Nenias

 

Escolma.

 

m1iglesiaalvarinonenias001.html

                                          Manuel Antonio

                                   Por un mar verde de oucas
                                   levara o seu barco a toas.
                                   Ai, noso amigo!
                                   Nun mar de oucas verdegado
                                   boyara a toas o barco.
                                   Ai, noso amigo,
                                   capitán de alto navío!

                                   Crara estrela, a súa gamela
                                   noviña foise coa néboa.
                                   Ai, noso amigo!
                                   E aquela frol dos naufraxios
                                   desfollouse contra os fachos.
                                   Ai, noso amigo,
                                   capitán de alto navío!

                                   Noviña foise coas sombras,
                                   sin vento, ó correr das ondas.
                                   Ai, noso amigo!
                                   Desfollouse contra os fachos
                                   de noite, DE CATRO A CATRO.
                                   Ai, noso amigo,
                                   capitán de alto navío!

                                                                           1947


 

 

 


logoDeputación logoBVG © 2006 Biblioteca Virtual Galega