BVG Atrás Índice de Páxinas |
Corpo |
||
(mans) |
v4emmapedreiramans.html
doutro xeito
xamais viviría o ruido no teu interior
se mil paxaros afogados no teu ventre
se silenciaran
sobre o mesmo punto da tarde
no que conflúen as túas mans
e cos dedos
agrandas a capacidade das noites
para nutrirse de areais opacos
gárgolas de luz
a se tornar estrelas carbónicas
chíos de inmensa dor alimentada por sí mesma
aquí
é o momento
da esgrima eléctrica acontecendo polos dedos
agora
as túas mans
chegan abatidas
desde a desilusión dos teus ollos
derramados
© 2006 Biblioteca Virtual Galega |