BVG     Voltar atrás

esa MAN aí tirada é miña non doe teño os ollos abertos ou pechados? non doe hai vinte minutos que tiña que estar en clase non doe perdín a bufanda que me fixo miña nai non doe xa amenceu, hoxe parece que quere chover non doe rifei cos nenos por unha parvada (política) non doe quéroo, téñoo metido baixo a pel, como llo digo? non doe meu avó líame contos de Allan Poe non doe encántame mollarme cando chove non doe aprendín a nadar no mar non doe non sei quen son estes que me animan a loitar non doe sempre durmo coas fiestras abertas en verán non doe de neno xogaba a que eu era un escalador non doe e merqueilles bicis para que voasen polas estradas non doe o primeiro bico non foi o mellor non doe baleiro que me feres                                                                 non does                          morte que me levas non does                                          e non hai máis DOR                                                                           cá DOR de non sentir    nada

© 2006 Biblioteca Virtual Galega