BVG     Voltar atrás

Viagem perdido em Ceivanderri (1994-1998).

pola diáspora do tempo e as horas de sono perdidas que engendrarom a mágia as bágoas cristalinas e a beleza dum sorrisso. ao meu avó Vasco Riveiro Oliveira, marinheiro galego.

PRÓLOGO: BERCES DE CARVALHO I.-EPOPEIA OU CLÍMAX DOS EMIGRANTES QUE VOLTAM À TERRA E TENTAM REINTEGRAR-SE NOS NÚCLEOS POVOACIONAIS DOS QUE PARTIRAM OS SEUS ANTERGOS.

dim que diciam que dixeram que as regueifas das nereidas perduraram nos muslos entrecruzados quando aqueles que a sonhar voltarom e asanharom (ou talvez nom). dim que diciam que dixeram que o sol tornara incandescente baixo aquel parrafeio da harpias cronotópicas que adorando ao excelentísimo senhor dom PRESIDENTE DO CENTRO GALLEGO heróe guia e putanheiro dos vitoriosos retornados usuravam aos leões indecisos e erguerom ruínas renovadas plantadas sob o sol da disidência. aquilo foi glorioso e laudatório porquê nom havia de sê-lo? os emigrantes voltavam à Terra! ora bem o plano de governo «Vuelve a Casa» guiava aos tele-invidentes das foliadas de Protéu e as nais parturentas vírom ao Príamo sedento cantando um alalás de camiões e peixes voadores. com todo o augur dos novos tempos bicava o embigo cilíndrico do Ajax totémico baixo o aturujo mortal das vagas infindas. emporisso aquele estúpido Ulises descia à sá de máquinas para estragar a válvula hipodérmica que regulava a vergonha e as ganhas de chorar ou sí como nom chorar pola nubem e a penla de Talía que deviam ser consumidas por via oral adorando um Tíades ou Pico Sacro cheio de neões aínda que a excelentíssima senhora SECRETÁRIA DO CENTRO GALLEGO realizara hiperestésicas oferendas caricativas ao velho actor fracassado de tele-novelas cardíacas que nom (que extranho!). que nom chegou a presidente de República bananeira porque nom gostava das bananas nem do arrós à cubana fóra de que o desafio de Gorgona se convertera na olhada cristalina das almas intranquilas. sem embargo prouguérom quando as doncelas da Estige decidirom alugar moqueiros e mamechas canoras na proa do altivo cascairóm namentras os antagonistas ou mouros de Vesta sangrárom os últimos bafos de carragem. que diciam que dixeram que no retorno gloriosso dos nossos ou vossos ou de ninguém emigrantes a deidade mensageira clamava polo Presidente ou Heróe do retorno gloriosso ou pomposso ou fachendoso agora bem (ou mal) tamem podia existir o perigo de ver um lobishome bolxevique jogando aos naipes polo Orféu a fluír ou a rolar polas canherias das ondas mortas. quando os retornados chegárom à Terra ou ou a nom sei que lugar Escila apoteósica cintilante organizava a sua ruada de estrelas fugazes e meteoritos que se dirigiam e perdiam (podéndo-se estragar) polo caminho das serpes húmidas do céu no instante maldito no que as cantadeiras do Líber vomitavam (OU PRETENDIAM VOMITAR) pola escotilha os últimos fogos airados das hespérides ninfómanas justo quando o Atlante malfeito conjurava o ensalmo contra o povo retornado.

II.-IMPOSTOS, TIMOS, CORRUPÇÕES, CRÉDITOS HIPOTECÁRIOS E DEMAIS EXPULSAM AOS EMIGRANTES RETORNADOS DOS NÚCLEOS POVOACIONAIS DA GALIZA E FUNDAM A CIDADE CEIVANDERRI À BEIRA DO RIO HOMÓNIMO.

assí foi como aconteceu. um dia as quantias ou análogos ou gravames que recalavam ao traizoar as pessoas santas morrerom e as caliveras que ham de se pagar sob as propriedades inmobres na degeneraçom da supraestrutura obrigatoriamente caírom e prometendo ao episteme começarom a mistura suor com grandes doses de seme. dia nascérom com garantías gratificantes que logo a Máquina para ou por e coa verificaçom negativa do pagamento dum empréstimo troquelava sobre os dormitórios ensanguentados e co revólver da moral e da praxe que este acolhe (ou acolhia) morrerom porque cheirava a morte súbita porque cheirava a presunto ibérico onde só medravam pementos e curas. aconteceu que as medusas e os chanfonetas debulhavam vizosos de flatulências brilhantes fucsias da dança dos sete panos. finalmente o êmbolo ou cumprimento de todo o que nom se cumpre e os desejos de qualquer outro gurú e dos costumes púbicos das mónadas na obriga total levarom às pessoas da nodriça a arranjar a cábala do derradeiro estigma para nom ampliar a CRÓNICA NEGRA dos gnomos e relójios e molhar os escrotos estampados nas águas do Ceivanderri que (aínda que o pareça) nom tem nada a ver com (London)Derry. nom tem que ver COM NADA.

III.-SÁTIRA DO MINISTÉRIO DE TELE-INVIDENTES DO GOVERNO CENTRAL ESPANHOL QUE FUNDA CUM ORÇAMENTO DE QUINHENTOS MIL MILHÕES DE EUROS UMHA «CIUDAD EJEMPLAR» DENOMINADA CIBERCITY PARA QUE OS GALEGOS TENHAM COMO MODELO.

chegarom vestidos de cosmonautas baixo o demiurgo do velho canaval e as pirámides da desesperaçom sumírom-se baixo as águas dos estaleiros. traiam novas ideias e tal vez tamém originais traiam em fim o solipsismo das insolações dos pés avandonados. chegou gente de marca após da gente marcada chegárom fazes de fruita e umha plusvalia enriquecida baixo um sol cinxento. os peiraos como pálpebras metalizadas frunciam o céu no que que se suspendiam os últimos acantilados e as mãos dos relójios sinalavam os Holocaustos apolíneos no silenço calmo que antecipava o medo. chegou em definitiva a grande Cibercity a espectacular meninha prodígio puta antes que feto demo antes que anjo medo antes que teima. chegou o passeio em barca na lagoa artificial o primeiro mês do inverno a pessoa pechada na pantalha açul chegou Cibercity. as escavadoras retiravam a neve vomitada polos padeiros e as perruqueiras depilavam os cables que medravam nas axilas dos diques justo quando os elephantes petrificavam o lixo coas suas pegadas empíricas. chegou Cibercity. um réptil morreu baixo o sumidoiro dos lodos e os ovos alopédicos coa nena que chorava ante o escaparate seqüestrado. chegou Cibercity. chegou o ente inteligente a pantasma do asma o tosco e o chosco. chegou Cibercity. pero algúns aínda seguem a buscar triángulos gravados no chão das estradas.

IV.-CIBERCITY MEDRA TANTO QUE ABSORVE A CIDADE DO LADO, CEIVANDERRI, QUE PASSA A SE CONVERTER NUM BAIRRO-GHETTO DE CIBERCITY E FICA REBAUTIZADO COMO LUMPEMGREI.

arames acoirazados nos resortes iconos enfastidos nos relanzos. a luita papou aliage e cortiça a besta enguliu o grei da saraiva e pechou ao rio Ceivanderri na coiraça dos sumidoiros. porque medrou antes de nascer e na desgraça. se chama Lumpengrei. porque no bairro-ghetto um relójio nunca marca a mesma hora que outro e os reféns das trevos e labras grapam as infraestruturas da xilaba tamém se chama Lumpengrei. e um dia chegárom os engeneiros de Essem e os indícios das eirugas vomitárom cistes veludos sobre o plancton metalúrgico. outros preferírom manter furanchos de maniotas ante o anámnese dos iconos invasores. logo as lanternas aproveitárom o êxito das perrucas tralos medos da Nóese e as lagostas e tamém as lapas que vomitávam os amortecedores chorarom aquelas gargalhadas impunes. finalmente já as ruas eram cemitérios estridentes nas lendas universais. iniciativas das bagas em máquinas polivalentes abrentes nostálgicos de estrelas novas dúvidas enigmáticas nas gorjas rítimicas respostas de rochas irracionais ou espaços iámbicos. nom se via rem só havia um silenço enxordecedor tra-los caminhantes ígneos tra-las bebedeiras de éxtases. em retrorreproduções dos comboios de imagens ou teologias de Yeats. soio olhadas perdidas perdidas.

