I
| A Coruña. Barrio
de Elviña. Interior dun automóbil roubado o día anterior.
Sito, no asento do piloto, manipula cables. Xabier, propietario
do vehículo, no asento do copiloto. |
| ¿Non estarás a
pensar que o roubei eu? |
¡Aaahá! ¡Este
cacharro xa vai!
Sito, ex-mangante de coches, actualmente mecánico. |
| Pois mira, "a
Lei" quen sabe, pero eu quedaríache agradecido se me
levases o coche ata a casa. Temo que se me cale e montar un
atasco. Págoche o servicio e convídote a unhas cervexas no meu
apartamento. |
| Feito, colega;
perdón, señor letrado. |
II
| Barrio de Pena
Moa. Trapicheiro e Sito a negociar. |
| Estará limpa esta
chatarra. |
| Branca total. Era do
defunto de meu pai. |
| ¿Seis talegos por
unha pipa do trinque? ¡Vaia cagada, tío! |
| Logo non hai trato.
¡Veña, largando de aquí! |
| Vale, vale, tío. ¿E
papelinas? |
| Doce, e vas que te
matas. |
| Sito tira a
pistola contra unha silveira. Un neno pasa a correr e recolle
algo da man do trapicheiro. |
| ¡Alto aí, todos
quedos! ¿Eh? ¡É Sito! |
| Non estou, non me
vistes. |
| Policía 1 e
Policía 2 intercambian a mirada. |
III
| Barrio da
Gaiteira. Parque Europa. Sito e Ana, sentados nun banco. |
| Pois xa mo podías
ter dito antes. Dábame o corpo que a cousa non ía. Mira que
non decatarme. Ti xa andabas servido coa outra. O caso era
cambiar de cona. Porque o señor se cansa de meter sempre o
verme no mesmo tobo. Pois sendo así, cóntasmo e xa está. Sen
máis desculpas. ¡Ala!, recolles as túas cousas e vaste. |
| Nada, nada. Mudas de
cona, mudas de casa. |
| Só me restaba ter
que aturarte. |
| Estes días non ando
ben. Estou confuso... |
| ¡Ei! Non me veñas
con choromicadas. Toda a fe que che tiña comeuna o demo.
Acabouse, non temos máis nada que falar. Así que xa estás
pasando polo piso a recoller a túa merda. |
IV
| Sito co seu tío,
no taller deste. |
| A caixa non cadra.
Faltan cen euros. A caixeira viute a osmar por aquí. |
| Mellor che será que
o recoñezas. |
| ¿Que eu lle roubei a
quen me dá de comer? ¡Será filla de puta! |
| Non te poñas digno e
pousa aquí a cazadora. |
| ¿A cazadora...? Ah,
si, ... |
| O que temía, xusto
cen euros. |
| Coidaba repoñelos
coa paga. |
| Estás despedido;
¿oíches?, ¡despedido! |
V
| Barrio dos Mallos.
Bar. Dous clientes conversan. Entra Sito, con síndrome de
abstinencia. Diríxese a un dos clientes e pídelle cartos. |
| ¿De que mundo vés,
amigo? Xa non restan talegos, agora pintan euros. |
| Aquí o único talego
que hai es ti. |
| Hei de ir á aldea e
non teño cartos para o tren. |
| Acabo de saír do
cárcere. Mirade, aquí teño a alta... |
| Fai que busca un
papel no peto da cazadora. |
| ¡Veña, a rañala
por aí, colgado da merda! |
| ¿Que, que...?
¿Colgado de que? |
| Si, si, colgado,
drogata, ionqui, puta merda. |
| Cliente 2 dálle
un empurrón a Sito, que recúa a tordear. |
| Ti a min non me
tocas, chulo... Cago na nai que te... |
| Cliente 2 dálle
unha puñada nos fociños. Sito cae a rolos polas escaleiras.
Queda sentado na beirarrúa, a sangrar polo nariz. Pasa unha
vella e bótalle unha moeda. |
VI
| Cidade Vella.
Apartamento de Xabier. Entra Sito, moi excitado. |
| ¡Eh! Veña,
tranquilo, ¿que pasou? |
| ¿Atracaches un
banco? ¿Ti? |
| Non, Xabi; no taller
de meu tío. |
| Conteille que me
deitara cunha vella amiga. |
| Non me atrevía a
dicirllo e inventei o da outra. Estaba cagado co medo. Largoume
do piso. |
| E como non tés onde
meterte, queres que che bote unha man. Ben, polo de pronto, hoxe
dormes aquí. E mañá vas e falas co teu tío. Preséntaslle
desculpas, comprométeste a restituír o diñeiro; xa sabes,
esas cousas. |
| Se non che importa,
voume deitar. |
| Estás moi tenso;
deberías tomar algo... Baixo un momento á farmacia. |
| Non... Non te
preocupes, teño eu. |
VII
| Cidade Vella.
Apartamento de Xabier. |
| ¡Xabier! ¡Xabier,
desperta! |
| ¿Eh? ¿Que hora é?
¿Que pasa? |
| Nada, tío,
metínme... e... fóiseme por fóra. |
| Que me pincho,
Xabier; que estou enganchado, tío. ¡Mira...! (Móstralle o
brazo). Temos que ir a Urxencias. ¡Tamén que mala pata, mágoa
de pico! |
| Xabier acaba de
espabilar. Érguese. |
| Mira, Sito,
escóitame ben: fixéchesme un favor, pagueicho e logo
convideite a unhas cervexas. Iso foi todo. Non teño débeda
ningunha contigo. E non che admito que me pretendas utilizar,
¿entendido? Lévote ao hospital porque estás na miña casa... |
| ...¡Eh, eh! Non te
molestes, machiño. Ben me apaño eu só. Hai mañas que non se
esquecen; xa sabes: Sito, ex-mangante de coches. |
| Sito colle a porta
e vaise. |
VIII
| Dique Barrié.
Solpor. Sito, só, sentado. Sombras de prata húmida contra os
penedos. Aparece unha larada de gatos. |
| Malditos gatos. ¿Que
queredes de min? ¡Liscade de aquí! ¡A foder a outro lado!
Estades despedidos. ¿Oístes?, ¡despedidos! |
| Sito comeza a
patadas cos gatos, que cada vez son máis. |
|
Isaac Ferreira,
26-06-2002. |
|
BVG
Atrás
