BVG     Voltar atrás

"Poetry is not personal" Wallace Stevens "Estas elexías non compensan da súa perda, pero ao menos, son as verbas derradeiras que poido adicarlles". Tomas Barros

ROBERT WALSER                         "O inferno de Compostela non ten fin"                                   Ricardo Martinez Conde Se Robert Walser camiñase polas rúas de Compostela molladas polas bagoas que percorren as meixelas dos vellos poetas da invisibilidade nó mais que escribiría no seu papel de fumar un poema de un so verso Beleza silenciada! ROBERT WALSER DE NOVO                                   A Enrique Vila Matas e o Walser volveu a durmir na neve, neve de Dozon o sono devezado dó poeta invisíbel. !O silencio prehistórico dás montañas xeadas!.     PASOLINI                   "O final, venceron"                            Carlo Michaelstaeder A poesía é a mentira do verso. O verso é a mentira do poeta. O poeta é a mentira do home. ¿Só na doce morte do animal ferido hai a verdade?   MACEDONIO FERNANDEZ   Os teus ollos abertos son o único lector deste poeta da invisibilidade.     JOSE ANGEL VALENTE O poema é a circunvalación do silenzo na treboada do tempo.   RENE CHAR e a nosa felicidade non logrou deter a grande roda funxible do movemento do poema empurrada polas mans cansas do vello Rene Char.   EUSEBIO LORENZO BALEIRON O poeta dinos que o silenzo ten ollos. Mais a quen miran?... !Le valet de la Mort!   CON BORGES EN BONAVAL Entre os golpes de martelo e a musica efémera dos paxaros deixei na herba de Bonaval que non é o lameiro de palabras fuxidías onde durme Anton Lopo O SOÑO ETERNO DA POESIA o meu caderno de palabras luídas. !Georgie, e se os poetas voluntarios equivócanse!.     MANUEL LUEIRO REY                                "Ponerse a escribir no sirve de nada"                                              Pablo Garcia Baena Séntome na rocha núa a espera do definitivo poema involuntario feito con palabras luídas que o interminábel mar do Grove leva impaciente os teus beizos de doce morneza.                                      02/06/2006 San Vicente do Mar DE NOVO CON MANUEL LUEIRO REY                               "La verdad es que no entiendo la poesía                                como ocupacion. Viene cuando ella quiere".                                               Pablo Garcia Baena Aínda o definitivo poema involuntario non chegou.... ¿Non o levaria o mar do Grove xunto os poetas da invisibilidade que escriben longos poemas para que os amen?                                       02/06/2006 San Vicente do Mar.     RAYMOND QUENEAU Novamente o poema. Novamente só. ¿Segues a pensar Monsieur Presle que na mesa do Cafe Arume podes escribir o poema invisíbel só con palabras luídas polo home invertebrado?.                                     Compostela 11/07/2006   ALLEN GINSBERG Galicia, ¿Porque estas tan chea de poetas silenciosos?.                                    Ourense 19/08/2006   GEORGE TRAKL Chegaches a Heilderberg coa túa maleta chea de bicos devezados e de versos do poeta do outono solitario mais o meu poema segue a súa carreira ata o pais de ningures. ¡Destino inevitábel da poesía!.                                   Ourense 01/10/2006

© 2006 Biblioteca Virtual Galega