V.-ODE A ILDUARA EIRAVELHA, PAIO NUNO E GIANA ÍNSUA NASCIDOS «À BEIRA» DO CEIVANDERRI-CANALIZADO E QUE CONHECEM AO AUTOR DESTE POEMÁRIO EXTRAVIADO EM LUMPENGREI TRAS UMHA ALIENANTE ESCURSSOM POR CIBERCITY.

1. ia caminhando perdido polas ruas molhadas. por alí só havia edificios baixos e casas altas acinadas. construões escuras e húmidas. nom se esculcava o final daquela rua pola néboa mesta ou polo fume das factorias. as vias em novelo do comboio industrial atravessavam as casas e os pátios clónicos. as cascudas regalavam beijos cariados e espelhosos alí onde os tubos pingavam sonhos de saudade e phosphatos. começava a molhá-lo aquela poalha deminuta e os nenos jogavam na estrada esbaradiça cada vez que nom passava um auto ou omha mota. (PASSA UMHA LOCOMOTORA. RUÍDO ENXORDECEDOR). perdido e sem rumo deixara já mui atrás os ranhaceios e os edifícios inteligentes. chovia pouco. as viúvas caminhavam polas paredes e ele estava decidido a colher o autocarro que o retornara a Cibercity. perguntáva-se como chegara até alí. semelhava um lugar de deportaçom. nom conhecia aquele bairro ou vila ou cidade ou o que fosse! e nom tinha muitas ganhas de o conhecer. era um lugar horripilante e tétrico do que nunca houvira falar. tal vez porque a Lorca nom se lhe ocorrira escriver o poema «PAISAJE DE LA MULTITUD QUE EXCREMENTA» (NOITE PERDIDO EM CIBERCITY) estava assustado. tinha medo! já chovia máis. 2. (PASSA UM ENORME AVIOM. TAPA OS OUVIDOS). máis adiante atopa um grupo de rapaces a falar cum muro ennegrecido: um muro um moço e duas moças. ia frio. a lua semelhava o ventre dilatado dumha limacha somnolenta. o moço levava um vagalume engaiolado um brinco na orelha e umha camisola na que punha AOIDE. a maior das moças levava um livro velho de Nietzsche um colar no que se lia MELETE e umha serpe ferida e metálica enrolada num braço. finalmente a outra moça tinha a palabra MNEME tatooada no embigo um lobo instintivo de aziveches e um disco compacto do que nom desejo fazer publicidade. chovia e nom o sentia. seguramente falou com eles. AÍNDA FOROM NASCIDOS EM BERCES DE CARVALHO! 3. el díxo-lhes que era um viageiro que se perdera em Cibercity. passou umha motocicleta estruendossa. dixérom-lhe que estava tentando respirar em Lumpemgrei sem máis e baixárom a mirada. a sereia carcomida dumha factoria cercana anunciava estoicamente a fim da jornada. choviam cavalos aferralhados. os cabelos húmidos e longos dos tres moços eram fermosos e ocultavam morbosamente os olhos misteriosos que espertárom no molhado e perdido viageiro umha série de silogismos dialécticos. el chamáva-se Paio Nuno elas eram Ilduara Eiravelha e Giana Ínsua moça e irmã do Paio despectivamente. o viageiro perdido podia ser eu. elas e mais el aguardavam sem mais a saída do pai de Ugia umha amiga do Paio que finara oito anos atrás. era o cabodano. os trabalhadores máis novos aínda saíam algo contentes os velhos semelhavam cépticos. apareceram os cadavres de sempre acuitelados polos biperinos abrecartas. FITAVAM AOS OLHOS OS SALTÕES DECAPITADOS. dixerom-lhe que o autobús digital de Cibercity já nom passava por alí que teria que aguardar umha hora polo autocarro. durante esse tempo o viageiro falou com eles. rírom chorarom e odiarom. adorarom aos péndulos lanhados e às lumieiras anabolizantes. adondarom e beberom da saliva do inferno e chuspirom passaros triangulares. chegou ou autocarro e o viageiro marchou cos kurgáns de Cibercity. rematara o saturado teletipo da simbiose. chovia às moreas. 4. DESFACIAM-SE ENTRE OS DEDOS OS ENRUGADOS ELEPHANTES DEGOLADOS. voltou o viageiro dionisíaco atraído pola mágia dos rapaces que alí conhecera. matou um cervo branco a atopou às rapaças a falar co famoso muro o muro da Nóema. O MURO DAS REFLEXÕES. o Paio Nom estava. (alguém atentara contra as oficinas propriedade do empresário Senhor McAbro). estava na cadeia como outro preso cautivo do ente da gaiola perdida no gume da consciência. as ruas eram os coitelos surcados nos olhos dos felinos. só estavam uns meninhos cheios de cerveja e jaravaca e o avó senil de Ilduara guardando umha esfarrapada bandeira vermelha por se a alguém se lhe ocorria fazer umha revoluçom. Ilduara buscava burbulhas de sagrados vermes nos buracos. Giana ravenava as nádegas misericordiossas nas favelas de Lumpengrei. o Paio estava no cárcere. dispersado. seica antes de ingressar colheu raivosso a estilográfica da reveldia e no muro das reflexões escriveu           brinca brinca e brinca           brinca e segue brincando           nom chegarás à lua           os pés acabarás mancando.

