BVG     Atrás    Índice de Páxinas

[p. 135]      N'A CHEGADA A OURENSE        D' A PRIMEIRA LOCOMOTORA                         I    Vel-ahí ven, vel-ahí ven avantande Comaros e corgas, e vales, e cerros. ¡Vinde vel-a, mociños e mozas! ¡Saludáina, rapaces e vellos!

Por onde ela pasa  Fecunda os terreos, Espértans' os homes, Frolecen os eidos.

Vel-ahí ven, vel-ahí ven, tan houpada, Tan milagrosiña, con paso tan meigo, Que parece unha Nosa-Señora, Unha Nosa-Señora de ferro.

[p. 136]    Tras d' ela non veñen Abades nin cregos; Mais ven a fartura ¡Y-a luz y-o progreso!

II    Catedral, demagogo de pedra, D'un povo fanático erguida n'o medio, Repinica esas chocas campanas En sinal d'alegría e contento.

Asocia esas voces O són d'os pandeiros, ¡As santas surrisas De terras e ceos!

E tí, rio d'os grandes destinos,  Qu'os himnos ensayas d'os trunfos ibéricos,  Requeimadal-as fauces de sede  Ven o mónstro á beber n'o teu seo.

Bon samaritano,  Dalle auga ó sedento;  Que a máquena é o Cristo D'os tempos modernos.

© 2006 Biblioteca Virtual Galega