BVG     Voltar atrás

Nada avulta tanto                Cómo o silencio Logo do último grolo Aínda perduras Pai Nas nosas bocas Detrás daquela porta Houbo umha vez um pai Inmenso Em volume e em presencia Andou tanto Mesmo as corredoiras Ficarom fartas De tanta pegada Doe máis O silencio das pedras Que o sangue estampado na parede Entre a minha boca E a túa Um elefante De silencio O río Minho Nom é Tesoura Senom agulha Vexo o petróleo E ardo De tanto buscar Atopei Um par de ostias bem dadas Contigo O pam enche A vida farta De veces Mais que um barco Somelhaba afundír O pais enteiro Conducir e conducir Ata que os pensamentos Afundem No asfalto Ficar Farto Como as rodas De bailar sempre co mesmo eixo Venhem cedo Traem ilusióm nas mochilas E umhas voces Que ocupan toda a escola Nom deixam lugar para a tristura Nim para os mobres Contigo Faría Ailalelos Tatuada No sangue Así te sinto Nom é moa de muinho Nom é moa Senóm roda roda que moe o caminho Vas E Ves Como a choiva e o trem Fode-me marchar E que o caminho fique igual Com esas pedras Fervendo no meio um alho sem dentes é como um pais sem estado Nem é pais Nem é alho Conducir Ata que as mans quecem Os dedos podem apanhar a soidade E esmagala Como um piolho Mesmo se nom chove Os noso bicos serám tam húmedos Como os que dam os peixes Caminhar Ata que o caminho Se afaga aos pes Para calar xa abondam as pedras Anoitece E aínda nom veu Ningúm dragóm A adormecer no meu castelo O santo veu numha barca de pedra E convertiunos á igrexa das pedras Daquela Aprenderiamos Suponho a arte De comungar com todo tipo de pedras Mesmo rodas de muínho Algum día Acabará o fútbol E as cabezas Deixaram de andar a rolos pola erva Amarte a ti É coser o vento Botar a vida A procurarche Os fíos E as teas Cando te bico bebo leite como pam fresco Aínda conservamos O neno que mexou numha farola Os gardas que axinha o reprenderom O medo Meu rei É o corazóm Da cebola Co meu cuspe Enchería Os teus encoros Deixa De remendar a vida Cambia de tea Levo no peito Umha anguria Mais ampla Que calquera das túas avenidas Nom permito Que ningúm pesadelo Te venha visitar a cama Antes tórnoo coas mans Antes chantolhe os dentes Pais ruim Que trata ao curmám de irmám E ao irmám de vicinho Entramos no tempo de escoitar O ruído que fam as chaves A remexer na porta farei umha porta pola que caberemos todos Sem necesidade De esnaquizar ningúm camelo Verte medrar Filho Para facer randieiras Nas túas ponlas Cos teus netos A bordo Farías um bo navío Entramos numha casa quente Todo prestaba bem Mesmo a sopa fría Na túa boca Descubím O vértigo Aínda nom conhecia Os outros sitios Os filhos som os barcos Que a maré Achegou ás nosas portas Axudaremolos a remendar as redes Se ti abaleas Cada um de nós Descobre o vértigo do himalaia Bilingüismo harmónico: por coidar as ovelhas do vicinho Deixamos morrer de sede O noso gando Entramos no tempo De asegurar as portas De levarvos de beber á fragua Mentres forxades as vosas chaves Como um pexinho Escorregas do meu colo E nom dou atopado as redes O sal na boca sabe a femia Nom bebades Nunca Do vaso Da minha amargura Melhor Que suguedes O orvalho que pousa nas ervas Gostame Ir de noite Caladinho Tirarche um bico Como se che roubase a froita Pasam as paradas E aínda Nom atopei o ticket Nem a porta Desconhezo o destino Hei volver As areas onde perdim os lentes a memoria nom se me pode escorregar das mans eternamente Deusenos Por abrir os armarios E remexer na roupa Fartamos de saudar aos conhecidos Mandaromnos marchar Saimos do hospital carrexando pedras O silencio Tamém tem ocos Así o aprendim dos nenos Bebo O vinho Que me leva da memoria O vinho Que me presta bem Para bem calar Primeiro Ponho o chandal E practico Atopeiche Um tobogam no lombo Nom farto De escorregar por el Hai dias ruins Dias de nos guindar Mutuamente Os sentimentos Como se fosem armarios Outros dias em troques Bebemos do mesmo leite Compartimos a taza E mais o bico Por aquí pasou Súas som as pegadas E seu O arrecendo inconfundibel Que deitam os tomates Reivindicamos O dereito de naufragar Como calquera navío Nom se compadeceu de nós nim o mar E dim que todo o perdoa Mentres durmides Monto No meu barco E percorro a habitación em calma Gosta-me Pousar A orelha No teu ventre E escoitar os grilos Tenho Buracos Polos que entra o vento E guinda As alacenas O mar Atrae a soedade E diluea Co sal Adoita facer-se apetecibel Procurei fuxir Sempre Das tartarugas Nom aturo O xeito Que tenhem De construír a cuncha As minhas esqueiras Rematam De súpeto Num pozo Esperto No meio dumha estrada E decátome Esquecím os dedos Choro Porque nom tenho remedio Bicas Bicos longos e lentos Como os trailers pola ponte Como a ponte polos trailers Eu fico tremendo búsco-me nos vosos olhos e só atopo sinais de tránsito Volto De novo Atrás E comezo Sinto-me Circunferencia Bulo Porque tenho Frío quero chegar axinha as túas eiras Faremos umha casa Coas nosas mans faremos umha casa Faremos umha casa sem portas Para que entrem todos Os que venhem do norde E os do sul Donde nace o sol E do ponhente Atopaches Lugares no meu corpo Aos que só saberei ir Se vou contigo A minha casa é verde Porque o meu filho Pinta de verde todas as cousas Mesmo os soldados que marcham ao Iraque Para matar a esperanza Polo Nadal Em Palestina A estrela trae tanques Cargados de Caxias Ser musulmáns Nom libra aos nenos De ocupar algúm día o seu regalo

© 2006 Biblioteca Virtual Galega