SOCIEDADES INDUSTRIAIS DEGENERATIVAS acó as sociedades industriais degenerativas som as sinagogas do caminho perdido de Essem. dispara! e desata a tua xenreira que o Paio tem fame vulcana dediante do mesmo prato eterno de lentelhas carcerárias. e um algo fai-me crêr nessa loucura da maricona borboleta loucura madiante a qual mima ou ou expressa o bardo ao penedo ou à água limpa e vive photografando ou pantaseando de traer algumha beleza à memória ou à imaginaçom inspirar umha olhada a umha musa defenestrada como golpes que as belezas produzem na alma perante os olhos e o narís. acó as sociedades industriais degenerativas som a ferramaenta ardente do columbário Slum. dispara! que Giana se topa entre o fruito alheio e o cheiro a lijívia neste mencer pobre que antes visita às sobrinhas do mercadeio corrupto da história corrupto de tranzes do ánimo caracterizados por umha inspiraçom orgánica conseguinte a golpes dos dedos e ouvidos baralhetes e antontes e estátuas ou carautas que dos objectos percibidos ficam na alma perante umha heroicidade ou efeito de invocar a um bardo próprio do aburguessado dumha beleza ou que lah pôde pertencer com o prostituído elitismo do conjunto de adagios articulados cos que o bardo manifesta o que debece ou palpa. dispara outravolta! que acó as sociedades industriais degenerativas som o empório da noite pecaminossa justo quando Ilduara me topa ante a vizosidade visual torturadora e psicodélica. sim porque um chupa-chups agocha dúcias de cem felações expostas ou propensas a umha beleza a cadeias e classes de estantes que ha-de-ter um poema série de adagios ou motricidades que se sucedem dum modo regularente regular como gratas e harminhiosas prendas e sucessões de laios e prisões. em Lumpengrei o velho sindicalista aínda sonha coa organizaçom desorganizada ou desorganizaçom organizada e com trincheiras e coitelos da linguagem poética e prosaica do gamahuche e com fetiches carautas dumha beleza que dam como produto na probeta miragreira que um home por umha mulher arruinado e umha mulher por um home profanada juntem as suas desfeitas calcinadas coa ingénua esperança de que um talo verde vigorosso emerja de entre os seus escombros para sempre escombros. dispara! dispara! dispara! acó as sociedades industriaia degeneratias som as efemérides e profetizações do velho poeta futurista. [ao redor do lume] mirarei as mudanças macabras da morte. nom faltarám mudanças do gore. pois já saberás que hai muito amor ao redor do lume. os bidões quentam-nos... (amor pobre e lenha verde tamém ardem se se acendem?). nom namorei rem pero aprendím muito dos teus segredos. muitas mudanças. agora hai muitos sonhos nas juntanças ao redor do lume. [a janela] ou sim berrade-lhe ou berrade a correr tras a esperança da galáxia minguada tras as megalópoles em escala na necrosfera trastornada sempre houve um devalar catastrófico fundindo os fusíveis e as plusvalias perennes seguiam ao satélite jubilado e os mercados caducos aos reacactores transgredidos. sempre... umha leucémia senil? pegamentos e petróleos? ou noxo tamém umha janela. sempre bardante. se nom rubide ou rubíde-a a chorar polo pesadelo daquele luceiro inútil polas lámpadas destruídas no solpor fabril às um faro degradado incapaz de guiar ou a lua estragada ou o tesouro noxento como arrolos techno-house como as liberdades estragadas. às veces... um tumor cerebral? válvulas e turbinas? ou lixo só umha janela às veces rem. [kamikaze-caso arquivado] puvelas arumes e landras... douradas metaliçadas e vermelhas folhas todas girando e se espalhar cos nenos do parque. o solpor a carrejar às alancadas umha esfera vernelha que albisca umha nena apressurada a abandonar o zoo fugindo do Sátiro e dos trasnos. a neve derreteu-se hai tempo e o povo florescueu de novo namentras os nenos andavam a jogar. ao mesmo tempo umha moça precoz treme e arqueja abandona o seu balsámico fruito tras a carvalheira no meio da nada no seu berce sartego. o corvo aparesce voando pola sinistra as pálpebras negras polo rimmel corrido as pernas a se tracantear as dedas insensivéis um beiço ferido por falanges masculinas a vulva grapada. nai kamikaze. Fuge coitada, fuge, que ja soam As duras ferraduras, que te trazem Correndo amorte triste. António Ferreira [come de mim] o caravel afogado na charca chora no seu leito de folhas marelas vermelhas marrões e a pedra dum vale de musgo cuberta berra: meninha da água. a lua coa cor do sangue profetiça o que vai chegar cria a semente interior a umha apetitossa polpa que a rodeia a clama: come de mim. o passarím silvestre morto com perlas de orbalho cuberto aparesceu esta manhá no meu lar sei que denantes morrer berrou: meninha da água. fomos à lagoa dos ventos vimos a noite chegar saudou-nos co seu séquito de estrelas e eu nem conte me dei ti dizias-me: come de mim. [mímese-«pis» nom é «peace»] solapas múltiplas jogam ao parchís. laço vemelho laço verde laço açul laço marelo. laços de cores nas pretas solapas. repressentam as cores à realidade social? u-la cor do POVO? a sociedade está banhada em lijívia. a cor da sociedade está destinguida. alerta! nós só poremos na nossa solapa usada o nosso laço destinguido sem cor estragado e corrosivo. assí é a MIMÉTICA das ruas e favelas de Lumpengrei. [aínda máis difícil] como numha enquissa pergunto: em que cristal se vê...? Valle Inclán vê a travês do fundo do copo Blanco Amor vê a travês dos olhos das gentes marginalizadas Méndez Ferrín vê a travês do bafo do vidro. mais aínda máis difícil... sem rem dediante da olhada sem influências nem deformações oculares Ilduara Eiravelha vê o mesmo que estes descrevem cos seus próprios olhos limpos. namentres vos anda aos biosbardos vê o limbo do oráculo ne vassoura que porta Anónimo Expósito Sinsegundo o vizoso esbrinço do tio vivo como o neno-morcego que gosta mirar polos buratos das portas os ovarios estirpados pola negligência do Godzilla crápula particular e as hemorroides daquele porxeneta subencionado. vê muitos grilos numha soa gaiola vê todo o o esperpento escarnho e desgraça sem rem que lhe influa e sem lhe botar a culpa ao Meco. tenta pechar os olhos e pensar nessa borboleta cega e xorda cheia de lus e som mas tem tamem pálpebras caleidoscópicas e vê os nenos mortos no Auxílio Social narnexos na sua espelunca óptica. vê suxas cabriolas e ambalinas rotas vê sinte cheira e oe: —compre choermos tafures... esta overdose fará que esbaeça e que acorde depois como sempre na saída traseira do restaurante chinês. ELEMENTOS PARA REDUZIR O OZONO cabelos loiros e pel de leite rosa sem espinhas para ferir-me. os elementos para reduzir o ozozno som os sanguessugas inspirados do derradeiro Long John Silver. cabelos loiros peiteados polo vento briseira senlheira senlheira alma riseira riseira meninha de loiros cabelos. ferir-me nom me fire ferí-la quere o sol e isso fíre-me muito. mentras o sol assassina Paio so tem um papel para fazer navegar no retrete ou voar polo teito os seus sonhos evasivos. ferí-la quere o sol a sua branca pel cintila mais ca el a sua branca pel ferir quer el a sua branca pel queimar pôde el. os elementos para reduzir o ozono som os corredores da morte que reagem co anti-cristo. pôde deixá-la vermelha como sangue de artéria. queimá-la destrozá-la e ravená-la ferir essas redondeiras que tentem cos seus ácios frescos. mentras o sol assassina Giana tuse na profundidade das ruas polo ar suxo ou polo pó vermelho da sua escrita comprometida. (e comprometedora). só as suas fazulas só os seus beiços só as suas unlhas no seu corpo devem ser vermelhas como é vermelha a dôce guinja do pastel. os elementos para reduzir o ozono som os retornados que perderom o cetím e o carmím no barco. só ela só ela cintila máis ca el inveja do sol sol assassino da minha senhor. mentras o sol assassina Ilduara desinfecta as suas feridas coas bágoas que baixam polo reflejo do neom ou dos lóstregos. pel de leite cabelos de mel cintila cintila sem fim. os elementos para reduzir o ozono som os úteros