Compostela: 1956-86

 

Escolma. Pranto polo Ché. Elexía instantania a Ernesto Guevara

 

m1unovoneyradocourel001.html

AS aves da tua morte foron os muricegos que non vira en todo o ano.

Por iles soupen que é certo.
É certo! é certo! é certo! é certo! é certo!

Ás palazadas por dúbida entre certeza quer vir o pranto
como o peso de prumas inda quentes dos derradeiros paxariños mortos
de tódalas anduriñas que cairon ó irse.

Como os homiños morren os éroes
non se funden Os Andes nin nada.
A mesma door xa afroxa a gorza ó decorrer polo pranto baixiño.

E nin inda agora nin para ti teño outra voz.

                                                                                     10 noite
                                                                                     10/10/67


 

 

 


logoDeputación logoBVG © 2006 Biblioteca Virtual Galega