BVG     Atrás    Índice de Páxinas

VERSOS PRIMOS FESTA

A dona do pazo buscaba trobeiros, con trobas abrentes de verbas en flor para a Festa Maior, a dona do pazo buscaba xograres, con máxicas voces de doce cantar para a Festa do Mar. Buscaba trobeiros con trobas en flor que saiban a verba xenial que escintila, para a Festa da Vila, buscaba xograres de doce cantar, que saiban a verba que brilla e que canta, para a Festa da Santa. Con trobas en verba xenial que escintila ¡que troben a maxia dun preito de amor! para a Festa Maior, de doce cantiga que brilla e que canta cun máxico canto de coitas de amar para a Festa do Mar. Xenial escintila nun preito de amor a verba que vira diamantes a arxila para a Festa da Vila, que brilla e que canta de coitas de amar con aires xograres de doce garganta para a Festa Maior do Mar da Vila da Santa.

© 2006 Biblioteca Virtual Galega