sodomizados polo TeDeum das mesalinas. sol sem coraçom meu coraçom. ela é o meu cintilante coraçom inveja inveja so sol. em defintiva os elementos para reduzir o ozono som piores que qualquer poesia cursi. [esquelete de neom] saim a mais e perguntaches-me bip-bip o porquê das minhas verbas verbas digitais que poquê sosmos carne de canga. bip-bip. carne? isso é o que nos queda nos pálidos saramagos do esquenzer morto. bip-bip. já nom sei já nom sei como escrevo isto será que o pegaso ecoa e bate outravolta os meus vidros coas suas asas. bip-bip. e vejo tal vez a tua calcárea caveira os teus olhos de kamadám e penso nos que idolatram a imagem do teu bico. bip-bip. ti destrozarás destrozarás sem piedade esta minha bateria que as minhas mãos sujeitam quando bombeia os voltios (bumt-bumpt bumpt-bumpt) aos meus cables estes cabelos do demo e pecharei tamém (se ningúem o fai) as video-cámaras desenfocadas. bip-bip. e parirás (sem dúbida) um griffom desse teu couselo fecundo! bip-bip que matará o meu... o meu pegaso e eu eu sujeito a um Zeus cambeiro em cénit e... carne? isso é o que nos queda nas escuras sequoias do esquenzer (outravolta) morto. a carne apodrecerá irá-se-lhe a frescura nem sequer bip-bip ficarám aquelas coalhadas coalhadas de orbalho... ...e logo verás o meu esquelete o meu esquelete de neom sem vida sem VIDA? e... morrerrás do susto! (BEBA CIBER-COLA). bip-bip. [snog-imperativo agravante] nom hai lugar mais húmido que Lumpengrei. só hai um ventilador para todas as cobalhas hai falha de ventilaçom hai altas temperaturas hai elevada ruinidade mais nom estamos pechados entre quatro muros que estamos ao aire livre... aire... livre? nem sequera o aire pôde ser livre ameazado polos lançalapas fabriles e jiringas atómicas. estamos tamém num tunel de dia num faro na noite entre encoros de mocos e condões de chumbo. sabendo dos depósitos de holocaustos sabendo tamém que o centro da esfera açul celeste é um pentágono VERDE MILITAR. que vidros e tenaças cesáreas e cirroses padecem as nubens e os raios de sol. emporisso que a única forma de estarmos seguros seria estarmos atrincheirados nos bares do devir e da farándula. ogalhá todo o nosso problema fosse a contaminaçom cultural techno-maniática. ogalhá... aguardem um intre cháman-me polo tele-móvel estando eu inmóvel. (até o próximo poema). [treboada] I. a treboada colheu-me pechada no desvám tumor cerebral do ranhacéus. só umha celosia cariada permite albiscar o xilófano distorsionado só umha lâmpada como um átomo ilumina o meu medo desconhecido só um baúl incógnito alimenta a minha curiosidade só um akelarre só um jílgaro morto só um ferro oxidado no chão só sem folgos. arestora as paredes com cadeias decoradas evitam a incurssom da lus                                         do ar                                         do luar                                         do futuro abrente?                                         da calma desta treboada? nom.                                         do efeito invernadoiro. arestora só escuito o oubeo do lobo na cidade e sinto alérgia por tanto pó por tanta borralha polo cheiro a lijívia. assemade a parede com cadeias decorada engendra pó rocha e tebra. II. o desta noite foi umha treboada manhá quando estoure o vástago cogumelo de Robert Oppenheimer um fórceps de giada e sangue levará-me aos alicerces de eu                                         cecais a um soto húmido                                         ou ao sumidoiro da vila massacrada. [ruas abisais] estradeando polas cidades dos alternadores caminhando entre as cadeias dos passeios com coidado de nom esvarar nas fontes de lama passando frio nos jardíns das maquinárias. seguiremos flotando no valeirp como sandeus entre paredes-armaçom e fiestras-guilhotina pois nom somos quem de rescibirem os taxis da morte ou lápis se sangue vacua nos cinemas do petrodólar ou vetilhos de N.Y. e bacantes de L.A. entre cheminés de ranhacéus e soportais de sombra. idolatraremos a olhada autista dos peatões estalctitas do iogurte pornográfico no toldo dos escrementos do autocarro-fornobparado no semáforo-galimatias dos sumidoiros multinacionais ou bariles peseteiros dos colectores de limadura ou beches meseteiros. no final do caminho bidões e papeleiras lembram que sempre haberá umha lus prismática e que no derradeiro chanço até ela sempre se apagará o adro da factoria. a nossa olhada motriz vê ruas abisais registra escaleiras rematedas em precipício processa hoteis rematados em cárcere —pulmões cordas vocais epíglote laringe veo padal alveolos língua dentes e beiços— e pecheda entre bares de imsómnio pronúncia: «—aos moços às moças aos vinte tantos anos já lhes faltam a metade dos dentes como sapos relójios...?. frase sem rematar por contra-indicaçom. radiographia da frustraçom. [desinfectante antiséptico] passear polo velho cemitério só me deparou que ravená-se o nocelho cum crucufixo oxidado do chão que tentando invocar ao Ceivanderri canalizado ria co vento que esparexe alporiçado palavras de corte plutoniano que som semente da xenreira e das máscaras-dos-pánfilos-soterrados. onte e antonte sem perdom puxerom-se de saldo as reservas para viagens ao limbo (alí-onde-os-gamines-sem-folgos-tatejam). as escuridades dadas a lús incentivárom o alunizagem do concorde esmorgante guiado-polo-íbis-bébedo. a herba húmida acelerou o esbaramento do sonámbulo na chaira das prospecções coprófilas (ou oposições-abertas-a-bascas-nogentas). e como se ria a fedorenta zargüeia quando o circo clandestino dos parados foi multado por apropiaçom indevida de caudais públicos. e a gota fria borrará os graffitis insultantes tatooados nas tumbas dos derrotados (mais seguirá grabado sobre o mármore com letras grandes de cobre: PERDEDOR). o nocelho corre perigo de se gangrenar cómpre que saia correndo de aquí na procura dum desinfectante antiséptico. des. anti. perdedor. [o pó do giz] foi quando concluiamos a brindagem do robot deitado no divam de formigom que as campás do puti-clube argüírom a asfíxia do invernadoiro excedente em pó de giz. o pó do giz que tapa o álbume de photos e retrincos coas bágoas derramadas por Nadezna cos companheiros de luitas e de coitas com mulheres e homes que vam de Baader a Mariana Grajales passando por Reboiras do ente onde se perdeu o rastro de Cienfuegos. o pó do giz que se pousa nos retratos deitados na húmida catacumba de guerrilheiros de quarenta e de oitenta de mártires do trinta e seis e do setenta e dous dos últimos derrotados semente da vitória. o pó do giz que se mistura com piranhas e cascudas tse-tses e arácnidos co grande peom no mundo de verborreias e ditirambos e coa graxa seca da frigidora que atasca as pechaduras do soto. esse pó de giz que nom chegará às trincheiras e barricadas que som um manhá escuro para um passado-manhá futuro de lús e de esperança.           Veleiquí os camaradas           perdendo unha batalla cada día           e gañando o futuro e o fulgor           nos ollos e nas queixadas de metal.                     X.L. Méndez Ferrín [a casa de papel] como nos queremos tanto como nos seguiremos cegamente fugiremos desta sociedade do triunfa ou morre fugiremos ao país solítário do papel branco iremos a modo se é Sodoma e faremos umha casoupinha cos livros proibidos quando atemos ao são-bernaldo estatal. navegaremos num barco de papel branco mui branco por um mar de alma virgem que nom visse a lús perversa e sem mirar nem arroaces nem sereias. voaremos num aviom de papel branco pola noite das candelejas puras e sem fazer caso do vagalume fosforescente aterraremos na nossa casoupinha de papel sempre branco sempre branca a nossa companhia. nom teremos lume quentarémo-nos juntos destruiremos os relójios digitais impostos alimentarémo-nos dos desejos e da fantasia durmiremos no divam do tempo estático alonxarémo-nos para sempre da pipa dos trascordos que queime cumha faísca a nossa casinha de papel os nossos sonhos as nossas contas enfáticas da leiteira- -do-candomblé.

