|
vb1francogrande.html
A
miña infancia e primeira xuventude transcurriron en Tebra, onde
os meus pais eran mestres de primeiro ensino. Estudiei o
bacharelato en Vigo e Dereito en Santiago. Exerzo en Vigo a
profesión de avogado e fun, ata a miña xubilación en xuño
deste ano 2001, Asesor Xurídico da Caixa de Aforros de Vigo,
agora CAIXANOVA. Estou casado e teño dúas fillas: Rosalía e
Navia, a primeira tamén avogada e xornalista a segunda.
Debo todo na miña vida ós
compañeiros de xeración e ós galeguistas que na década dos
cincuenta retomaron a loita pola dignidade nacional de Galicia.
A miña profesión impediume deica
agora face-la obra literaria que eu quixera. Pode que, agora
xubilado, escriba aínda unha ducia de libros. Non pertenzo a
ningún partido político: é unha mala cousa que os tres de
máis implantación en Galicia sexan unha verdadeira calamidade
nacional, xa que están contribuíndo, e con eficacia, á
destrucción do país. E non se decatan.
En 1978 fun nomeado académico de
número da Real Academia Galega. Lin discurso de ingreso en 1998.
Procurei sempre escribir na prensa
na medida que mo permitiron as miñas ocupacións, como maneira
de seguir mantendo relación cos lectores e dicirlles que un
aínda está vivo.
Libros publicados:
Vieiro Choído (1957)
Galaxia.
Entre o si e o non (1967)
Galaxia
Diccionario Galego Castelán,
(1968), Galaxia
OBRA COMPLETA, de Leiras
Pulpeiro (1970) Fundación Penzol
Vocabulario Galego Castelán (1972)
Galaxia
Os anos escuros I (1985)
Edicións Xerais de Galicia
Herdo de Memoria e Tempo (1987)
Edicións Xerais de Galicia
A ilusión da esperanza (1991)
Edicións do Cumio
Francisco F. Del Riego
(2001), Ir Indo
No prelo:
Os tempos non dan chegado.
|
BVG
Atrás
