BVG Atrás Índice de Páxinas |
As posturas do día |
||
Escolma. "Ponte polo sitio das froitas" |
v4emmapedreirapontepolo.html
Ponte polo sitio das froitas
acadando unha luz mortal
de besta
moi próxima a me incrustar amor por embaixo da pel
envorcando
e desfacendo as repetidas tres únicas posturas
que mantén o día
primeiro paso fluvial para fulminar unha espera
inchazón da pel que vai rebentar en aire
e acordar
incorporar un corpo a outro que fai encoros
e aprendendo a soterrar
consegue saber que a morte
ten algo que ver
cun abrir do día
un sentir fetal
que provoca a renuncia
(a morte é un lugar
de ser
por detrás dos ollos)
© 2006 Biblioteca Virtual Galega |