MÁQUINAS, ESCUDOS E TREVELHOS DE ARMAMENTO nom hai dúbida de que Hemingway era um borracho, maldita seja Espanha nom aturo a nengúm dos dous. Charles Bukowsky seica assí é que as máquinas escudos e trevelhos de armamento acadam aos nospheratur do Lebensraum espanholista. e quem inventaria a corridas dos toureiros cos touros? só sei que as máquinas escudos e trevelhos de armamento som a violaçom abominável do tempo. (E DO ESPAÇO). pero quem se lembra do cíclope dionisíaco que converteu a Allende Ho e Tito em estereotipos de conjuradores? nom o sei só sei que as máquinas escudos e trevelhos de armamento som os sensuais capivaras da Amazonia morta. sei tamém que Ilduara trafica coa matéria que permite destruír a realidade ou chacal embaucador do equinóceo perdido entre a transgalaika morta. cecais Giana esteja aínda a chorar a desdita da sua culpa irrepetível e soterre a derradeira pomba-bomba ou rata alada vingativa. O´Paio sonha coa dança altiva das olhadas e as sombras ou coa lembrança encadeada do cadáver de Ugia finada (ou confinada?). hai quem dubida quem matou o Kurt Cobain e porquê morreria coa mesma idade que El-Rei lagarto. pero quem dubida que as máquinas escudos e trevelhos de armamento som as capoeiras e escursões polo parque Tlatelolco? ninguém se lembra isso sim dos tentáculos do papaventos que trabalha nas tebras nem da cosa-vostra que viaja em vagões com cribas mecanizadas em ácio e dirigidas polo Buffalo Bill multinacional que cabalgando o dóverman cibernético segue a exterminar aos sioux da nova era. e pode tamém que Jim Morrison fosse mais borracho do que o Hemingway mais contudo (polo menos) el nom gostava da MAL-DITA Espanha nem da sua nogenta festa nacional. é assí como se escreve o conto e a diáspora snob canta e baila Johnny be bad. e namentres a pequena morada luite contra tanques de carcoma levando os transfer tatooados na olhada as máquinas escudos e trevelhos de armamento serám (POR SEMPRE) os gumes derradeiros do animal-mal totémico. [sombras chinescas] figuras chinescas refractam os teus olhos aí vam a voar e esas figuras convérem-se num cometa de cores aí vai a sonhar pero umha ventada fai que esmoreça e aí vai por derradeira vez. ...o cometa de cores deitedo no chão: sementeira de vidros aí vai quer voltar! quer voltar ser a a beleça dos teus olhos aí vai mais nom pode a dureça do chão crebou os ossos do cometa chinesco já nom vai... nom voltará... [caos] o caos será a situaçom de equilíbrio absoluto. as balas e a brisa assassinam os meus tempos. as bombas assassinas nom som o caos. volcam criou a tebra nova caos e anti-ciclom doagoiro é bomba e nom bico a taquigraphia da calculadora situaçom de tuberculose do armamento de vómito e armidom visual equilíbrio das jaurias e das enrugas absoluto túnel absoluto búnker. o caos já é a siuaçom de equilíbrio absoluto. as sombras e a suor anestesiam os meus sonhos a palvra mal utiliçada é o caos. levo um corte de mangas nos olhos e umha palabra só umha nos beiços. a palabra leva incluída umha ideia o conjunto de ideias constituem o pensamento e a sabedoria a faculdade que produze a sabedoria é a razom e inteligência. nela nela reside o caos. [descanse em paz] adias a saída desse bacilo de Koch vomitas esse grapho destintado zumegas umha vermelha inundaçom de morte que se escapa mofándo-se do peito da paz. as tuas brancas penas rotas caíron ao chão como luzes ardentes dum fogo de artifício e o teu sangue residual fíjo-se radioactivo como umha maré de morte na pupila. cubriremos o teu cadáver coa nossa bandeira sem escudo e a tua ferida tnguirá no meio dela umha estrela de cinco pontas afiadas. nós somos os que imos chorar sem bágoas como a ti te matarom sem morte e responderemos disparnado ao arma que dispara. ti paz morreches na meseta ti paz nasceras num berço que navegava polo Sil ti paz zafaras entr pretos e brancos judeus e palestinianos ianquis e soviéticos... e foches morrer na meseta meseteira e nom em libialibanolibéria quando a lua gangrenada saloucava perdida aquela cántiga de akelarre. (...) e adivinho que... o nosso velatório será profanado o nosso pranto encadeado a nossa bandeira pisoteiada e o teu cadáver será devorado polos avutres frigíndo-te na gigante tijola meseteira meseteira. a última ironia: que descanses em paz. [as respostas-verssom original subtitulada] aquel dia vim a lua cair ravenada em formas de mamechas mutiladas. saíam as gentes do desguaces entre pneumáticos e txatarra suplicando: —pam, pam! e jadeavam os de sempre cos seus cilindros de quenlha respostando: PAM! PAM! (E EU RESPOSTEI AOS CILINDROS FUMEGANTES!). logo chegarom as orquestras de sereias e a dança das cozes nas portas. logo tencionei fazer escarnho do pranto quando na minha ausência pronunciaches: —fum eu! e agora bico o teu chão coas minhas rótulas quebradas... e suplíco-te: perdoa-me meu irmao polo teu sofrimento na spiaras de pó e dunas que nunca se mira a faze do que está tras a lanterna do solipsismo porquê alguém avariou o nosso teleférico quando estávamos no ponto máis alto. nom estava para evitar a tua innecesária heroicidade quando na minha ausência pronunciaches: —fum eu! perdóa-me polas ratas estridentes que aninham nos teus riles pois dói-me que vejas ameaçada a tua súde anal polas mocas sarnosas dos funcionários da chave. pois fíre-me que veja terras estranhas mortas por entre as reixas ígneas e ardentes. tivem medo e saím correndo quando na minha ausência pronunciaches: —fum eu! perdóa-me irmão e arrínca-me os cravos neste sumidoiro oxidado e maldito. perdóa-me ou morro! resposta! irmão! resposta! ... luitarei. para me reunir contigo luitarei. no solpor ou no mencer... ...lá estarei. (AMNISTIA TOTAL!!!) [olhadas em guerra] doces figuras projecta o nardo sabores dedos fletados Giana Sabela Ilduara Marinha Antia e mais Ugia tantas mãos que pecham bicos. ónde estám elas? Filhas Novas Antigas Fidalgas. ú-la cascuda que a tebra engendra? mais eu preso dumha cachoeira prego e clamo no éxtase do corvo atrepado polas tuas unlhas que a minha pel conhece. todos os sotaventos retranqueiros olhando as charcas de culpas da tua mirada de vertical iris. as minhas amas derrotadas no eido: Saias Versos O Firmamento e eu durmindo no refúgio e morrendo a revolos. dirám os joelhos como umha nubem o som dos nomes do teu corpo como a paz que eclipsas e um poldro gentil morrerá polas dedas húmidas que me peiteam selvagens. os teus olhos partem à guerra que estrala nos meus. estás onde o sangue abundante mente flue polo vale em guerra em guerra. [bucólico] bucólico referência algo idílico e pastoril? nom. é a abreviatura de bukowsky-alcólico. [bens gananciais-a matéria dos sonhos] os sonhos levam ao sono e o sono leva aos sonhos. que seria dum sonho e sonhar e sonhar a sua vida por sonhar que nom lhe temso medo as engranagens oxidadas que oxidadas estám e ninguém atopará materiais antioxidantes para estas engranagens sem mercar um sonho por sonhar e sonhar poesia. já tens un sonho para sonhar e sonhar à venda recitando o conjuro da queimada porque queimados nascemos porque queimados morremos porque fazemos parte dumha grande queimada o incrível um sonho que sonhar e sonhar o colecionável. de poesia um sonho sonhar com poesia e sonhar contemporánea mente nos roubos de Petáin na inclussa nos sabanhões de Ascot nos cribados do Elliot Ness histriónico nas arúspices do corvo no cemento do matadoiro de serpes no cártel de raposos nas cheminés comprensoras de snog nos cimentos dos clitórides nos sismod do soul satánico nos taveirões em cápsulas tout court merque um sonho com que sonhar e sonhar nom pôde mais. faltar um somho pôde sonhar e sonhar na sua bilblioteca ou cama as danças macabras a chegada da matahari proletário e o recordo do último grande incesto mirando como morrem os cigarros no cinxeiro no seu quiosque um sonho sonhar e sonhar co número. primeiro um sonho sonhar e sonhar grátis coa mulher pluriempregada esvaída nas escaleiras cos neneos assassinados nas ruas das favelas co protocolo a improvisar do dissidente provisório no congresso mundial de gringos e sipaios os segundos dum somho quando sonhar e sonhar números.

