BVG Atrás |
Lento esvaece o tempo |
||
|
[Escolma] |
|
v2ricardomartinezcondelentoesvaeceotempo.html
A rocha que mira a occidente foi a referencia
daqueles que non quixeron agardar máis.
Cheos de dura vontade alonxáronse
fundindo risco e beleza difícil de describir.
Agora ferirá o mar os ollos dos que esperan
e non voltarán
ata que un día, na unidade que constitúe
o dominio do tempo,
cruzarán de novo o mar familiar.
¿Non é voltar o signo de todo aquel
nacido de muller?
En momentos valeiros
o que desexamos é o coñecemento da orixe,
aquel que nos puxo preto dos nomes.
Antergas preguntas que non despexaron os primeiros
deuses.
¿Lamentación?
A illa desoe a forza do mar.
Alí, na lentitude da rocha,
é onde o entendemento desexaría un criterio,
unha convicción do que a illa suxire.
Pasan, altos, paxaros sen nome.
|
|
|
© 2006 Biblioteca Virtual Galega |