BVG     Atrás    Índice de Páxinas

[p. 17]      D' o vran n-unha tarde ardente, De sede morto un paxaro, Con ansedá busc' a y-auga Cruzand' o val despobrado.      O sol brilant' e sin nubes Amóstras' aló n-o espáceo, Deixando n-a terr' á promo Caer os ardentes rayos;      Mentras as frores muchadas Tamén sin forza, seus tallos Hácea o chan buscando a morte Van pouco á pouco incrinando.      Non ouvean os cadelos, Non s' oi o chirrio d' os carros. [p. 18] Nin a campana d' a eirexa Dice nada ôs bos cristianos      E mentras todo así dorme, De sede mort' o paxaro, As âas vate xa sin forza; Qu' a vida vaino deixando;      Mais de repente precibe D' unha fontiña o remanso, Y-aló, máis lonx' escumante E choutador un regato,      E facendo un novo esforzo, Sin vida cuas' e sin animos, Chega e tírase n-o rego Morrend' ô fin afogado.      ¡Ai! cantas veces pensei Qu' esto é simil d' os peisanos, Que deixan o chan gallego Preseguindo un sono vano.      Que non son sempr' as riquezas, De conseguil-as n-o caso, As que nos volven a dicha, Tras d'as que sempre marchamos.

© 2006 Biblioteca Virtual Galega