LUGARES DO UNIVERSO RADIOACTIVO                                         a Marcos e a Mariana. bem-vindos todos nenos e maiores ao circo das eivas um lugar do universo raioactivo! o circo do xordo equilibrista do pobre artista do inmundo o circo que como qualquer lugar do universo radioactivo éo sinistro bucólico da comodidade. o circo do coxo funambulista marido da mulher barbuda o circo no que Paio dança coas notas da morte e coa destriçom das pegadas digitais. bem-vindos todos cativos e ancianos ao circo das eivas um lugar do universo radioactivo! o circo do acróbata mutilado personagem dum patético cenário o circo no que Giana se vê ameaçada polas derradeiras balas do tsunami entre o ántrax nictálope e sideral. o circo do covarde domador que teme aos leões desdentados o circo no que Ilduara está a piques de estourar coa estrada molhada como um cadelo que ignora quando os automóveis atropelam. bem-vindos todos marcadores e marcados ao circo das eivas um lugar do universo radioactivo! o circo da arte eqüestre em burro (animal que já nom meresce tal nome) o circo que como qualquer lugar do universo teleactivo é o líquido amniótico da enajenaçom. o circo do trapecista cego curmão do presentador mudo o circo que como qualquer lugar do universo radioactivo é os antipodas dos fungos e cogumelos violeta. bem-vindos todos donas e cavaleiros ao circo das eivas um lugar do universo radioactivo! o circo do elephante sem cornos cujo marfím levou-no um rico inglês o circo que como qualquer lugar do universo radiopassivo é o ermitanho que fuge da vergonha. circo que é o quasar que ningúm mito nomea o maravilhoso circo das eivas onde sempre chove sobre a carpa sementada de pretos buratos e os nenos vem chorar ao paiaso embaixo do graderio endémico. [Ethel e Julius] velaí o jurado sentado no retrete. dicta a sentência talhada com crisntemo. nom. pois sim! morte da li-verdade cal viva nos olhos da justiça Salomóm bébedo e... fazes de conos brancos define: IU ES EI. morte na pouta eléctrica da águia. [braços da morte] nos braços da sorte eu púdem-che deixar nos da morte ti quixeches morar. ti quixeches morar nos da morte eu púdem-che deixar nos braços da sorte. o meu coraçom sentiu um corte eu púdem-che salvar dos braços da morte e ti quxeches ficar. ti quixeches ficar. dos braços da morte eu púdem-che salvar. sentím um laio forte. pedíches-me ajuda eu nom puidem acudir. a tua voz muda nom a puidem oír. nom a piudem oír a tua voz muda. eu nom puidem acudir pedíches-me ajuda! [corisco-universo paralelo na Rua Fuco Gomes] eu sei que caminho polo vieiro vermelho que leva ao povo esquencido que os deuses nom conhecérom a chuva que molha a minha faze e refrésca-me as fazulas. sigo caminhando. e paro para me agochar na soidade estéril do mundo do mundo dos sumidoiros e a minha voz afoga o inerte baleiro. sigo caminhando. e paro para me agochar na frescura perenne dos sentimentos sentimentos abisais das almas e dos corpos e a minha voz afoga o inerte baleiro. mais eu sigo caminhando. paro para me agochar no salmóm que peta nos muros do encoro da présa hidráulica na sua épica remontada e aminha voz afoga o inerte baleiro. mais eu sigo caminhando. e paro para me agochar no lixo da cidade do ricos que adorna o bairro dos pobres e a minha voz afoga o inerte baleiro. aínda sigo caminhando. e paro para me agochar nessas vagajeiras astelas que sem lume se consumem e a minha voz afoga o inerte baleiro. eu aínda sigo caminhando. e paro para me agochar na pessoa que racha a sua tolémia como um cristal enigmático e a minha voz afoga o inerte baleiro. nom sei como sigo caminhando. mais paro para me agochar nesse sol catedral de julho e nas frechas coriscadas de abril e a minha voz afoga o inerte baleiro. aínda assí sigo caminhando. e paro para me agochar nos reveldes cauces interrumpidos polo silenço dos húmidos bagaços e a minha voz afoga o inerte baleiro. e sigo caminhando e segue coriscando. [a dança da joaninha] escuitando cantar ao merlo na fraga deitado no seu fumus arrecendente como a perla na ostra acordei co teu perfume de briseira do vale. é a dança da souril joaninha. queimei-me umha só vez meninha e nom voltarei a me achegar ao lume overdose de esperpento perfume do branco crisntemo. é a dança da souril joaninha. montado num carvalho virtual cavalgava polo caminho de ferro quixem brincar até o outeiro nom chegava sangue ao cerebro. é a dança da souril joaninha. cos teus duros penedos a rozar o meu peito todo ergueito sentím a incandescência nas esferas de chumbo do meu fungueiro distendido. é a dança da souril joaninha. sabia que na cova do cogumelo aguardavas polo teu guerreiro entrou joto e xebre moi xebre mais saiu esgotado derrotado. é a dança da souril joaninha. o vento seitura os meus cabelos e os teus dedos sementam bágoas nos meus beiços e gingivas e fumigam conjuros contra a joaninha xenreira. é a dança da sourila joaninha. coa lua na caluga coa mente senlheira espertárom-me do meu sonho sem sono e rescibím a visita vigiada e seqüestrada dum amigo e companheiro perdido esquencido. era o pranto da souril andurinha. [rebelióm rebentar-hei] caminhar caminhando por riba dos copos rotos onde as cascudas som a miséria da gangrena social emporisso as sombras chamam por mim mália vomitar verbas confusas: ñla chre kçu (cecais tenha a língua podre) por mor do faro em chama negra. esta conjura de néscios co galho dos párvulos enforcados a prol do terror atómico engendra as tortiras e o estanho no flato da burguesia. as injustiças as perseguições cabo dos que sempre perdemos o comboio cabo dos que nom podemos rubir o derradeiro chanço que remata nos charcos de mercúrio. umha guerra de drag-queens um nogento cintilar umha faísca nas tempas nutre a bacanal colonial e fai soar o telephone vermelho nembargantes a opressom só se sinte na gorja endebém nom sei chamar polas tacholas bardante quando as quero beber. e lembro Rimbaud. Ezra Pound. poetas malditos malditos poetas e nada mais longe da realidade das vassouras nada mais perto da tortura da turbina. endebém caminhar caminhando quê valor tem é de balde um par de passos mais e rebentaremos e rebentaremos. [a noite da balística] (à mocidade independentista). I. eramos só umha coveira freavam o caminhar os esbirros do dianho ao se escuitar o martelar das frágoas de nós fugia o anel de morcegos e em nós durmia a noite o seu sonho eterno. para saír fragoámo-nos como armas de defessa ante a desconhecida lús do faro que o nosso compromisso guiava eramos adoquíns globos frechas na balhesta e a Terra que sementaremos defendímo-la sempre a pedradas cuspidas coa morte travestida de combate. II. os aros em escarcha construiam sombras nos vidros rotos justo quando o tanatório ocupava toda a cidade e guardávam-se as filhas protegidas que os milheirais estavam medrados e no sotavento da linha vulcana á frente do povo os partisanos orientam na rua ou no arró ao épico bruído da fervença proletária e o seu clandestino gesto multiplica paixões porque a sua causa é tamém carne da carne descarnada da classe e os camaradas eram a semente de estanho daquela circunferência ardente e as suas consignas vagalumes nas tebras. III. começárom os estoupidos da noite dantesca e um exército de zombies mercenários chegavam pola circumbalaçom formando em ringleiras e batendo as suas armaduras e velaí ao longe um porco sobre duas patas um porco ao que os zombies pleitesiam coa saliva fumegante da miséria coa mirada cuspida da faze e coa moca curva que o mesmo vatia na velha ou no rapaz nos riles ou nas tempas. IV. foi quando os zombies de armadura carronheira perseguiam o efecto do lobo sobre o povo que estourárom os seus ferros covardes apontando aos corpos tam só armados de impotência e punhos grapados às costas e as esféricas granadas escachadas nos corpos tatooavam os nossos nomes em todas as paredes pretas de esturro e de noite cos redondos chumbos apreixadores. num lado com paus vidros os violentos noutro com pistolas e cascos os violadores nos despachos de cheiro ráncio a Violência. V. seica namentres o vento enravejado chorava em círculos polos moços apaleados e sei que os velhos guardados na casa ao final da noite iam-nos levar no meio do pam umha chave umha bágoa e um coitelo do sam-martinho. ao final da luita um beiço partido a testa machucada dor nas costelas camaradas presos camaradas que já nom voltarám caminhar pero seguremos a ser trabalhadores defendendo à Terra... o povo galego berrava nom me acodem já mais barricadas e ruas ensanguentadas quem nom te defende já? (collage-mosaico das canções de combate de Bertold Brech, Carmen Cayetano Navarro, Pablo Neruda, Joseba Sarrionaindia, Rafael Alberti, Sílvio Rodríguez, e outros e outras,...). [as notas do seu ventre] ao boreal do seu género soavam aquelas notas. umha rapaça durmia. os seus acordes achantávam-se no seu ventre. vem-na a faze o contorno e um osso rabunha os arquejos. algúns merlos vivram a deshora. quando o home deixa de jogar duas axilas tremelam tambores das suas mãos. (livre paráfrase-interpretaçom dos conhecidos poemas «Boreal» e «Guitare», pertencentes a diferentes épocas, estilos e culturas). [morte civil] velaquí o silogismo da anti-metamorphose do ventrílocuo detonador que fai desta morte civil um show de alzheimer social. na estrada preta atópa-se o gigantesco baçar de ortopédias e mutilados outro show de língua amputada que esquece a destruiçom deste traje almidoado e copula o caos das portas que ao renger propagam: mooooooooooorte. na estrada preta os coches fúnebres SOM MULTADOS POR EXCESSO DE VELOCIDADE e as máquinas de escriver só sabem pôr umha letra anafrodisíaca para que tateje este meninho de palhabarro (se é quem de saír de útero tam estreito) caminho do desterro já tam típico já tam tópico. [tsunami-a onda gigante] a onda gigante asulagou os continenetes made in siglas estúpidas. a onda gigante implantou a humidade submarina sub-sub estatal a prol do ombudsman subalterno acosados polo subestimado grisú da medusa capitalista subintrante cos olhos pechados do subconsciênte cleptómano. tamém a onda removéu o transgresivo subdesenrolo asulagóu o ventre valeiro do subordinado fedái e afoga ao ludópata subsidiado polos esqualiformes. a falha de oxígeno do subjugado snorquel provocóu a carência da fanzines subjectivos que contrastava coa sub-produçom de batiscafos. a onda gigante implantou um novo regime pero nomse notóu o troco ninguém notóu o troco.

