BVG     Atrás    Índice de Páxinas

este será o teu libro para que ti nunca o saibas. eu inventarei por iso a cidade, os lugares ocultos, os sitios secretos. crearei o aroma das camelias, as cancións dos músicos ambulantes, a herba fresca baixo os teus pés... eu crearei este lugar para un amor que nunca morra, meu pequeno de ollos máxicos, e a ti tamén. e só se amarras un globo vermello á miña man, e xuras que será o can que camiñe ao noso lado, que será chespir,coas súas patiñas de goma levitando sobre o chan, se o fas, se mo xuras, entón creareiche a ti tamén. para que habites no meu colo para sempre meu pequeno berlín. ese será o teu nome, porque terás un ollo de cada cor coma a cidade. e este será o teu libro, para que ti nunca o saibas.

© 2006 Biblioteca Virtual Galega