BVG Atrás |
Marés na beirarrúa |
||
|
(Texto íntegro) |
|
v4xavierfriasmaresnabeirarrua.html
marés
con que me esqueces
cando cativa
non eras mar
aínda
e xa
non podo
alentarte
será
que es
planeta sen atmosfera
hoxe
é deses días nos que non existes
nen existo
suco a nada
con beizos impotentes
choverá?
maldito inverno
que non canta
lía
as vulvas
con devoción
calado,
sempre sorrindo
non sabe odiar
vénlle unha regra
estrondosa
case un pranto entre as pernas
cando as ideas
distinxen
ou se exilian
quero
serche
fiel
pronúnciame até a extenuación
Rita Hayword
sabía a café
sempre quixen
espellarme nos seus ombros
non sei
quen lle aprendeu iso de
no new messages
é tan fría
a ausencia
que non chegas
nen á miña pantalla
esquecer é
escreber nomes
ilusos
co dedo no ar
sen o vento
a árbore a caer
era
a túa silueta
a túa ausencia
é inverno
silente
nas costas da nada
o adeus
do computador
esconde
esa distancia que nós sabemos
hoxe
quixen pensar
no tecido
de framboesa
dun teu bico
eu
bébedo
de
teu nome
eu
flotando
será unha guerra
de peles
que infrinxan
todas as regras
se me pensas
existo
se fores vento
ou brisa
ou sopro
terías as palmas
sempre salgadas
enfeitizaches
un sempre agora
azul
que non cala
non cala
non cala
a maxia das gaitas
esconde
as verdadeiras intencións
do teu nome
tes parques ao solpor
na túa saudade
heite pasear
pel de versos
con relva
no silencio
por que me ollas así?
se es palabra
heite escreber
ou dicer
lentamente
o silencio
ten unha vulva
máis húmida aínda
saborosa
tras dos meus beizos
cerrados
din
que a lúa está estresada
e a rúa melancólica
por que calas
cando vexo a túa voz
espida e facéndome burla?
ultimamente
só
respiro entre coxegas
as túas palabras
perguntabas
pola primavera
ela mora
na túa inxenuidade
se se puideren tinxir
os beixos
sería de ti
a túa lingua
bolboreta
é o meu lévedo secreto
ela dixo que era
non precisou atributos
é
dou fe
porque a vin noite no máis cálido inverno
voz de todas as rúas
e maxia
só por dicer
que me quería
unha alcatifa
por suposto máxica
é túa pel
de húmidas estancias
a miña man
acampa no teu ventre
até amencer
arrecife na praia
no teu riso
moran
todas as bolboretas
e ris
cando che fago festas no cabelo
e ris
cando son as néboas dos teus seos
se me bicas así
hasme pintar
contornos de pirata
queres
que te rapte?
na miña boca
mora eterno
o sabor das túas humidades
no país
de entre os teus seos
hai festas
de seres transparentes
debuxando
as curvas do teu riso
o mariño procuraba
illas brancas
onde morasen sereas
de guedella de praia
o mariño ancorou
nas costas do teu pubis
para morar
entre sereas
sob as augas das que ti
nunca falas
se non dormes
nen espida
nen cubríndote de lúa
é porque eu
non son o colchón que te invade
hoxe
despois de seres
miña noite
mudaron os eixos
do planeta
leo o teu riso
e moro
planeta errante
na órbita dos teus
susurros
repetir un quérote
e non ter resposta
é mascar
estropallo e chorar
mesturas de todo e nada
o café
xa está frío
nas pernas
soidade e inverno
a música acompaña
púas de ausencia
o sol confesou
que errara o rumo
odio os finais repetidos
eses vellos filmes
nos que o celuloide quere ser pel
odio saber
o que hai tras do teu silencio
se soubeses
que onte
por ti chorei xoaniñas
a túa xeografía
será
portanto utopía
conxugar
o teu corpo e o meu
en activa e pasiva
e volta a comezar
apagaron as liñas
falas en branco
mercara
unha alcatifa máxica
para me sobrevoares
cando viñeres
a alcatifa
xa non é máxica
nen é alcatifa
é un marca-páxinas
nun diario inacabado
que nunca lerás
cando ficares núa
xa non serás soñada
para navegar
na tristura
non fan falla
búsolas
este será
o último susurro
nunca souben voar
converterte
en nube
cos ollos cerrados e xemendo
verquer choivas
no teu riso verde
beber
primaveras
na túa pel
o leito é
un planeta lento
subornei
o almuecín
para berrar
que toda ti es
miña amante
só aprendín a ler
ollando inmenso os teus ollos
o próximo outono
as túas coxas
estrearán madresilvas
conclúe a tarde
a deshora
e silente
só ficas ti
morada
útero ardente
do meu naufragar
algún día voltaremos
á lúa
talvez xa
entre as túas pernas
|
|
|
© 2006 Biblioteca Virtual Galega |