Fábulas i epigramas

Páxina Anterior

¡Todos igoales!

Páxina Seguinte

m3amadormontenegroepigramas01.html


[p. 9]

«Todos somos igoales, n-hai difrénceas
          Antr' os altos y-os baixos»,
Dixeron á unha voz en certo pobo
          xa fai bastantes anos,

                    —

E sin facer distingos, como sona
          A frase interpretando,
Os xastres aboliron as mididas,
          As probas y-os repasos,

                    —

E fixeron vistidos por millares,
          Por un patrón quitados,
«Pois agora, dixeron, sin piligro
          Podemos ben gardal-os.»

                    —


[p. 10]

Y-era cousa de ver n-aquel estonces
          'Os probes xorobados
Unhos traxes usar, que lles sobraban
          O menos catro palmos;

                    —

'Os xigantes, cal hoxe os rapaciños,
          C'o calzón recortado,
Y-aqueles ¡miña xoya! dar cen tombos
          Sin adiantar un paso,

                    —

E como a mesma conta os sombreireiros
          Qu' os xastres se votaron
Y-os que fan calzoncillos, puños, cuellos,
          camisas e zapatos,

                    —

Resultou, qu' anque igoales en teoría,
          Tan â vista quedaron
As difrénceas, qu' ô fin todos dixeron:
          «A igoaldá é un engano.»

                    —

Qu' é tal o que socede s' ausolutas
          Queremos, sin roparo,
As teorías facer, que teñen sempre

          Seus lindes sinalados.

Páxina Anterior

Ir ao índice de Páxinas

Páxina Seguinte


logoDeputación logoBVG © 2006 Biblioteca Virtual Galega