GERAÇÕES DE INTERNAUTAS ANÓNIM@S já hai ciberputas no arrabaldo e qualquer edifício já é mais alto que a nossa torre de marfím. nós somos como taxis quando a morte ergue cedo o seu voo mergulhada nos cons dos nossos osos. mais eu tamém queria ser a minha sombra para estar no lugar da minha sombra e sentir as espinhas dos carrapitos podres nos nossos pneumáticos espidos ou pisar vidros velenosos dando voltas sobre os funís de disipados escarnhos. um home que queria receber e umha mulher com muito que dar havia um templo a finar perto e umha demoalgia que nos punje. -nos quando caem essas pingas de trascordos dentro das nossas testas e formam estalactitas de medo e medram estalgmitas de soidade e vigia o meu anjo morto e doem-me até as unlhas crevadas ao me caír o cabelo flagelando o chão. os sons das moedas movem os fios das marionetas co morse daquelas pálpebras namentras Giana caminha polo velho lugar onde os nenos jogavam e choutavam convertido no holding ancreóntico dos manipuladores ciceronianos e Ilduara (minha coitada!) sinte a dor dos burdeles a distorssom ao cruzar descalza os charcos navegáveis das lameiras e sonha coa calorossa humidade da boca do Paio Nuno chia de salinas eternas e de bágoas que deificam à rapaça combativa que el recorda. e nós buscamos a senda perdida da motivaçom buscamos destrozar o pusilánome ànimo que engendra delírios de cativeria e vomita os espectros da autofóbia. as gerações de internautas anónomos enriquecem aos fabricantes de óculos cos seus olhos dislocados miopes seqüestrados. nom caem pingas pingas de trascordos das nossas testas agora caem cuzos de sangue sangue das nossas gemas. e taladram nogentos escombros as moedas cosem enormes suturas nos nossos beizos e namentres conduzimos polas calejas cos perseguidores da lús e do calor sitiados nos recunchos mais esbaradiços. e todo porque levo estes ferros veludos nas pernas e um cartaz luminoso no lombo porque (e repito) nós somos taxis taxis das gerações de internautas anónimos. esses som os nascidos entre autómatas arrepiantes consumidores da burguesas hamburguesas os nascidos cos grilhões da aliem-naçom no simpósio bienal da crionizaçom neutra os nascidos ante as salomas do solpor e as efemérides dos insociáveis insaciáveis som as gerações de internautas anónimos. [banda sonora original-distorssom ciborg] Money, it´s crime Share it fairly but don´t take a slice of my pie. Pink Floid. a rentes do balbordo rxistia a cegueira entre acantilados sem antropologia a rentes do dimetrodom existia a distorssom entre factorias sem estanho a rentes do secador um blues de acantilados rabenadores. o blues soava a reo rengeante sobre uns planetésimos onda o contagotas era fráncio válvula & charco baixo o cribado repetido para Lumpengrei se cadra se cadra asubiáva-se golpejáva-se desde aquela peste desde a mesma peste selvagem mortal ou inmortal e a peste antonte estava case detrás do túnel da chantagem do aguardente porque pretendia que existindo túnel chantagem & aguardente progessáramos isto pretendia que existindo monopólio nasceriam monopólios isto pingava co galho do medo no médio das carqueixas coas ciáticas singulares ou plurais brancas ou nom de todo negras benignas ou de todo malignas. víveres nunca chegavam abondes namentres morriamos no acolá como onte se degenerava muito degeneráva-se ao medrar num ningures como que fazia tanto que ia para aló e queria tatejar aquelas verbas queria escupir ao cibernético que ordeava o nulha rem no ilhó da intoxicaçom tras o dínamo que ao martelar se derretia e abofé que mirava as pestes que uns jabaríns propagavam e aos cermets oxidados longe ou as suas rotativas multiplicando incansáveis quando perguntava u-las demasiadas eixadas? u-las cascudas que matavam cascudas? u-las lapas sujas inagadas de plutónio? u-los colegas? u-los todos!? quando emigrava a jalundes actibava como luitar contra pestes biperinas ante pirometalúrgias cibercontaminantes ante nogentas charcas aginha ennegrecidas ou perante a nossa absurda entelecheia corria chorava segundo a invejada paranomásia de Ilduara Eiravelha ou cumha lixiaçom corrosiva dumhas cambas destruidas. desde o taladro imperial um zulo de aldava & ronsel quando voava jet Ilduara caida nos ratoeiros e para sempre caida. a carcoma alkalina um ranhaceios de cadeado & talvez búnker e como afogava twister Ilduara derrotada nas guilhotinas para sempre derrotada (vigiada) derrotada. [doe-me] o que vim fóra foi a dor. A DOR           a dor do lucecú perdido           entre as ponlas sem folhas a mim doe-me doe-me tamém. rapaça violada:           («—ia provocando»)           («—ela buscou-no») verbas de mentes mentes envasadas ao baleiro doem-me vaia se me doem! voa um arrolo pola fria fria e gris alborada é um arrolo orfo e doe-me. esta faminta meninha doe-me.                                                         e berro:                                                         emergérom tantas maldições                                                         maldições do pandórico cofre!                                                         e doe-me. a água dumha botelha xorda sereia de ambuláncia arrebola umha umha cantiga e doe-me. guia-me a lús dotro lucecú ourénta-me o som do grilo cara as estanterias estragadas estragadas pola carcoma e doe-me sae-me sangue dum burato burato aberto no meu ventre! é o sangue de Yukio Mishima e doe-me. o teito e o chão nados nados co galho dumha lembrança caem-me enriba e embaixo e doe-me. e a dor a dor confrangue o meu próprio o meu próprio distendido coraçom. e que a dor domine no meu no meu próprio coraçom doe-me e isso isso sim que me doe. e que ninguém procure procure a palabra DOR na enciclopédia nela nom definem a verdadeira DOR e doe-me. Lagoa dos Ventos! perdoa ao meu corpo esse que che dá as costas mais e que nom quere nom quere ver a sua dor a sua dor reflectida em ti. isso sei que che doe. nom sí Lagoa? e doe-me. [o parque] era um parque de marfím e perlas flores de loto e lís elephantes e camelos era um parque de libélulas e cisnes esmaltes coríntios e pedras preciossas era um parque de castelos e pagodas odaliscas e mandaríns Colombinas e Pierrots era um parque de ninphas e deuses jardíns perfumados e salões versalhescos. mais um dia quebrou um balambám e ao dia seguinte um tobogám e ninguém foi a arranjá-lo os raios ultravioleta e o óxido forom mancando aos nenos de pele estucada foi-se atopando sangue nos sapatos e o parque anegóu-se polo cheiro a hospital. e agora é um parque de biosfera tumoral e Arlequím pederasta. é um parque de ambuláncias e bulldozers arengas e sobacos besbelhos e toupas é um parque de soldadeiras e verdugos asteleiros abisais e visturies trémulos é um parque de turbinas e canherias tarot e carmím cadeados e celas é um parque de tromboses e úlceras terremotos metálicos e verquidos cibernéticos. arranjará as aspas do ventilador ninguém traerá água aos engaiolados do güeb ninguém voltará rir neste parque porque já nom é um parque. [a rapaça proletária] foi diante dos paspalhás e poli-zombies do guinhol. conhecim-te no espertar fabril berrando contra os que amostram a faze cheia