BVG     Atrás    Índice de Páxinas

(Tantos anos que non me observaba unha pel distinta á miña, ou que non fose xa parte dos meus ollos, explorada, coñecida ou compartida...)

VII

               Vendo eses dous ollos latexantes
               cal visión dunha imaxe entresoñada
               no seu peito en perfecta simetría
               cun interno tremor que me fascina
               desexaría entrar nela e refuxiarme
               no seu corpo secreto para sempre
               protexido da morte
               coa súa vida

               féndeme o corpo un húmido arrepío
               e bícame as vértebras con furia
               nun vértigo de dor e de tenrura.

xuño, 95

© 2006 Biblioteca Virtual Galega