O Fidalgo

Páxina Anterior

Escolma. Escena II

Páxina Seguinte

m1sanluisromero002.html

ESCEA II

DITA e CARMELA qu'entra pol'o foro. Vestirá refaixo bermello, mandil de casa, pano rechamante o pescozo e pano a cabeza. Parándose n'a porta di:

CARMELA.                     ¡Hay quen canta e axiña chora!...
                    N'este mundo todo ê engaño
                    ¿Será sempre com'agora?...
PASCOALA                     (Deixando de pineirar)
                    ¡San Silvestre, meigas fora!
CARMELA.                     (Mostrando un allo). (Rinse as dúas).
                    Estas meigas non fan daño.
                    ¿Pineiras?
PASCOALA                                              Par'amasar,
                    Qu'hoxe temos que cocer.
CARMELA.                     Qu'outro remédeo, muller,
                    Qu'espelirse a traballar.
                    Pois, eu viñach'a catar
                    O formento ; mais xa lisco,
                    Vexo qu'o vas gastar
                    E...
PASCOALA                                    Pois levarás o isco,
                    Moller, o qu'é sen un chisco
                    D'aquí non t'has de marchar.
                    Qu'antre veciños...
CARMELA.                                                   Pascoala,
                    Sempre tiveches boa idea,
                    Todos te queren n'aldea,
                    Porque nunca fuches mala.
PASCOALA                     ¿Lévalo?
CARMELA.                                    Pois damo entón,
                    E vou d'aquí a fuxir,
                    Porque teño que muxir
                    As vacas; y-o meu Antón
                    Inda n'almorzou. ¡Xesús!...
                    O traballo d'as mulleres
                    E un traballo enfolicado,
                    Nunca se ve aliñado,
                    Xúrocho por esta crus...

                    (Con xorna).

                    ¡Ainda hay homes com'o meu
                    Cheo d'andar de vixaire,
                    Que cando me queixo eu
                    Déceme: "o traballo teu
                    Vai c'o vento e vén c'o aire"!...
                    No... ¡alguns homes!... bo formento...

                    (Cheirándoo súpeto).

                    Lévedo está que'escachela.

                    (Saindo).

                    Adiós.
PASCOALA.                                         Adiós Caramela.
CARMELA.                     (Dend'a porta).
                    Volveréicho.
PASCOALA.                                                        No consento.


Páxina Anterior

Ir ao índice de Páxinas

Páxina Seguinte


logoDeputación logoBVG © 2006 Biblioteca Virtual Galega