de crema anti-enrugas. eu mirei-te aos teus olhos humaniçados nesta trincheira dissidente baixo umha focha de eirugas. biquei-te vis-a-vís co protocolo da chuva de arjila e verniz. colhín-te da mão sangueante para saírmos daquela grade psicodélica e caleidoscópica. e cativáches-me no equnóceo dos costaleiros em ácio contra os engaravatados da grelha. eire fomos marmelo e lambetada da gábia ourive aberta no triángulo sem bermudas. hoje rompemos o jajúm e enfastimos os cánones e dogmas impostos polo novelo hierárquico. seguirei a te bicar tras a barricada proletária com cambras neste corpo dissidente. será diante do ministério espanhol de ética e moral. [navegando] sigo navegando polas tebras do dolareuropeseta apaleado polos jovens balilhas hipócritas de açuladas laçadas em pretos peitos que que saudándo-me eles com despreço eu simplesmente contestei apresentándo-lhes o estrondo do flato de hispánico cheiro. sigo navegando polas tebras do hispánico cheiro quando trasantonte os esgrévios castelos impunham o medo e respeito sem pensar que agora seriam o estercoleiro dos ranhaceio-trevelhos. sigo navegando polas tebras dos ranhaceio-trevelhos onde Stephen sansóm segue tristemente a aguardar a que Xuan ulises volte da Praça de Maio onde Fuco hércules Buxán é lumpem eunuco. sigo navegnado polas tebras como lumpem eunuco e pensando que a mesma farola que me guiava nesta noite de minas terrestres é a farola coa que agora emboleço saíndo da cabana do tio rom. e sigo navegando polas tebras do tio rom e um fakir saca do seu garavelo o trascendental sim e o trascendente nom sem que o meu raciocínio pendure o cartel de pechado por defunçom. [sede] as minhas entranhas orfas bótam-me atrás no pecado que tento para rachar o muro que ergueches porque a minha sorte ímpia maldixo à tua fronte melancólica que berra como berra o náufrago que nom vê a terra. nom me ensines a mirar que estando contigo nom bebo nem vinho nem vodka nem rom bebo da fonte dos teus beiços e sácio a sede do meu coraçom. umhas curvas que maream grandes parábolas de fertilidade e umha ervinha tremelante fórom as momentáneas eternidades que nas poalhas arremetérom a baiuca do pelegrím farto de caminhar e nom o vivimos sendo dous nenos. estando conmigo nom bebe nem vinho nem vodka nem rom bebe da fonte dos meus beiços e sácia a sede do seu coraçom. [o burdel na rulote] hoje sinto debeço de cadeado tristura ou vacina excesso na comida e paixóm da alma vício oposto à esmola desleixo ou tédio ou elaçom do folgo e desordeada aliagem mágoa da enquisa bebida e apetito que move à indignaçom à quantidade e propensom descoido nas cousas aos apetitos desordeados das RIQUEÇAS ACOUÇADAS BENS ALHEIOS e frieiras desordeadas de comer e de beber e xenreira ao betume a celmes carnais de alfinetes que estamos obrigados a ser preferidos às outras chaves dos sumidoiros radioactivos do ultrasom cravados neste garfo do mildeu [catilinária] estmados nogentos manipuladores de Cibercity diríge-se a Vds. umha das novas catilinas de Lumpengrei (antes chamado Ceivanderri). DENÚNCIO! que agrilhoados no monçom dos siluros na cablística da ira na cripta da factoría ou no icono da deforestaçom clamamos viva catilina. que inspirados polo magma bífido pola deflagraçom lubricante pola engranagem locomotora e polo velho arredista escrivemos viva catilina. que sofrindo coa tómbola da moscas co demo do grei galego co leopardo esmaltado ou coa walkíria de odím choramos viva catilina. observando o ente do muro a grua recolhedora de escombros a pernada sobre o lumpem e a erossom dos cismas berramos viva catilina. quando ides abusar da nossa paciência? [juízo] vez que penso resisto cada vez que falo insisto cada vez que luito existo. EPÍLOGO: BERCES DE METAL. algumhas vigílias semelham crisois de celofám a girar no luar frenético da noite. numha noite qualquer de Novembro psicose patológica tipo de loucura ou doença mental acende a rádio e torna mirar ao ceo psicose crónica caracterizada assí namentres contavas as estrelas por umha susceptibilidade sombria & insociável e dérom a notícia que dizia polo conceito exagerado de sí mesmo que José Saramago ganhara o Nobel ou faze doente pola organizaçom lógica pois hai uns dias finóu o José Cardoso e dos temas delirantes que se formam cara & crús para os que escrevem no galego de Lisboa. fechei a rádio púgem-me mirar com delírios de peseguiçom & grandeça a lua que tinha um excesso claro de por intuiçom ou interpretaçom que se julga sinais de direcçom proibida incomprendido ou superior no seu meio a umhas lapas infernais tornando a partir de premisas que pareciam falsas ao satélite natural num projectar de ilussons obsesivas e fixas de diapositivas em celofám. vi-no a repressentaçom. a água cobria o mudo por riba da terra e bendigo as sementes de estouridos cláudio coelho! no leste vivia umha deusa numha kiva e bendigo aos bovinos avispados que reventam aos seus assassinos! no oeste vivia umha deusa algo semelhante e bendigo aos que colaborárom nos fracasso dos esperantos! figérom erguer a terra por riba da água e bendigo à carótida & aos sumérios às rotativas clandestinas & aos lavadoiros comunitários. logo o sul nom veu vida nem plantar tabaco ou caçar búffalos para viver. criárom aves & animais carne secándo-se umha mulher e um home de argila cobrírom aos figurantes cum veo & vivérom em tipis onde aprendérom preparar a pel dos bovinos pouco-avispados & fazer trineos. cantárom juntos para lhes dar vida linguagem & combate. um dia os velhos sinais de fume dérom a aguardada notícia: (e bendigo esse metal capaz de degolar!) o home branco nom é inmortal. as trabes eram desse metal desse metal eram os joguetes & as bonecas. desse metal as pegadas e a música. as bágoas o sangue a suor os ventres os arrolos eram desse metal. e eu que nom som de Cela- -Nova a morrer neste alto berce desse metal. nom o admitem as propriedades da gelamonita no melhoramento da circustáncia temprana mais a sua propriedade adquirindo analmente o senso civiliça ao índio. e este evitando levemente os ministérios àqueles os da mais madura ineficácia cria brandamente lográndo-se no novo Vítor Jara ou metátese ou valor de gando sobre um logro multiplicado se as meixelas abarcam para asustar aos ouvidos de fel porque talvez nom sabiam (ou nom queriam saber) que Espanha é um muro entre Galiza & o Mundo. outro muro o das reflexões sangrava e corria aberto no grande vértigo do antigo cosmonauta (ao comezo indescriptível) que debulhou cos mortos e mui religioso a nova ladaínha. a silueta olhou-se. primeiro saiu a circunferência coa qual olhou um moucho pousado tranquilo na folha da morte. emporisso Ilduara derramou vizosa de ira duas bágoas de sangue & de metal a umha de esperança pola pintada de Giana no muro das reflexões a outra de tristura pola tachadura de Giana no muro das reflexões. Giana forte tachou a pintada do seu irmão e escriveu: seguirei brincando aínda que me chegue a mancar como brincaria a terra como brinca o mar namentras esteja viva o que me queda é brincar. que assí seja.

EM LAVADORES E TEIS. VIGO. GALIZA. OUTUBRO DE 1994-NOVEMBRO DE 1998.

© 2006 Biblioteca Virtual Galega