BVG     Atrás    Índice de Páxinas

o libro comeza aquí. despois veñen as palabras que eu inventei para amar. mesmo antes, de que ti o soubeses. e as barrigas das letras. alí agochei as paisaxes que fixeron medrar o meu sorriso onde ti camiñabas entre a xente, sen saber da nosa historia. e eu fixen destes versos unha casa para atoparnos. e os mellores momentos están escritos nas paredes. para que poidas aprendelos de memoria. eles serán a nosa lingua. e estas páxinas a maneira na que os teus dedos viaxen polo meu corpo.

© 2006 Biblioteca Virtual Galega